KD102

មហាក្សត្រអារ៉ាប៊ីសាអូឌីត បង្ហាញការអាណិតអាសូរ ជាមួយលោក ត្រាំ តាមទូរស័ព្ទ ចំពោះការបាញ់ប្រហារ នៅមូលដ្ឋានទ័ពជើងទឹក

បរទេស៖ ប្រធានាធិបតីអាមេរិកលោក ដូណាល់ត្រាំ នៅថ្ងៃសុក្រនេះបានបង្ហាញថា ព្រះមហាក្សត្ររបស់ ប្រទេសអារ៉ាប៊ីសាអូឌីត Salman bin Abdulaziz Al Saud បានផ្តល់នូវការអាណិតអាសូរ នៅក្នុងការសន្ទនា តាមទូរស័ព្ទនាពេលថ្មីៗនេះ បន្ទាប់ពីមានព័ត៌មានថា អ្នកបាញ់សម្លាប់នៅស្ថានីយ៍ កងទ័ពជើងទឹកនៅរដ្ឋ Florida គឺជាអ្នកបណ្តុះបណ្តាល អាកាសចរណ៍អារ៉ាប៊ីសាអូឌីត។  យោងតាមសារព័ត៌មាន Sputnik...

លោក ខៀវ កាញារីទ្ធ៖ ពីមុនមានបុរសថៃមុខដូចខ្ញុំ ឥឡូវមាននារី មុខដូចប្រពន្ធខ្ញុំទៀតហើយ

ភ្នំពេញ៖ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានលើកឡើងក្នុងហ្វេសប៊ុក នាព្រឹកថ្ងៃទី៧ ខែធ្នូ ឆ្នាំ២០១៩ថា “ពីមុនថាមានបុរសថៃដូចខ្ញុំ ពេលនេះលេចនារីថៃ ដូចប្រពន្ធទៀតហើយ?៕

វិស្វករជប៉ុនថា ការសាងសង់លូនៅកម្ពុជា ប្រើបច្ចេកវិទ្យាទំនើប អាចស្រូបយកទឹកកខ្វក់ មិនឲ្យហូរចូលទន្លេ

ភ្នំពេញ៖ ក្រុមបច្ចេកទេស និងវិស្វករជប៉ុន បានឲ្យដឹងថា ការសាងសង់លូក្នុងទីធ្លាតូចចង្អៀត ប្រើបច្ចេកវិទ្យាទំនើប (Pipe Jacking Technology) វាមានសមត្ថភាពអាចស្រូបយកទឹកកខ្វក់ ទឹកភ្លៀង មិនឲ្យហូរចូលក្នុងទឹកទន្លេ អាចការពារបរិស្ថាន សម្រាប់សុខភាពប្រជាពលរដ្ឋ។ ការសាងសង់លូក្នុងទីធ្លាតូចចង្អៀត ប្រើបច្ចេកវិទ្យាទំនើប នៃគម្រោងសាងសង់ ប្រព័ន្ធការពារ ទឹកជំនន់ និងកែលម្អប្រព័ន្ធលូប្រឡាយ ក្នុងរាជធានីភ្នំពេញ ជំហានទី៤ ក្រោមហិរញ្ញប្បទានឥតសំណងរបស់ រដ្ឋាភិបាលជប៉ុន នៅមុខវិទ្យាល័យ ហ៊ុន សែន ប៊ុន រ៉ានី វត្តភ្នំ (ផ្លូវលេខ៤៧)។ នាឱកាស ចុះសិក្សាស្វែងយល់ អំពី បច្ចេកវិទ្យាសាងសង់លូក្នុងទីធ្លាតូចចង្អៀត កាលពីថ្ងៃទី៦ ខែធ្នូ ឆ្នាំ២០១៩ ក្រុមបច្ចេកទេស និងវិស្វករជប៉ុន បានថ្លែងថា “ការសាងសង់លូក្នុងទីធ្លាតូចចង្អៀត ប្រើបច្ចេកវិទ្យាទំនើប (Pipe Jacking Technology) វាមានសមត្ថភាពអាចស្រូបយកទឹកកខ្វក់ ទឹកភ្លៀង មិនឲ្យហូរចូលទៅ ក្នុងទឹកទន្លេ អាចការពារបរិស្ថានស្អាត សម្រាប់សុខភាពប្រជាពលរដ្ឋនិងអាចការពារទីក្រុងភ្នំពេញ ពីការលិចទឹកនៅពេលមានភ្លៀងធ្លាក់ មកខ្លាំងផងដែរ”។ បន្ថែមពីនេះទៀត ក្រុមបច្ចេកទេស បានឲ្យដឹងថា បច្ចេកវិទ្យាម៉ាស៊ីនខួងលូក្រោមដី ដោយស្វ័យប្រវត្តិនេះ វាមានអត្ថប្រយោជន៍ អាចបញ្ជៀសការកកស្ទះចរាចរណ៍ មិនបង្កផលប៉ះពាល់ដល់បរិស្ថាន និងអាចជួយលំអរផ្លូវថ្នល់ក្នុង រាជធានីភ្នំពេញតាមយុទ្ធសាស្ត្រ របស់រាជរដ្ឋាភិបាល។ ក្រុមជំនាញការ ថ្លែងអំណរគុណ ចំពោះរដ្ឋាភិបាលជប៉ុន ជាពិសេសទីភ្នាក់ងារ JICA និងក្រុមហ៊ុន Toa Corporation ដែលបាននាំយកបច្ចេកវិទ្យាទំនើបនេះ មកជួយអភិវឌ្ឍហេដ្ឋារចនាសម្ព័ន្ធកម្ពុជា ឲ្យកាន់តែរីកចម្រើនថែមទៀត ៕ ដោយ៖​ អេង​ ប៊ូឆេង

