DR103

មន្ត្រីជំនាញ ប.ស.ស. ចូលរួមសិក្ខាសាលា ពិគ្រោះយោបល់ នៅថៃ ស្តីពី “កិច្ចគាំពារសង្គម សម្រាប់បុគ្គលស្វ័យនិយោជន៍ នៅក្នុងតំបន់អាស៊ាន”

ថៃ៖ ក្រោមការចាត់តាំងពីសំណាក់ លោក អ៊ុក សមវិទ្យា ប្រតិភូរាជរដ្ឋាភិបាល ទទួលបន្ទុកជាអគ្គនាយក បេឡាជាតិសន្តិសុខសង្គម លោក អ៊ុក សំអូន ប្រធាននាយកដ្ឋាន សេវាអតិថិជន និងទំនាក់ទំនងសាធារណៈ បានចូលរួមសិក្ខាសាលាពិគ្រោះយោបល់ស្តីពី “កិច្ចគាំពារសង្គម សម្រាប់បុគ្គលស្វ័យនិយោជន៍នៅក្នុងតំបន់អាស៊ាន” នៅថ្ងៃទី២២ ខែមីនា ឆ្នាំ២០២៣ នៅទីក្រុងបាងកក ប្រទេសថៃ។ សិក្ខាសាលាពិគ្រោះយោបល់ខាងលើនេះ ធ្វើឡើងក្នុងគោលបំណង ចែករំលែកគំនិតផ្តួចផ្តើមថ្មីៗ របស់រដ្ឋសមាជិកអាស៊ានពាក់ព័ន្ធនឹងការលើកកម្ពស់ កិច្ចគាំពារសង្គមសម្រាប់បុគ្គលស្វ័យនិយោជន៍ និងបញ្ហាប្រឈម របស់ក្រុមគោលដៅក្នុងការចូលរួមកិច្ចសន្ទនាសង្គម ក៏ដូចជាប្រមូលនូវធាតុចូលពីសមាសភាពចូលរួមត្រីភាគី ដើម្បីរៀបចំជាអនុសាសន៍ ក្នុងការពង្រឹងការអនុវត្ត សេចក្តីថ្លែងការណ៍អាស៊ានស្តីពី ការពង្រឹងកិច្ចគាំពារសង្គម ព្រមទាំងកំណត់នូវទិសដៅអនុវត្តបន្ត សម្រាប់ការពង្រីកការគ្របដណ្តប់បុគ្គលស្វ័យនិយោជន៍ នាពេលអនាគត។ វេទិកានេះ គឺជាផ្នែកមួយនៃយុទ្ធសាស្រ្ត ក្នុងការសម្រេចបាននូវចក្ខុវិស័យ គាំទ្រការអនុវត្តសេចក្តីថ្លែងការណ៍អាស៊ាន ស្តីពី ការពង្រឹងកិច្ចគាំពារសង្គម និងផែនការការងារ នៃកិច្ចប្រជុំថ្នាក់ឧត្តមមន្រ្តីការងារអាស៊ានឆ្នាំ២០២១-២០២៥។ សូមបញ្ជាក់ថា៖ សិក្ខាសាលានេះ ត្រូវបានរៀបចំឡើងដោយអង្គការស្រ្តី ក្នុងការងារក្រៅប្រព័ន្ធ (WIEGO) និង អង្គការ ហូមណេតអាស៊ីអាគ្នេយ៍ (HNSEA) ដោយមានការចូលរួមដោយផ្ទាល់ ពីតំណាងនៃកិច្ចប្រជុំថ្នាក់ឧត្តមមន្រ្តីការងារអាស៊ាន (SLOM), សមាគមសន្តិសុខសង្គមអាស៊ាន (ASSA), ក្រុមប្រឹក្សាសហជីព សេវានិយោជិតអាស៊ាន (ASETUC), លេខាធិការដ្ឋានអាស៊ាន, អង្គការដែលជាសមាជិកនៃបណ្តាញអង្គការ WIEGO, អង្គការអន្តរជាតិខាងការងារ (ILO), គណៈកម្មការសេដ្ឋកិច្ច និងសង្គមប្រចាំតំបន់អាស៊ី និងប៉ាស៊ីហ្វិកនៃអង្គការសហប្រជាជាតិ (UN ESCAP), វេទិកាតុមូលអាស៊ីស្តីពី កិច្ចគាំពារសង្គម, និង អង្គការអន្តរជាតិអុកហ្វាម សរុបប្រមាណជាង ៥០នាក់៕

