DAP News

ប.ស.ស. ប្រជុំពិភាក្សា ត្រួតពិនិត្យ លើរបាយការណ៍ ស្តីពីលទ្ធផលការងារ សម្រេចបាន ក្នុងឆ្នាំ២០២០ និងទិសដៅការងារ អនុវត្ដបន្ត

ភ្នំពេញ៖ នៅសាលប្រជុំធំ នៃបេឡាជាតិសន្តិសុខសង្គម (ប.ស.ស.) រាជធានីភ្នំពេញ នាថ្ងៃទី៩ ខែកុម្ភៈ ឆ្នាំ២០២១នេះ មានកិច្ចប្រជុំពិភាក្សាមួយ ស្តីពីការត្រួតពិនិត្យ លើរបាយការណ៍លទ្ធផលការងារ សម្រេចបានក្នុងឆ្នាំ២០២០ និងទិសដៅការងារអនុវត្ដបន្ត របស់ក្រុមការងារ សុវត្ថិភាពចរាចរណ៍ផ្លូវគោក សម្រាប់គាំពារ កម្មករនិយោជិត នៃបេឡាជាតិ សន្ដិសុខសង្គម ដោយមានការចូលរួម ពីតំណាងក្រសួង ស្ថាប័ន និងអង្គភាពពាក់ព័ន្ធនានា ក្រោមអធិបតីភាព លោក ព្រាប ច័ន្ទវិបុល អនុប្រធានក្រុមការងារ សុវត្ថិភាពចរាចរណ៍ផ្លូវគោក សម្រាប់គាំពារកម្មករនិយោជិត (ស.ផ.ក) តំណាងដ៏ខ្ពង់ខ្ពស់ឯកឧត្តម អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុក ជាអគ្គនាយក ប.ស.ស. ជាប្រធានក្រុមការងារ សុវត្ថិភាព ចរាចរណ៍ផ្លូវគោក សម្រាប់គាំពារកម្មករ និយោជិត និងជាសមាជិក គណៈកម្មាធិការជាតិ សុវត្ថិភាពចរាចរណ៍ ផ្លូវគោក។ បន្ទាប់ពីកិច្ចប្រជុំបានបញ្ចប់ លោក ព្រាប ច័ន្ទវិបុល បានផ្តល់បទសម្ភាសន៍ ជាមួយក្រុមការងារព័ត៌មាន ប.ស.ស. ឱ្យដឹងថា បើប្រៀបធៀប រវាងឆ្នាំ២០២០ ធៀបទៅនឹងឆ្នាំ២០១៩ កន្លងទៅ គ្រោះថ្នាក់ចរាចរណ៍ ដែលកើតឡើងមកលើបងប្អូនកម្មករនិយោជិតមានការថយចុះ រហូតដល់ទៅ ៣១% ស្មើនឹង ១៩០០ករណី ដែលក្នុងនោះ អ្នករងរបួសសរុបចំនួន ៣០% ស្មើនឹង ២១៤០នាក់, អ្នកស្លាប់ចំនួន ៤៤% ស្មើនឹង ៨៨នាក់, អ្នករងរបួសធ្ងន់ចំនួន ២៧% ស្មើនឹង ៤០០នាក់, និងអ្នករងរបួសស្រាល ចំនួន ៣០% ស្មើនឹង១៦៥២នាក់ ។ លោកបានបន្ថែមថា បើទោះបីជាមានការថយចុះ នៃករណីគ្រោះថ្នាក់ចរាចរណ៍ មកលើបងប្អូនកម្មករនិយោជិត ក៏ពិតមែនក៏ប៉ុន្តែក្រសួងស្ថាប័ន ពាក់ព័ន្ធនានា ក្នុងនោះក្រុមការងារសុវត្ថិភាព ចរាចរណ៍ផ្លូវគោក សម្រាប់គាំពារកម្មករនិយោជិត (ស.ផ.ក) នៃប.ស.ស. នៅតែបន្តការសហការគ្នា ប្រកបដោយស្មារតី ទទួលខុសត្រូវខ្ពស់តាមរយៈ ការរៀបចំលិខិតបទដ្ឋាន ការអប់រំផ្សព្វផ្សាយ និងការបណ្តុះបណ្តាល ដល់អ្នកបើកបរ រថយន្តដឹកកម្មករ និងកម្មករនិយោជិត អំពីច្បាប់ស្តីពីសុវត្ថិភាព ចរាចរណ៍ផ្លូវគោក ដើម្បីអនុវត្តឱ្យបានជោគជ័យ នូវផែនការ ដែលបានគ្រោងទុក ស្របទៅនឹងគោលនយោបាយថ្នាក់ជាតិ ស្ដីពីសុវត្ថិភាពចរាចរណ៍ផ្លូវគោក រួមចំណែកក្នុងការអនុវត្ត កម្មវិធីនយោបាយ និងយុទ្ធសាស្ត្រ ចតុកោណ ដំណាក់កាលទី៤ របស់រាជរដ្ឋាភិបាលកម្ពុជាឱ្យទទួលបានលទ្ធផល កាន់តែល្អប្រសើរថែមទៀត ក្នុងន័យកាត់បន្ថយចំនួន គ្រោះថ្នាក់ចរាចរណ៍ ក៏ដូចជាការស្លាប់ និងរងរបួសដល់កម្មករ ឱ្យថយមកកម្រិតទាបបំផុត ។ លោក ក៏បានធ្វើការអំពាវនាវ និងស្នើដល់បងប្អូនអ្នកបើកបរ រថយន្តដឹកកម្មករ និងបងប្អូនកម្មករ និយោជិតទាំងអស់ ចូលរួមគោរពច្បាប់ចរាចណ៍ ឱ្យបានត្រឹមត្រូវ និងចេះយោគយល់អធ្យាស្រ័យគ្នា ក្នុងពេលធ្វើដំណើរ លើដងផ្លូវ ជាពិសេសអ្នកបើកបរ រថយន្តដឹកកម្មករ មិនត្រូវផ្ទុកចំនួនកម្មករ លើសចំណុះ និងចូលរួមផ្លាស់ប្តូរពីការ យករថយន្តដឹកទំនិញមកដឹក បងប្អូនកម្មករ ដោយប្រើប្រាស់រថយន្ត ដឹកអ្នកដំណើរមកជំនួសវិញ ។ សូមបញ្ជាក់ថា កន្លងមកឯកឧត្តម អ៊ុក សមវិទ្យា ប្រតិភូរាជដ្ឋាភិបាល ទទួលបន្ទុក ជាអគ្គនាយកបេឡាជាតិ សន្តិសុខសង្គម និងជាប្រធាន ក្រុមការងារសុវត្ថិភាព ចរាចរណ៍ផ្លូវគោកសម្រាប់គាំពារ កម្មករនិយោជិត (ស.ផ.ក) តែងតែជម្រុញក្រុមការងារ ឱ្យបង្កើនការយកចិត្តទុកដាក់ បន្ថែមទៀត ក្នុងការចូលរួមផ្សព្វផ្សាយ អប់រំច្បាប់ស្តីពី ចរាចរណ៍ផ្លូវគោក សុវត្ថិភាព ក្នុងការធ្វើដំណើរគ្រប់រូបភាព ក្នុងន័យចូលរួមកាត់បន្ថយគ្រោះថ្នាក់ ចរាចរណ៍ផ្លូវគោក ដែលធ្លាក់មកលើកម្មករនិយោជិត និងដើម្បីចូលរួមអនុវត្ត ផែនការសកម្មភាព “សុវត្ថិភាពចរាចរណ៍ផ្លូវគោក ចំពោះកម្មករនិយោជិត” ឱ្យកាន់តែមានប្រសិទ្ធភាពខ្ពស់ ឆ្លើយតបទៅនឹង អនុសាសន៍ដ៏ខ្ពង់ខ្ពស់បំផុត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា “ថ្ងៃនេះ ថ្ងៃស្អែក កុំឱ្យមានគ្រោះថ្នាក់ចរាចរណ៍” ៕