ឧបនាយករដ្ឋមន្ត្រី​ ប្រាក់ សុខុន៖​ ផ្លូវមួយខ្សែជាង ១០គីឡូម៉ែត្រ នៅឃុំព្រែកអំបិល នឹងរួចរាល់មុនចូលឆ្នាំខ្មែរ

កណ្តាល៖ លោក ប្រាក់ សុខុន ឧបកនាយករដ្ឋមន្ត្រី រដ្ឋមន្ត្រីក្រសួងការបទេសខ្មែរ​ និងជាប្រធានគណៈពង្រឹងស្រុកស្អាងបានបញ្ជាក់ថា ផ្លូវមួយខ្សែដែលមាន ភាពលំបាក់ខ្លាំងពីមុន នឹងសាងសង់រួលរាល់ មុនឆ្នាំខ្មែរខាងមុននេះ ។ ថ្លែងក្នុងពិធីបើកការដ្ឋាន សាងសង់ផ្លូវបេតុប្រវែងជាង​ ១០គីឡូម៉ែត្រ​ (១០៨០០ម៉ែត្រ) និងទទឹ ៦ម៉ែត្រ នាព្រឹកថ្ងៃទី៧ ខែធ្នូ ឆ្នាំ២០១៩នេះ លោកឧបនាយកតដ្ឋមន្ត្រី​...

មេដឹកនាំកំពូល របស់វៀតណាម សាទរចំពោះការ សម្រេចបានរបស់កងកម្លាំង សន្តិសុខសាធារណៈ

ហាណូយ៖ អគ្គលេខាបក្ស និងជាប្រធានាធិបតីវៀតណាម គឺលោក ង្វៀន ភូទ្រុង បានសាទរចំពោះកម្លាំង សន្តិសុខសាធារណៈចំពោះសមិទ្ធិផលរបស់ខ្លួន ក្នុងឆ្នាំ២០១៩នេះ។ យោងតាមសារព័ត៌មាន Vietnam News ចេញផ្សាយកាលពីថ្ងៃទី៥ ខែធ្នូ ឆ្នាំ២០១៩ បានឱ្យដឹងថា ថ្លែងនៅក្នុងសន្និសីទកាលពីម្សិលមិញដែលធ្វើឡើង ដោយក្រុមប្រឹក្សាអចិន្ត្រៃយ៍ នៃគណៈកម្មាធិសន្តិសុខសាធារណៈកណ្តាល មេដឹកនាំបក្សរូបនេះបាននិយាយថា កងកម្លាំងបានដើរតួនាទីយ៉ាង សំខាន់ក្នុងការរក្សាសន្តិសុខនយោបាយ...