498

អត្ថបទ

ផ្សារទំនើប Prince International Mall រៀបចំកម្មវិធី Fun & Family Fiesta ដែលមានផ្តល់អាហារដ៏សម្បូរបែប រួមជាមួយនឹងព្រឹត្តិការណ៍ជួលហាង

ការដើរលេងជាលក្ខណៈគ្រួសារ តែងតែចង់បានភាពរីករាយ រួមនឹងការញ៉ាំអាហារឆ្ងាញ់ៗ កម្មវិធី Fun & Family Fiesta ដែលរៀបចំឡើង ដោយផ្សារទំនើប Prince International Mall ត្រូវបានធ្វើឡើងរួមគ្នា ជាមួយនឹងព្រឹត្តិការណ៍ជួលហាង។ ព្រឹត្តិការណ៍នេះនឹងប្រព្រឹត្តទៅ នៅថ្ងៃទី 25 ខែមីនា ឆ្នាំ 2023 ខាងមុខនេះនៅផ្សារទំនើប Prince International Mall ។ អ្នកចូលរួមក្នុងព្រឹត្តិការណ៍នេះ អាចរីករាយជាមួយនឹងប្រភេទអាហារឆ្ងាញ់ៗជាច្រើន ដូចជាអាហារសម្រន់ និងបង្អែមដ៏ឈ្ងុយឆ្ងាញ់។មាតាបិតាអាចសម្រាក និងរីករាយជាមួយអាហារឆ្ងាញ់ៗ ខណៈពេលដែលកូនៗ លេងជាមួយកម្មវិធីកម្សាន្តសប្បាយៗជាច្រើន។ បន្ថែមពីលើអាហារ និងការកម្សាន្តសប្បាយខាងលើ ក៏មានផ្តល់នូវឱកាសដែលមិនគួរឱ្យជឿ សម្រាប់អាជីវករ និងអ្នកវិនិយោគដែលចាប់អារម្មណ៍ លើការជួលហាងផងដែរ។ អាជីវករ និងអ្នកវិនិយោគជនជាតិខ្មែរទាំងអស់ នឹងមានឱកាសទទួលបានការជួល ដោយមិនគិតថ្លៃរហូតដល់ 1 ឆ្នាំ! ផ្សារទំនើប Prince International Mall ក៏កំពុងផ្តល់ជូនបញ្ជរ និងរទេះរុញ សម្រាប់ជួល ក្នុងអំឡុងព្រឹត្តិការណ៍នេះផងដែរ។ អតិថិជនទាំងអស់ ក៏អាចចូលរួមសិក្ខាសាលា ស្តីពីរបៀបក្លាយជាអ្នកលក់រាយ ដែលធ្វើបទបង្ហាញដោយ CBRE ដែលនឹងផ្តល់អត្ថប្រយោជន៍ ជាពិសេសសម្រាប់អ្នកដែលចាប់អារម្មណ៍ក្នុងការជួលហាង សម្រាប់ធ្វើអាជីវកម្មផ្ទាល់ខ្លួន។ ការចុះឈ្មោះចូលរួមព្រឹត្តិការណ៍នេះ បានបើកជាផ្លូវការហើយ! ក្រុមគ្រួសារទាំងអស់ ត្រូវបានលើកទឹកចិត្តឱ្យចូលរួមដើម្បីទទួលបាន ភាពសប្បាយរីករាយ និងការសិក្សាថ្មីៗ។ សម្រាប់ព័ត៌មានបន្ថែម និងការចុះឈ្មោះ សូមចុចលីងខាងក្រោម៖ https://tinyurl.com/2rtuhx4w អំពីផ្សារទំនើប Prince International Mall៖ ផ្សារទំនើប Prince International Mall ជាកន្លែងរស់នៅមានភាពស៊ីវិល័យ លំដាប់កំពូលក្នុង [ទីក្រុង/ប្រទេស] ដែលអាចបំពេញ នូវរាល់តម្រូវការ និងការប្រាថ្នាចង់បានរបស់លោកអ្នក ទាំងការទិញឥវ៉ាន់ និងទទួលទានអាហារ។ ផ្សារទំនើបយើងខ្ញុំក៏មានផ្តល់ជូន នូវគ្រឿងបរិក្ខារ និងសម្ភារៈដែលមានគុណភាព ខ្ពស់ជាច្រើនប្រភេទ រួមទាំង sunken...

