អ៊ីរ៉ង់ព្រមានបញ្ឈប់ ការនាំចេញប្រេងពីក្នុងតំបន់ ទាំងស្រុងប្រសិនបើអាមេរិក ហ៊ានវាយប្រហារលើ ហេដ្ឋារចនាសម្ព័ន្ធរបស់ខ្លួន
បរទេស៖ ទីភ្នាក់ងារចិនស៊ិនហួចេញផ្សាយ នៅថ្ងៃនេះបានឲ្យដឹងថាអ៊ីរ៉ង់បានព្រមានកាលពីថ្ងៃពុធ ម្សិលមិញថា ប្រសិនបើសហរដ្ឋអាមេរិក វាយប្រហារលើហេដ្ឋារចនាសម្ព័ន្ធអ៊ីរ៉ង់ អ៊ីរ៉ង់នឹងរារាំងការនាំចេញប្រេងទាំងអស់ពីអាស៊ីខាងលិច និងកំណត់គោលដៅប្រេង ឧស្ម័ន អគ្គិសនីនិងហេដ្ឋារចនាសម្ព័ន្ធ សេដ្ឋកិច្ចនៅទូទាំងតំបន់តែម្តង។
ការព្រមាននៅក្នុងសេចក្តីថ្លែងការណ៍ ដែលធ្វើឡើងដោយប្រព័ន្ធផ្សព្វផ្សាយ អ៊ីរ៉ង់បានធ្វើឡើងក្នុងការឆ្លើយតប ទៅនឹងការគំរាមកំហែងជាថ្មី របស់ប្រធានាធិបតីអាមេរិក Donald Trump ក្នុងការទម្លាក់គ្រាប់បែកទៅលើ ស្ពាន និងរោងចក្រថាមពលរបស់អ៊ីរ៉ង់។
នៅក្នុងការបង្ហោះកាលពីថ្ងៃពុធនៅលើ Truth Social លោក Trump បាននិយាយថាការវាយប្រហារណាមួយ របស់អ៊ីរ៉ង់លើនាវានៅច្រកសមុទ្រ Hormuz នឹងបង្កឱ្យមានការដាក់ទណ្ឌកម្មរបស់សហរដ្ឋអាមេរិក។ ការវាយប្រហារលើ ស្ពានតែមួយ ឬរោងចក្រថាមពល រួមទាំងទីតាំងនៅក្បែរ ឬក្នុងទីក្រុងតេហេរ៉ង់ក្តី។
បញ្ជាការយោធាសំខាន់ របស់អ៊ីរ៉ង់បានសង្កត់ធ្ងន់ថាច្រកសមុទ្រ Hormuz នៅតែបិទ ហើយការឆ្លងកាត់ដោយនាវានឹងត្រូវបានអនុញ្ញាតតែ តាមរយៈផ្លូវដែលកំណត់ដោយអ៊ីរ៉ង់ និងស្របតាមការរៀបចំដែលបាន ប្រកាសរបស់ប្រទេសនេះប៉ុណ្ណោះ។
ជាការឆ្លើយតបទៅនឹង ការគំរាមកំហែងរបស់លោក Trump រដ្ឋមន្ត្រីការបរទេសអ៊ីរ៉ង់លោក Seyed Abbas Araghchi បាននិយាយនៅក្នុងការបង្ហោះកាលពីថ្ងៃពុធ នៅលើវេទិកាប្រព័ន្ធផ្សព្វផ្សាយសង្គម X ថា៖គោលលទ្ធិការពារជាតិរបស់យើងគឺច្បាស់លាស់ ។ ការឈ្លានពានណាមួយប្រឆាំងនឹងអ៊ីរ៉ង់ រួមទាំងហេដ្ឋារចនាសម្ព័ន្ធរបស់យើងនឹងបង្ខំឱ្យមានការឆ្លើយតបដ៏មានឥទ្ធិពល និងការសម្រេចចិត្តជាមិនខាន៕