ធនាគារពិភពលោក យល់ព្រមផ្តល់ប្រាក់កម្ចីឱ្យចិន ១ពាន់លានដុល្លារ ទោះបីអាមេរិកប្រឆាំង

បរទេស៖ កាលពីថ្ងៃព្រហស្បតិ៍ លោក Steven Mnuchin រដ្ឋមន្រ្តីក្រសួងរតនាគារ សហរដ្ឋអាមេរិក បានទទូចដល់ធនាគារពិភពលោក ឱ្យបញ្ចប់ការសិក្សាលើ ប្រទេសចិនពីកម្មវិធីផ្តល់ប្រាក់កម្ចីរបស់ខ្លួន សម្រាប់ប្រទេសដែលមានប្រាក់ចំណូលទាបដោយនិយាយថា លោកសូមប្រឆាំងនឹង ការជំរុញរបស់ធនាគារ សម្រាប់ការផ្តល់ប្រាក់កម្ចីឱ្យ រដ្ឋាភិបាលទីក្រុងប៉េកាំងនេះ។ យោងតាមសារព័ត៌មាន Sputnik ចេញផ្សាយនៅថ្ងៃទី០៦ ខែធ្នូ ឆ្នាំ២០១៩ បានឱ្យដឹងថា ធនាគារពិភពលោកបានអនុម័តផែនការលើការផ្តល់ប្រាក់កម្ចី ១.០០០លាន ទៅ ១,៥ ពាន់លានដុល្លារ ជាមួយនឹងការប្រាក់ទាប ដល់ប្រទេសចិនជារៀងរាល់ឆ្នាំ រហូតដល់ខែមិថុនា ឆ្នាំ២០២៥ ទោះបីមានការជំទាស់ពីក្រសួងរតនាគារ សហរដ្ឋអាមេរិកក៏ដោយ។ ផែនការនេះត្រូវបានផ្សព្វផ្សាយ បន្ទាប់ពីក្រុមប្រឹក្សាភិបាលរបស់ធនាគារពិភពលោក “បានបង្ហាញការគាំទ្រយ៉ាងទូលំទូលាយ” សម្រាប់ការចូលរួមរបស់ អ្នកផ្តល់ប្រាក់កម្ចីអន្តរជាតិនៅក្នុងការកែទម្រង់ រចនាសម្ព័ន្ធ និងបរិស្ថានរបស់ប្រទេសចិន។ ផែនការលម្អិតបង្ហាញថា ការផ្តល់ប្រាក់កម្ចីនឹង “ធ្លាក់ចុះជាលំដាប់” ពីមធ្យមភាគ ៥ឆ្នាំមុន ចំនួន ១,៨ពាន់លានដុល្លារ។ ធនាគារបាននិយាយថា “កម្រិតប្រាក់កម្ចីអាចមានភាព ប្រែប្រួលពីមួយឆ្នាំទៅមួយឆ្នាំ ដោយសារការគ្រប់គ្រង បំពង់បង្ហូរប្រេងធម្មតាដោយផ្អែកលើការត្រៀមគម្រោង” ៕ ប្រែសម្រួលៈ ណៃ តុលា

បាតុករកើនដល់ ៨០ម៉ឺននាក់ នៅទូទាំងប្រទេសបារាំង គិតត្រឹមតែថ្ងៃព្រហស្បតិ៍

បរទេស: BBC ចេញផ្សាយនៅថ្ងៃសុក្រ ទី៦ ខែធ្នូ បានឲ្យដឹងថាកូដកម្មលើកំណែទម្រង់ ប្រាក់សោធនដែលបានគ្រោងទុកកំពុងតែបាន ធ្វើឱ្យប្រទេសបារាំងជាប់គាំង ២ថ្ងៃជាប់គ្នាគិតត្រឹមថ្ងៃព្រហស្បតិ៍។ គេអាចមើលឃើញថា សហជីពជាច្រើនរួមទាំង កម្មករផ្លូវដែកនិងមេត្រូបាននាំគ្នា បោះឆ្នោតសម្រេចដើម្បីឲ្យ មានការពង្រីកកូដកម្មនេះកាន់តែ ធំឡើយហើយដែលវានឹង មានន័យថាការរំខានដ៏ធំមួយ ចំពោះសេវាកម្មសំខាន់ៗនានា ក្នុងប្រទេសនឹងបន្តកើតមាន។ ប្រភពដដែលបានសរសេរទៀតថា គិតត្រឹមថ្ងៃព្រហស្បតិ៍ម្សិលមិញនេះក្រុមបាតុករតវ៉ា បានកើនចំនួនទៅដល់ ៨០ម៉ឺននាក់ នៅទូទាំងទីក្រុងនានាក្នុងប្រទេស។ គួរឲ្យដឹងដែរថា ក្រុមបាតុករបាននាំគ្នា បង្ហាញការខឹងសម្បារដោយមិនពេញចិត្ត ទៅនឹងច្បាប់ថ្មីដែលទាញឲ្យពួកគេ ចូលនិវត្តន៍យូរជាង មុនឬក៏ប្រឈមមុខទៅនឹង ការកាត់បន្ថយប្រាក់ សោធននិវត្តន៍របស់គេ៕ ប្រែសម្រួល: ស៊ុន លី