1.7K

ព័ត៌មានជាតិ

ឧត្តមសេនីយ៍ឯក ម៉ៅ សុផាន់ គោរពជូនពរ ឧត្តមសេនីយ៍ឯក ហ៊ុន ម៉ានិត ដែលត្រូវបានតែងតាំងជា មេបញ្ជាការរងកងទ័ពជើងគោក បន្ថែមលើមុខងារបច្ចុប្បន្ន

ភ្នំពេញ៖ លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជេីងគោក មេបញ្ជាការកងពលតូចលេខ៧០ ព្រមទាំងមេបញ្ជាការរង នាយទាហាន នាយទាហានរង និងពលទាហានទាំងអស់នៃ កងពលតូចលេខ៧០ សូមចូលរួមអបអរសាទរ និងគោរពជូនពរដល់ លោកឧត្តមសេនីយ៍ឯក ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវចារកិច្ច ក្រសួងការពារជាតិ ដែលត្រូវបានរាជរដ្ឋាភិបាលតែងតាំងមុខតំណែងជាមេបញ្ជាការរង បញ្ជាការដ្ឋានកងទ័ពជើងគោក បន្ថែមលើមុខងារបច្ចុប្បន្ន។ ការតំឡើងមុខតំណែងនេះ គឺពិតជាស័ក្តិសមនឹងសមត្ថភាព ស្នាដៃ សមិទ្ធផល និងការលះបង់ដ៏ធំធេង មិនអាចកាត់ថ្លៃបានរបស់លោកក្នុងការចូលរួមពង្រឹងសន្តិសុខជាតិ រួមចំណែកដ៏សំខាន់ ក្នុងការថែរក្សាការពារ និងអភិវឌ្ឍន៍ប្រទេសកម្ពុជាឱ្យកាន់តែខ្លាំងក្លាជាបន្តបន្ទាប់។ យេីងខ្ញុំទាំងអស់គ្នា សូមសម្តែងការកោតសរសើរ និងអរគុណចំពោះ កិច្ចខិតខំប្រឹងប្រែងរបស់ លោកក្នុងការការពារនូវសុខសន្តិភាពស្ថិរភាព និងការអភិវឌ្ឍរបស់ប្រទេសកម្ពុជានាពេលកន្លងមក បច្ចុប្បន្ន និងសម្រាប់ថ្ងៃអនាគត ។ ជាថ្មីម្តងទៀត យើងខ្ញុំទាំងអស់គ្នា សូមលើកហត្ថប្រណម្យបួងសួងដល់គុណព្រះរតនត្រ័យ វត្ថុស័ក្ដិសិទ្ធិទាំងអស់ក្នុងលោក និងទេវតារក្សាព្រះរាជាណាចក្រកម្ពុជា សូមប្រសិទ្ធពរជ័យ សិរីមង្គល វិបុលសុខគ្រប់ប្រការ បវរមហាប្រសើរ ជូន លោកឱ្យទទួលបាននូវជោគជ័យថ្មីៗ ថែមទៀត ក្នុងការបំពេញភារកិច្ចជូនជាតិមាតុភូមិកម្ពុជា ឆ្ពោះទៅរកសុខសន្តិភាព ស្ថិរភាព វិបុលភាព និងអភិវឌ្ឍន៍លើគ្រប់វិស័យ។ សូម លោក និងលោកស្រី ព្រមទាំងក្រុមគ្រួសារ ប្រកបដោយពុទ្ធពរទាំង៥ប្រការគឺ៖ អាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ៕

