មាតារបស់មហាក្សត្រថៃ សោយទីវង្គត ក្នុងមន្ទីរពេទ្យ ជូឡាឡុងកន ក្នុងព្រះជន្ម៩៣ ព្រះវស្សា
បរទេស: ការិយាល័យព្រះបរមរាជវាំងថៃ បានប្រកាសនៅកាលពីថ្ងៃសុក្រថា ព្រះមហាក្សត្រីយានី Sirikit មាតារបស់មហាក្សត្រថៃ បានសោយទិវង្គតនៅមន្ទីរពេទ្យ ជូឡាឡុងកន វេលាម៉ោង ៩:២១ យប់ ថ្ងៃទី ២៤ ខែតុលា ឆ្នាំ ២០២៥។ ព្រះមហាក្សត្រីយានី Sirikit មានព្រះជន្ម ៩៣ ព្រះវស្សា។
យោងតាមសារព័ត៌មាន Khaosod ចេញផ្សាយនៅថ្ងៃទី២៥ ខែតុលា ឆ្នាំ២០២៥ថា សេចក្តីប្រកាសនេះបានសរសេរថា៖ «ព្រះមហាក្សត្រីយានី Sirikit បានគង់នៅមន្ទីរពេទ្យ ជូឡាឡុងកន សមាគមកាកបាទក្រហមថៃ តាំងពីថ្ងៃទី ៧ ខែកញ្ញា ឆ្នាំ ២០១៩។ ក្រុមគ្រូពេទ្យកំពុងតាមដានប្រព័ន្ធរាងកាយផ្សេងៗ។
ក្នុងអំឡុងពេលគង់ស្នាក់នៅរបស់ព្រះអង្គ ព្រះមហាក្សត្រីយានីបានប្រឈួនច្រើនដង ខណៈគ្រូពេទ្យបានរកឃើញភាពមិនប្រក្រតីដែលត្រូវការការព្យាបាលជាបន្តបន្ទាប់។
ចាប់តាំងពីថ្ងៃទី ១៧ ខែតុលា ឆ្នាំ ២០២៥ ព្រះមហាក្សត្រីយានី សិរិគិត បានប្រឈួនដោយសារជំងឺរលាកក្នុងឈាម (sepsis)។ ទោះបីជាក្រុមគ្រូពេទ្យបានព្យាបាលតាមលទ្ធភាពក៏ដោយ ស្ថានភាពរបស់ព្រះអង្គកាន់តែយ៉ាប់យ៉ឺន។
ប្រែសម្រួល: ណៃ តុលា