រថយន្តក្រុង ក្រុមហ៊ុនវ៉ាងរ៉ិច បុកម៉ូតូ ១គ្រឿង បណ្ដាលឲ្យបុរស ៣នាក់ស្លាប់ យ៉ាងអណោចអធម

ភ្នំពេញ៖ រថយន្តមួយគ្រឿងម៉ាក HYUDAI ពណ៌ខៀវ ប្រភេទប្រភេទ ដឹកអ្នកដំណើរធុនធំ ពាក់ផ្លាកលេខភ្នំពេញ 3C-8879 របស់ក្រុមហ៊ុនវ៉ាងរ៉ិច បើកបរដោយជនមិនស្គាល់អត្តសញ្ញាណ ពីអ្នកលឿងទៅភ្នំពេញ តាមផ្លូវជាតិលេខ១ បុកម៉ូតូមួយគ្រឿងជិះគ្នា ៣នាក់ធ្វើឲ្យពួកគេស្លាប់ភ្លាមៗ។ ហេតុការណ៍នេះកើតឡើង នៅម៉ោង៨និង៤៥នាទីយប់ថ្ងៃទី៦ ខែធ្នូ ឆ្នាំ២០១៩ នៅលើផ្លូវជាតិលេខ១ ក្នុងចន្លោះគីឡូម៉ែត្រលេខ៤៥-៤៦ ចំណុចភូមិសំរោងក្អែរ ឃុំសំរោងធំ ស្រុកកៀនស្វាយ ខេត្តកណ្តាល។ តាមរបាយការណ៍ពេល អ្នកបើកមកដល់កន្លែងកើតហេតុខាងលើបានបុកជាមួយម៉ូតូម៉ាក HONDA DREAM  125 ពណ៍ខ្មៅប្រភេទស្រី ពាក់ផ្លាកលេខ ភ្នំពេញ 1FZ-2335 បើកបរដោយឈ្មោះ ង៉ោ គក ភេទប្រុស អាយុ២៣ឆ្នាំ មានទីលំនៅភូមិ កោះស្លា ឃុំត្រពាំងឃ្លាំង ស្រុកឈូក ខេត្តតាកែវ មានអ្នករួមដំណើរចំនួន ២នាក់ ឈ្មោះផាន ចែម ភេទប្រុសអាយុ៣៣ឆ្នាំ មានទីលំនៅភូមិព្រៃគុយ ឃុំត្រពាំងស្រែ ស្រុកមេសាង ខេត្តព្រៃវែង និងឈ្មោះសំ មករា ភេទប្រុស អាយុ៣០ឆ្នាំ មានទីលំនោភូមិបន្លេច ឃុំពាមមានជ័យ ស្រុកពាមរក៍ ខេត្តព្រៃវែង ដែលបើកមានទិសដៅផ្ទុយគ្នា បណ្ដាលឲ្យស្លាប់អ្នកជិះម៉ូតូទាំង ៣នាក់នៅកន្លែងកើតហេតុបាន ប្រគល់ឲ្យគ្រួសារសពយក ទៅធ្វើបុណ្យតាមប្រពៃណី៕

