DR103

លោក ឡី​ សុភាព នាយកវិទ្យាស្ថានអាជីវកម្មអន្តរជាតិ ប្រគល់សញ្ញាបត្រ ជូនសិក្ខាកាម បញ្ចប់ការសិក្សា ២០០នាក់

ភ្នំពេញ៖ លោក ឡី សុភាព ប្រធានសមាគមសហព័ន្ធវិនិយោគិនកម្ពុជា និងជានាយកវិទ្យាស្ថានអាជីវកម្មអន្តរជាតិ នាព្រឹកថ្ងៃទី២៧ ខែតុលា ឆ្នាំ២០២២នេះ បានប្រគល់វិញ្ញាបនបត្រវិជ្ជាជីវៈ ជូនសិក្ខាកាមប្រមាណជាង២០០នាក់ ដែលបានបញ្ចប់ការសិក្សា នៅវិទ្យាស្ថានអាជីវកម្មអន្តរជាតិ នៅភោជនីយដ្ឋាន The Grand Terrace ខណ្ឌទួលគោក រាជធានីភ្នំពេញ។ នាឱកាសនោះ លោកបណ្ឌិតបានផ្ដាំផ្ញើទៅកាន់សិក្ខាកាម ដែលទើបបញ្ចប់ការសិក្សាថ្មីនោះ នូវទិសស្លោកសំខាន់មួយថា «ចូលដើម្បីរៀន ចេញដើម្បីបម្រើ»។ ពាក្យស្លោកនេះ លោកចង់បានន័យថា ប្រសិនបើដាក់ខ្លួនចូលរៀនហើយ គឺត្រូវតែខិតខំសិក្សារៀនសូត្រ ឈ្វេងយល់ និងស្វែងយល់នូវចំណេះជំនាញ ដែលខ្លួនរៀននោះឱ្យបានជាក់ច្បាស់ប្រាកដ ដើម្បីប្រើប្រាស់ឱ្យបានត្រឹមត្រូវនៅពេលទៅប្រកបការងារ ឬមុខរបររបស់ខ្លួន។ នោះពេលរៀនចប់ ហើយចេញទៅប្រកបការងារ និងមុខរបរនានា គឺត្រូវតែមានភាពសុចរិត គោរពច្បាប់ ដើម្បីបម្រើប្រជាពលរដ្ឋ និងប្រទេសជាតិ។ លោក ឡី សុភាព បានលើកឡើងពីគោលនយោបាយជាតិ ស្ដីពីការអប់រំបណ្តុះបណ្តាលជំនាញបច្ចេកទេស និងវិជ្ជាជីវៈហៅកាត់ TVET និងគោលនយោបាយជាតិ សម្រាប់ការសិក្សាពេញមួយជីវិត។ លោកក៏បានលើកទឹកចិត្ត ដល់សិក្ខាកាមត្រូវខិតខំអភិវឌ្ឍជំនាញរបស់ខ្លួន «មនុស្សម្នាក់ ជំនាញមួយ» ដើម្បីពង្រីកជីវភាពរស់នៅ និងជួយកសាងកម្លាំងអភិវឌ្ឍជាតិផងដែរ។ លោកក៏បានផ្តាំផ្ញើដល់សិក្ខាកាមទាំងអស់ថា ជំនាញបណ្តុះបណ្តាលវិជ្ជាជីវៈ គឺជាចំណេះដឹងគ្រឹះមួយដែលមិនអាចខ្វះបាន។ វិញ្ញាបនបត្រវិជ្ជាជីវៈនាពេលនេះ មានតម្លៃអាចយកទៅបញ្ជាក់បាននៅគ្រប់កន្លែងទាំងអស់។ នេះជាចំណុចមួយដែលរាជរដ្ឋាភិបាលបានលើកទឹកចិត្តនូវគោលនយោបាយជាតិសម្រាប់ការសិក្សាពេញមួយជីវិត។ លោកបានអំពាវនាវ ដល់សិក្ខាកាមដែលថ្ងៃក្រោយ អាចក្លាយជាធុរកិច្ចជន ពាណិជ្ជករ អាជីវករ គឺត្រូវប្រកាន់ខ្ជាប់នូវត្រឹមត្រូវច្បាស់លាស់ និងមានចំណេះជំនាញវិជ្ជាជីវៈ ជាពិសេសក្រមសីលធម៌ ដើម្បីមុខរបរ ការងារអាចរីកចម្រើនទៅបាន។ លោក ឡី សុភាព ក៏បានផ្តាំផ្ញើដល់សិក្ខាកាម ទាំងជាង២០០នាក់នោះថា ក្នុងនាមជាថ្នាក់ដឹកនាំត្រូវមើលមនុស្សឱ្យបានត្រឹមត្រូវ ហើយត្រូវជ្រើសរើសមនុស្ស ដោយប្រើគន្លឹះ៤ និងគន្លឹះ៣ ដែលសំដៅដល់មនុស្សដែលមានឆន្ទៈ វីរិយៈ ចិត្តៈនិងវិមង្សា ខណៈគន្លឹះ៣សំដៅដល់សច្ចៈ ខន្តី និងកត្តញ្ញូតា ជាពិសេសត្រូវមានព្រហ្មវិហាធម៌ក្នុងខ្លួនជាចាំបាច់ គឺមេត្តាករុណា មុទិតា និងឧបេក្ខា។ លោកនាយកវិទ្យាស្ថានបានណែនាំឱ្យសិក្ខាកាមទាំងឡាយត្រូវចេះចងជារចនាសម្ពន្ធ និងត្រូវជួយគ្នាទៅវិញទៅមកដើម្បីការរីកចម្រើនក្នុងអាជីវកម្ម និងការងារទាំងអស់គ្នា៕