458

អត្ថបទ

ពង្រឹងការផ្លាស់ប្តូរ លើកកម្ពស់កិច្ចសហប្រតិបត្តិការ ព្រីនស៍ រៀល អ៊ីស្ទេត គ្រុប បានទទួលស្វាគមន៍គណៈប្រតិភូធុរកិច្ចអូស្ត្រាលី

ភ្នំពេញ៖ ក្នុងនាមជាក្រុមហ៊ុន អភិវឌ្ឍន៍ឈានមុខគេ ក្នុងប្រទេសកម្ពុជា និងជាស្ថាប័នសំខាន់មួយ របស់ក្រុមហ៊ុន Prince Holding Group ដែលជាសម្ព័ន្ធក្រុមហ៊ុន ដែលមានវិសាលភាព អាជីវកម្មធំសម្បើម និងរីកចម្រើនបំផុតមួយ នៅក្នុងប្រទេសកម្ពុជា ក្រុមហ៊ុនPrince Real Estate Group បានរៀបចំទទួលស្វាគមន៍ គណៈប្រតិភូផ្នែកធុរកិច្ចអូស្ត្រាលី នៅទីស្នាក់ការកណ្តាលរបស់ខ្លួនដើម្បីបង្ហាញនូវសក្តានុពលវិនិយោគរបស់កម្ពុជា នាពេលថ្មីៗនេះ។ លោក Kenneth Tang ប្រធាន AusCham Cambodia លោក Matthew Care សហស្ថាបនិក និងជានាយកប្រតិបត្តិនៃDCG និងលោក Tom O’Sullivan នៃ realestate.com.kh បានធ្វើការស្វាគមន៍ គណៈប្រតិភូនាថ្ងៃនោះ ដែលរួមមានស្ថាបនិកនិងមន្ត្រីប្រតិបត្តិកម្រិត C មកពី Compass Education, Flooring Xtra, Chen Foods, Explorers Early Learning និងAmtrade International ។ល។។ លោក Edward...

1.6K

ព័ត៌មានអន្តរជាតិ

អាមេរិក បញ្ជាក់ថា មានការប្រើប្រាស់គ្រាប់រំសេវ របស់ចិន នៅអ៊ុយក្រែន

វ៉ាស៊ីនតោន៖ ប្រភពរដ្ឋាភិបាលបានឲ្យដឹងថា សហរដ្ឋអាមេរិកបានបញ្ជាក់ថា គ្រាប់រំសេវចិនជាច្រើនគ្រាប់ ត្រូវបានប្រើប្រាស់ក្នុងសមរភូមិ ក្នុងប្រទេសអ៊ុយក្រែន ហើយសង្ស័យថា គ្រាប់ទាំងនោះត្រូវបានបាញ់ ដោយកងកម្លាំងរុស្ស៊ី។ ថាតើគ្រាប់រំសេវត្រូវបានផ្គត់ផ្គង់ ដោយប្រទេសចិន នៅតែមិនទាន់ច្បាស់នៅឡើយ ប្រភពរដ្ឋបាលរបស់សហរដ្ឋអាមេរិកបានឲ្យដឹងថា ខណៈពេលដែលបន្ថែមថា ទីក្រុងវ៉ាស៊ីនតោន នឹងចាត់វិធានការ ប្រសិនបើវាត្រូវបានផ្ទៀងផ្ទាត់ថា ទីក្រុងប៉េកាំង បានធ្វើការផ្គត់ផ្គង់មែននោះ។ ចំពេលមានការខ្វែងគំនិតគ្នាជាច្រើន រវាងសហរដ្ឋអាមេរិក និងចិន...