រាជរដ្ឋាភិបាល ប្រគល់មុខងារគ្រប់គ្រង សេវាសុខាភិបាល ឲ្យទៅរដ្ឋបាលរាជធានី-ខេត្ត

រាជរដ្ឋាភិបាល៖ វេទិកានិពន្ធនាយកសារព័ត៌មាន​ នឹងជួយទប់ស្កាត់ និងលុបបំបាត់ ព័ត៌មានក្លែងក្លាយ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន លើកឡើងថា វេទិកានិពន្ធនាយកសារព័ត៌មានកម្ពុជា ឆ្នាំ២០១៩ក្រោមប្រធានបទ “សារព័ត៌មានកម្ពុជា ក្នុងយុគសម័យ ៤.០” នៅថ្ងៃទី៦ ខែធ្នូ ឆ្នាំ២០១៩នេះ ពិតជាមានសារសំខាន់ស្របទៅនឹងនិន្នាការសកល ព្រមទាំងរិះរកវិធានការទប់ស្កាត់ និងលុបបំបាត់ព័ត៌មានក្លែងក្លាយដែល កំពុងគំរាមកំហែងយ៉ាងធ្ងន់ធ្ងរ លើសិទ្ធិបុគ្គលឯកជនដែលការពារដោយច្បាប់ ។ យោងតាមសារលិខិតសម្ដេចតេជោ ហ៊ុន សែន ផ្ញើជូនវេទិកានិពន្ធនាយកសារព័ត៌មាន កម្ពុជាចេញផ្សាយថ្ងៃទី៥ ធ្នូ បានឲ្យដឹងថាវេទិកានិពន្ធនាយកសារព័ត៌មានកម្ពុជាឆ្នាំ២០១៩ ពិតជាមានសារសំខាន់ ស្របទៅនឹង និន្នាការសកល ដែលកំពុងបញ្ចូលបច្ចេកវិទ្យាឌីជីថល ទៅក្នុងបដិវត្តន៍ឧស្សាហកម្មជំនាន់ទី៤ ដើម្បីឲ្យអ្នកសារព័ត៌មានកម្ពុជាបានសិក្សាស្វែងយល់ និងចែករំលែកចំណេះដឹងអំពីគុណសម្បត្តិ និងគុណវិបត្តិ នៃការវិវត្តបច្ចេកវិទ្យាទំនើបផ្នែកប្រព័ន្ធផ្សព្វផ្សាយនាពេលបច្ចុប្បន្ន។ សម្ដេចបន្ដថា “គោលដៅជំរុញការ ធ្វើឌីជីថលភាវូបនីយកម្ម ប្រព័ន្ធផ្សព្វផ្សាយទៅក្នុងទីផ្សារ ឲ្យកាន់តែមានសក្តានុពលខ្លាំងក្លាថែមទៀត និងបង្កើនកិច្ចសហការផ្លាស់ប្តូរព័ត៌មាន ការបណ្តុះបណ្តាលធនធានមនុស្ស ឲ្យដើរទាន់ការវិវត្ត នៃបច្ចេកវិទ្យាប្រព័ន្ធផ្សព្វផ្សាយទំនើប។ ព្រមទាំងរិះរកវិធានការទប់ស្កាត់ និងលុបបំបាត់ព័ត៌មានក្លែងក្លាយ ដែលកំពុងគំរាមកំហែងយ៉ាងធ្ងន់ធ្ងរ លើសិទ្ធិបុគ្គលឯកជន ដែលត្រូវបានការពារដោយច្បាប់រដ្ឋ សន្តិសុខជាតិ និងស្ថិរភាពនយោបាយនៅកម្ពុជា”។ សម្តេចបន្ថែមថា ក្រៅពីបញ្ហាប្រឈមទៅ នឹងព័ត៌មានក្លែងក្លាយដែលសកលលោក កំពុងព្រួយបារម្ភ ស្ថាប័នសារព័ត៌មានកម្ពុជា ត្រូវខិតខំប្រឹងប្រែងអភិវឌ្ឍន៍ចំណេះដឹងថែមទៀត ទាំងសមត្ថភាពយល់ដឹង នៃការប្រើប្រាស់បច្ចេកវិទ្យាឌីជីថលសម្រាប់ផលិតព័ត៌មានការរក្សាទុកទិន្នន័យនិងបញ្ជូនព័ត៌មានទាំង សមត្ថភាពវិភាគព័ត៌មាន ក្នុងនិងក្រៅប្រទេសឲ្យបាន ស៊ីជម្រៅកម្រិតអន្តរជាតិ និងការចែករំលែកព័ត៌មាន បានរហ័សទាន់សភាពការណ៍ ប្រកបដោយការទទួលខុសត្រូវ ខ្ពស់ដែលអាចទុកចិត្ត បានព្រមទាំងជំរុញការអភិវឌ្ឍទីផ្សារប្រព័ន្ធផ្សព្វផ្សាយឌីជីថល ឲ្យបានសមស្របទាន់សភាពការណ៍វិវត្តនៃបច្ចេកវិទ្យាជីឌីថល ដើម្បីឆ្លើយតបទៅនឹងការប្រកួតប្រជែងទីផ្សារ លើវិស័យព័ត៌មាន រវាងសារព័ត៌មានប្រពៃណីជាមួយសារព័ត៌មានសម័យថ្មី ក៏ដូចជាការប្រកួតប្រជែងរវាងវិស័យសារព័ត៌មានសម័យថ្មី ជាមួយបណ្តាញផ្សព្វផ្សាយសង្គម ដែលកំពុងដណ្តើម ទីផ្សារនាពេលបច្ចុប្បន្ន ៕  ដោយ៖ អេង ប៊ូឆេង