ឧត្តមសេនីយ៍ឯក លឹម ផាន់ភារៈ ត្រូវ​បាន​តែងតាំង ​ជាប្រធាននាយកដ្ឋានកណ្តាល សណ្តាប់ធ្នាប់សាធារណៈ​ នៃ​អគ្គស្នងការ​ដ្ឋាននគរបាលជាតិ​

អភិបាលខេត្តកំពង់ចាម ដឹកនាំក្រុមការងារ ចុះពិនិត្យវឌ្ឍនភាពការសាងសង់ផ្លូវមួយខ្សែ ក្នុងឃុំត្រប់ ស្រុកបាធាយ 

កំពង់ចាម ៖ អភិបាលខេត្តកំពង់ចាម លោក អ៊ុន ចាន់ដា នៅព្រឹកថ្ងៃទី ២៦ ខែតុលា ឆ្នាំ ២០២២ នេះ បានដឹកនាំក្រុមការងារ មន្ត្រីពាក់ព័ន្ធចុះពិនិត្យវឌ្ឍនភាព ការសាងសង់ផ្លូវមួយខ្សែប្រវែង ជាង ១៣ គីឡូម៉ែត្រ ស្ថិតក្នុងឃុំត្រប់ ស្រុកបាធាយ ខេត្តកំពង់ចាម ។ ...

ឧបនាយករដ្ឋមន្ត្រី ហោ ណាំហុង ជឿជាក់ថា ក្រោមការដឹកនាំរបស់លោក Xi Jinping ប្រជាជនចិន នឹងកាន់តែមានការរីកចម្រើន ទទួលបានការគោរពខ្លាំងក្លា ថែមទៀត ពីពិភពលោក (Video)

លោកឧបនាយករដ្ឋមន្ត្រី ហោ ណាំហុង និងជាប្រធានគណៈកម្មាធិការសម្របសម្រួល រដ្ឋាភិបាលកម្ពុជា-ចិន សូមចូលរួមអបអរសាទរ ជាមួយប្រជាជនចិន ក្នុងការដែលលោក Xi Jinping ត្រូវបានបក្សកម្មុយនីស្តចិន ផ្តល់ការទុកចិត្តឲ្យបន្តដឹកនាំ ក្នុងអាណត្តិថ្មីបន្តទៀត ដោយលោក ជឿជាក់ថា ក្រោមការដឹកនាំរបស់លោក Xi Jinping ប្រជាជនចិន នឹងកាន់តែមានការរីកចម្រើន ទទួលបានការគោរពខ្លាំងក្លាថែមទៀត ពីពិភពលោក។...

