កូរ៉េខាងត្បូង ដាក់ពលករមកពីខេត្តចំនួន៤ ក្នុងប្រទសថៃ ទៅក្នុងបញ្ជីខ្មៅ
បរទេស៖ ក្រសួងការងារថៃ បានបញ្ជាក់ថា ប្រទេសកូរ៉េខាងត្បូងបានដាក់ពលករមកពីខេត្តភាគឦសានប្រទេសថៃចំនួនបួនក្នុងបញ្ជីខ្មៅ និងបានផ្អាកការនាំយកពលករ តាមរដូវក្រោមគម្រោងទិដ្ឋាការ E-8 រយៈពេលមួយឆ្នាំ បន្ទាប់ពីពលករជាច្រើនត្រូវបានគេរាយការណ៍ថា បានរត់គេចខ្លួនពីនិយោជក ។
យោងតាមសារព័ត៌មាន Khaosod English ចេញផ្សាយនៅថ្ងៃទី១២ ខែឧសភា ឆ្នាំ២០២៦ថា យោងតាមព័ត៌មាន ដែលបានចែករំលែកដោយមជ្ឈមណ្ឌលព័ត៌មាន ប្រឆាំងក្លែងក្លាយថៃ នៅថ្ងៃចន្ទ ដោយដកស្រង់សម្តីពីក្រសួងការងារ ខេត្តដែលរងផលប៉ះពាល់គឺខេត្ត Udon Thani, Khon Kaen, Chaiyaphum និងខេត្ត Maha Sarakham។
ការផ្អាកនេះគ្របដណ្តប់លើឆ្នាំប្រតិទិនឆ្នាំ ២០២៦ ទាំងមូល បន្ទាប់ពីអាជ្ញាធរកូរ៉េខាងត្បូងបានរកឃើញថា កម្មករថៃមួយចំនួន ដែលត្រូវបានបញ្ជូនក្រោមកម្មវិធីអនុស្សរណៈនៃការយោគយល់គ្នា (MOU) សម្រាប់ការងារកសិកម្ម និងនេសាទតាមរដូវ គឺបានរត់គេចខ្លួនពីនិយោជក ដែលបានកំណត់របស់ពួកគេ។ មន្ត្រីបាននិយាយថា បញ្ហានេះបានប៉ះពាល់យ៉ាងខ្លាំងដល់កូតាកម្លាំងពលកម្មរបស់ប្រទេសថៃសម្រាប់ឆ្នាំ ២០២៦។
ប្រែសម្រួលៈ ណៃ តុលា