1.3K

ព័ត៌មានអន្តរជាតិ

តើនឹងមានប្រធានបទធំៗ អ្វីខ្លះ ដែលនឹងត្រូវដាក់លើតុ នៅជំនួបទល់មុខគ្នា រវាងលោក ស៊ី ជិនពីងរបស់ចិន និងលោក ពូទីន ប្រធានាធិបតីរុស្ស៊ី?

បរទេស៖ វិមានក្រឹមឡាំងបានប្រកាសកាលពីថ្ងៃសុក្រថា មេដឹកនាំចិនលោក ស៊ី ជិនពីង នឹងធ្វើដំណើរទៅកាន់ប្រទេសរុស្ស៊ីសម្រាប់ដំណើរទស្សនកិច្ច រយៈពេលបីថ្ងៃនៅដើមសប្តាហ៍ក្រោយ នៅក្នុងការបង្ហាញជាក់ស្តែង នៃការគាំទ្រសម្រាប់ទីក្រុងម៉ូស្គូ ខណៈដែលរុស្ស៊ី កំពុងធ្វើសង្រ្គាមនៅក្នុងប្រទេសអ៊ុយក្រែន។ យោងតាមសារព័ត៌មាន The Moscow Times ចេញផ្សាយកាលពីថ្ងៃទី១៧ ខែមីនា ឆ្នាំ២០២៣ បានឱ្យដឹងថា វិមានក្រឹមឡាំងបាននិយាយថា “នៅថ្ងៃទី២០ ដល់ថ្ងៃទី២២...

1.3K

ព័ត៌មានអន្តរជាតិ

ការតាំងពិព័រណ៍ រថយន្តធំបំផុតរបស់ប្រទេសវៀតណាម ត្រូវបានលុបចោល ដោយសារតម្រូវការធ្លាក់ចុះ

បរទេស៖ ប្រភពមួយបានប្រាប់ VnExpress ថា ពិព័រណ៍រថយន្តប្រចាំឆ្នាំដ៏ធំបំផុត របស់វៀតណាម នឹងមិនត្រូវបានប្រារព្ធឡើង នៅក្នុងខែតុលាឆ្នាំនេះទេ ដោយសារតម្រូវការធ្លាក់ចុះ។ យោងតាមសារព័ត៌មាន VN Express ចេញផ្សាយកាលពីថ្ងៃទី១៧ ខែមីនា ឆ្នាំ២០២៣ បានឱ្យដឹងថា អ្នកតំណាងនៃម៉ាករថយន្តអាល្លឺម៉ង់មួយបាននិយាយថា “ទីផ្សាររថយន្តបានឆ្លងកាត់រយៈពេលស្ងប់ស្ងាត់ រហូតមកដល់ពេលនេះនៅឆ្នាំនេះ ដោយសារតែការធ្លាក់ចុះ នៃតម្រូវការ និងការប្រកួតប្រជែងម៉ាក្រូសេដ្ឋកិច្ច”...