បទវិភាគ៖ «សេចក្តីព្រាងច្បាប់ ស្តីពីការធ្វើវិសោធនកម្ម លក្ខនិ្តកៈបក្សកុម្មុយនីស្តចិន» គឺជាសេចក្តីប្រាថ្នារួម របស់បក្ស និងប្រជាជន

នៅថ្ងៃទី២២ខែតុលាឆ្នាំ២០២២  សមាជកុម្មុយនីស្តចិន លើកទី២០ បានពិនិត្យពិភាក្សានិងអនុម័តជាឯកច្ឆន្ទលើ «សេចក្តីព្រាងច្បាប់ស្តីពីការធ្វើវិសោធនកម្ម លក្ខនិ្តកៈបក្សកុម្មុយនីស្តចិន» ដែលលើកឡើងដោយ គណៈកម្មាធិការមជ្ឈិមបក្សអាណត្ដិទី១៩ ។“ សមាជបានឯកភាពគ្នាថា  និងដាក់បញ្ចូលខ្លឹមសារស្តីពីការអភិវឌ្ឍថ្មី នៃគំនិតសង្គមនិយម ប្រកបដោយលក្ខណៈពិសេសចិន ក្នុងយុគសម័យថ្មីរបស់លោក Xi Jinping តាំងពីសមាជបក្សកុម្មុយនីស្តចិន លើកទី១៩មក ទៅក្នុងលក្ខន្តិកៈបក្ស ។” ត្រូវអនុវត្តដោយគ្រប់ជ្រុងជ្រោយ នូវគំនិតសង្គមនិយម...

លោក​ ឃួង​ ស្រេង​ ជួបសំណេះសំណាល និងប្រគល់អំណោយ ដល់មនុស្សចាស់ រស់នៅរាជធានីភ្នំពេញ ជាង៥០០នាក់

ភ្នំពេញ៖ ដើម្បីអបអរសាទរទិវាមនុស្សចាស់កម្ពុជា និងទិវាមនុស្សចាស់អន្តរជាតិ១ តុលា ឆ្នាំ២០២២ និងជាការបង្ហាញនូវការយកចិត្តទុកដាក់ របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក៏ដូចជារដ្ឋបាលរាជធានីភ្នំពេញ ចំពោះសុខទុក្ខរបស់មនុស្សចាស់ នៅព្រឹកថ្ងៃទី២៦ ខែតុលា ឆ្នាំ២០២២នេះ រដ្ឋបាលរាជធានីភ្នំពេញ បានជួបជុំសំណេះសំណាល ជាមួយលោកយាយលោកតា...

អតីតប្រធានាធិបតីរុស្សី ឆ្លើយតបសារព័ត៌មាន លោកខាងលិច ពីការព្យាករណ៍ ស្តុកអាវុធរបស់រុស្សី

បរទេស៖ អតីតប្រធានាធិបតីរុស្សីលោក Dmitry Medvedev កាលពីថ្ងៃចន្ទម្សិលមិញនេះ បានធ្វើការលើកឡើងថា រុស្សីកំពុងតែធ្វើពង្រឹងនិងបង្កើនក្បាលគ្រាប់ និងអាវុធរបស់ខ្លួនជាច្រើនទៀត បូករួមទាំងរថក្រោះ មីស៊ីល ដ្រូន និងគ្រាប់កាំភ្លើងគ្រប់ធុនផងដែរ។ សេចក្តីថ្លែងការណ៍របស់គាត់បានធ្វើឡើង បន្ទាប់ពីអតីតប្រធានាធិបតីរូបនេះ បានធ្វើដំណើរទៅទស្សនកិច្ចសិក្សា ជាមួយនឹងរោងចក្រផលិតអាវុធ និងធំជាងគេបំផុតមួយរបស់ប្រទេសរុស្សី និងក៏ជារោងចក្រផលិតរថក្រោះរបស់រុស្សីផងដែរគឺ Uralvagonzavod។ លោក Medvedev ដែលបច្ចុប្បន្នកំពុងបម្រើការងារ...

