វ៉ាស៊ីនតោន៖ ក្រសួងការបរទេស បានឲ្យដឹងថា សហរដ្ឋអាមេរិក គាំទ្រកិច្ចសហប្រតិបត្តិការអន្តរកូរ៉េ និងធ្វើការជាមួយកូរ៉េខាងត្បូង ដើម្បីធានាបាន នូវកិច្ចសហប្រតិបត្តិការរួមគ្នា ជាមួយនឹងវឌ្ឍនភាព ក្នុងការរំសាយអាវុធនុយក្លេអ៊ែរ របស់កូរ៉េខាងជើង។
ប្រទេសកូរ៉េខាងជើង បានគំរាមកាលពីសប្តាហ៍មុនថា នឹងបិទការិយាល័យ នៅក្នុងទីក្រុងព្រំដែន Kaesong លើកលែងតែទីក្រុងសេអ៊ូល បញ្ឈប់អ្នករត់ចោលជួរ និងសកម្មជនកូរ៉េខាងជើង ពីការបញ្ជូនខិត្តប័ណ្ណ ប្រឆាំងនឹងទីក្រុងព្យុងយ៉ាង ចូលទៅកូរ៉េខាងជើង។
អ្នកនាំពាក្យ ក្រសួងការបរទេស បានឲ្យដឹងជាមួយនឹង ឆ្លើយតបនឹងការសាកសួរ ពីសារព័ត៌មាន យ៉ុនហាប់ថា“ សហរដ្ឋអាមេរិក គាំទ្រកិច្ចសហប្រតិបត្តិការអន្តរកូរ៉េ និងសម្របសម្រួល ជាមួយសម្ព័ន្ធមិត្តកូរ៉េខាងត្បូងរបស់យើង ដើម្បីធានាកិច្ចសហប្រតិបត្តិការអន្តរកូរ៉េ នៅក្នុងភាពជាប់គាំង ជាមួយនឹងវឌ្ឍនភាព លើការរំសាយអាវុធនុយក្លេអ៊ែរ”៕ ដោយ ៖ ឈូក បូរ៉ា