1.3K

ព័ត៌មានអន្តរជាតិ

ចិន ទទួលបានជោគជ័យទាំងស្រុង ក្នុងការបាញ់បង្ហោះផ្កាយរណបថ្មីមួយ សម្រាប់អង្កេតមើលភពផែនដី ទៅកាន់ទីលំហ

ស៊ីចាង៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៨ ខែមីនា ឆ្នាំ២០២០ថា កាលពីថ្ងៃសុក្រ ប្រទេសចិន បានបញ្ជូនផ្កាយរណបអង្កេតមើលពីផែនដីថ្មីមួយ ទៅកាន់លំហអាកាស ដោយបានបាញ់ចេញពីមជ្ឈមណ្ឌល បាញ់បង្ហោះផ្កាយរណប ស៊ីចាង នៅក្នុងខេត្តស៊ីឈួន ភាគនិរតីនៃប្រទេសចិន ។ ផ្កាយរណប Gaofen-13 02 ត្រូវបានបាញ់បង្ហោះនៅវេលាម៉ោង១៦និង៣៣នាទីល្ងាច ម៉ោងនៅទីក្រុងប៉េកាំង ដោយប្រើគ្រាប់រ៉ុក្កែត Long...

1.4K

ព័ត៌មានអន្តរជាតិ

សត្វបក្សី ប្រមាណ១៦លានក្បាល នៅជប៉ុន ត្រូវបាននាំយកទៅសម្លាប់ចោល ក្រោយរកឃើញមានផ្ទុក វីរុសផ្តាសាយបក្សី

តួក្យូ៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី១៨ ខែមីនា ឆ្នាំ២០២៣ថា ប្រព័ន្ធផ្សព្វផ្សាយក្នុងស្រុកបានរាយការណ៍នៅថ្ងៃសៅរ៍នេះថា តម្លៃស៊ុតកំពុងកើនឡើងនៅក្នុងប្រទេសជប៉ុន ខណៈដែលរដូវកាលជំងឺគ្រុនផ្តាសាយបក្សីបច្ចុប្បន្ន បានរកឃើញសត្វស្លាប ចំនួន១៦លានក្បាលត្រូវបានសម្គាល់សម្រាប់ការសម្លាប់។ សារព័ត៌មាន Kyodo បានរាយការណ៍ថា ការផ្ទុះឡើងនៃជំងឺផ្តាសាយបក្សីបច្ចុប្បន្ន បានរីករាលដាលក្នុងល្បឿនដែលមិនធ្លាប់មានពីមុនមក ចាប់តាំងពីរដូវកាលបានចាប់ផ្តើមនៅក្នុងខែតុលាឆ្នាំមុន ដោយយ៉ាងហោចណាស់ មាន៨០ករណីនៅក្នុងក្រុមហ៊ុនបសុបក្សី ក្នុងខេត្តចំនួន២៦នៃខេត្តចំនួន៤៧របស់ប្រទេសជប៉ុន ។ របាយការណ៍បានឲ្យដឹងថា គិតត្រឹមថ្ងៃទី២...

1.5K

ព័ត៌មានអន្តរជាតិ

លោក ហ៊ុនម៉ានី៖ ទោះក្នុងកាលៈទេសៈណាក៏ដោយ គឺត្រូវគោរព អធិបតេយ្យ ឯករាជ្យ និងសិទ្ធិស្វ័យសម្រេចរបស់កម្ពុជា

ភ្នំពេញ៖ លោក ហ៊ុន ម៉ានី ប្រធានសហភាពសហ័ពន្ធយុវជនកម្ពុជា និងជាអ្នកតំណាងរាស្ត្រមណ្ឌលកំពង់ស្ពឺ បានបញ្ជូនសារទៅមិត្តបរទេសថា ទោះក្នុងកាលៈទេសៈ ណាក៏ដោយ គឺត្រូវគោរព អធិបតេយ្យ ឯករាជ្យ និងសិទ្ធិស្វ័យសម្រេចរបស់ ព្រះរាជាណាច ក្រកម្ពុជា។ យោងតាមបណ្តាញសង្គមហ្វេសប៊ុកលោកហ៊ុន ម៉ានី បានសរសេយ៉ាងដូចនេះថា៖« ថ្ងៃនេះ កាលពី ៥៣ឆ្នាំមុន នៅថ្ងៃទី១៨...