ទំហំលុយដុល្លារធ្លាក់ចុះ ក្នុងកម្រិតទាបបំផុត ក្នុងរយៈពេល៣០ឆ្នាំ នៃចំណែកទុនបម្រុង បរទេសទាំងអស់
បរទេស ៖ យោងតាមការចេញផ្សាយរបស់ RT មូលនិធិរូបិយវត្ថុអន្តរជាតិ ហៅកាត់ថាIMF បាននិយាយកាលពីថ្ងៃពុធថា ចំណែក នៃប្រាក់ដុល្លារអាមេរិក នៃទុនបម្រុង រូបិយប័ណ្ណបរទេសពិភពលោក បានធ្លាក់ចុះដល់កម្រិតទាបបំផុត ក្នុងរយៈពេលបីទសវត្សរ៍ ក្នុងត្រីមាសទីពីរ នៃឆ្នាំនេះ។
របាយការណ៍បាននិយាយថា ប្រាក់បម្រុងនៃលុយដុល្លារ មានចំនួនត្រឹមតែ៥៦,៣ភាគរយ នៃទុនបម្រុង ដែលបានបម្រុងទុក នៅចន្លោះខែមេសា និងខែមិថុនា ពោលគឺធ្លាក់ចុះ ១,៥ភាគរយពីត្រីមាសមុន និងជាសមាមាត្រតូចបំផុត ចាប់តាំងពីឆ្នាំ១៩៩៥ ទោះបីជាការធ្លាក់ចុះនេះគឺ ភាគច្រើនដោយសារ តែការផ្លាស់ប្តូររូបិយប័ណ្ណ ជាជាងការលក់សកម្ម ដោយធនាគារកណ្តាល ក៏ដោយ។
អ្នកស្រាវជ្រាវរបស់ IMF លោក Glen Kwende, Erin Nephew និង Carlos Sanchez-Munoz បានសរសេរថា ៖ឥទ្ធិពលនៃអត្រាប្តូរប្រាក់បានជំរុញឱ្យមានការធ្លាក់ចុះស្ទើរតែទាំងអស់ នៃចំណែករូបិយប័ណ្ណអាមេរិកនៃទុនបំរុងប្តូរប្រាក់។ ពួកគេបានប៉ាន់ប្រមាណថា ប្រហែលជា៩២ភាគរយ នៃការដួលរលំ គឺដោយសារតែការផ្លាស់ប្តូរតម្លៃ។
ប្រាក់ដុល្លារបានធ្លាក់ចុះ ៩ភាគរយ ធៀបនឹងប្រាក់អឺរ៉ូ១១ភាគរយ ធៀបនឹងប្រាក់ហ្វ្រង់ស្វីស និង ៦ភាគរយធៀបនឹង ប្រាក់ផោន ក្នុងរយៈពេលនោះ ត្រូវបានថ្លឹងថ្លែងដោយការដំឡើងពន្ធរបស់ប្រធានាធិបតីអាមេរិក Donald Trump សម្ពាធរបស់គាត់លើ Federal Reserve ដើម្បីកាត់បន្ថយ អត្រាការប្រាក់ និងការផ្លាស់ប្តូរពន្ធលើការ បង្កើនឱនភាពដែលបានអនុម័ត កាលពីថ្ងៃទី៤ខែកក្កដា នេះបើយោងតាម IMF ៕
ប្រែសម្រួល៖ស៊ុនលី