ស៊ុយអែត ប្តេជ្ញាបំពេញលក្ខខណ្ឌ នៃកិច្ចព្រមព្រៀងតួកគី ដើម្បីចូលជាសមាជិកណាតូ

ស្ដុកហូម៖ អ្នកការទូតកំពូលរបស់ប្រទេសនេះ បាននិយាយកាលពីថ្ងៃចន្ទថា ប្រទេសស៊ុយអែត នឹងបំពេញតម្រូវការទាំងអស់ ក្រោមកិច្ចព្រមព្រៀង ជាមួយប្រទេសតួកគី ដើម្បីចូលរួមជាមួយណាតូ ហើយនឹងទម្លាក់ចោល “គោលនយោបាយការបរទេសស្ត្រីនិយម” របស់រដ្ឋបាលមុននេះ។ រដ្ឋមន្ត្រីការបរទេសលោក Tobias Billstrom បានលើកឡើងថា រដ្ឋាភិបាលស៊ុយអែត ចែករំលែកការព្រួយបារម្ភរបស់តួកគី អំពីគណបក្សពលករឃឺដ ឬ PKK ដែលត្រូវបានចាត់ទុកថា ជាអង្គការភេរវករនៅក្នុងប្រទេសតួកគី...

សម្តេច សាយ ឈុំ អញ្ជើញត្រឡប់ មកដល់កម្ពុជាវិញ បន្ទាប់ពីទស្សនកិច្ចជាផ្លូវការ នៅវៀតណាម

ភ្នំពេញ ៖ នាថ្ងៃទី២៦ ខែតុលា ឆ្នាំ២០២២ គណៈប្រតិភូជាន់ខ្ពស់ព្រឹទ្ធសភា នៃព្រះរាជាណាចក្រកម្ពុជា ដឹកនាំដោយ សម្តេច សាយ ឈុំ ប្រធានព្រឹទ្ធសភា បានអញ្ជើញធ្វើមាតុភូមិនិវត្តន៍ មកកាន់មាតុប្រទេសវិញ ប្រកកបដោយសុវត្ថិភាព បន្ទាប់ពីអញ្ជើញបំពេញទស្សនកិច្ចជាផ្លូវការ នៅសាធារណរដ្ឋសង្គមនិយមវៀតណាម ពីថ្ងៃទី២៤ ដល់ថ្ងៃទី២៦ ខែតុលា ឆ្នាំ២០២២។ តាមរយៈដំណើរទស្សនកិច្ចជាផ្លូវការនេះ...

កម្មករនិយោជិត ត្រូវ​បាន​អនុញ្ញាត ឱ្យឈប់សម្រាក ៣ថ្ងៃដោយមានប្រាក់ឈ្នួល នាឱកាសពិធីបុណ្យអុំទូក

ភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ថ្ងៃឈប់សម្រាកក្នុងព្រះរាជពិធី បុណ្យអុំទូក បណ្តែតប្រទីប និងសំពះព្រះខែ អកអំបុក រយៈពេល ៣ថ្ងៃ ចាប់ពីថ្ងៃទី៧-៩ ខែវិច្ឆិកា ឆ្នាំ២០២២ ខាងមុខនេះ បានអនុញ្ញាតឱ្យកម្មករនិយោជិតទាំងអស់ឈប់សម្រាក ដោយមានប្រាក់ឈ្នួល។ យោងតាមសេចក្ដីជូនដំណឹងរបស់ ក្រសួងការងារ នាពេលថ្មីៗនេះ បានបញ្ជាក់ថា...