2.1K

ព័ត៌មានជាតិ

កងពលតូចលេខ៧០ ប្រារព្ធពិធី សិក្ខាសាលាបូកសរុប លទ្ធផលការងារ សម្រេចបាន ក្នុងឆ្នាំ២០២០ និងទិសដៅ អនុវត្តន៍ភារកិច្ចបន្ត ឆ្នាំ២០២១

ភ្នំពេញ៖ កងពលតូចលេខ៧០ បានប្រារព្ធពិធីសិក្ខាសាលាបូកសរុបលទ្ធផលការងារ សម្រេចបានក្នុងឆ្នាំ២០២០ និងទិសដៅអនុវត្តន៍ភារកិច្ចបន្តឆ្នាំ២០២១ នៅព្រឹកថ្ងៃទី០៥ ខែកុម្ភៈ ឆ្នាំ២០២១ ក្រោមអធិបតីភាព លោកឧត្តមសេនីយ៍ឯក ម៉ៅ សុផាន់ មេបញ្ជាការរង កងទ័ពជើងគោក និងជាមេបញ្ជាការ កងពលតូចលេខ៧០។ ក្នុងពិធីនេះដែរ លោកមេបញ្ជាការ បានមានប្រសាសន៍ថា កងពលនៅតែបន្តរឹតបន្តឹង ការពារជំងឺកូវីដ១៩ បន្តការបាញ់អាល់កុល វាស់កម្តៅ និងពាក់ម៉ាសជាប្រចាំ។ ជាពិសេសការងារទទួលបានលទ្ធផល និងសមិទ្ធផល គឺកើតចេញពីការសហការរួមគ្នា របស់យោធិនយើងទាំងអស់គ្នា ខិតខំអស់ពីកម្លាំងកាយ ប្រាជ្ញាស្មារតី ក្នុងការបំពេញភារកិច្ចដែលរាជរដ្ឋាភិបាល ក្រសួងការពារជាតិ អគ្គបញ្ជាការនិងបញ្ជាការដ្ឋានកងទ័ពជើងគោក បានប្រគល់ឲ្យ ដើម្បីរួមគ្នាពិនិត្យវាយតម្លៃ លើសភាពការណ៍ទូទៅ និងលើការដកពិសោធន៍ការងារកន្លងមក ក៏ដូចជាកំណត់ អំពីទិសដៅវិធានការនានា។ ទន្ទឹមនឹងនេះ លោកមេបញ្ជាការកងពល ក៏បានលេីកទឹកចិត្តជូនប័ណសរសេីរដល់យោធិន និងប្រគល់ថវិកាជូនដល់ អង្គភាពល្អឆ្អេីមអង្គភាពល្អ បុគ្គលល្អឆ្អេីម និងបុគ្គលល្អ និងបានទស្សនាពិពណ៌រូបថត និងវាយតម្លៃការតាំងរូបថត តាមបណ្តាអង្គភាពនីមួយៗ សម្រាប់ឆ្នាំ២០២០ ថែមទៀត។ ឆ្លៀតក្នុងឱកាសនោះដែរ លោកមេបញ្ជាការ បានថ្លែងអំណរគុណ កោតសរសើរ ចំពោះយោធិន ដែលបំពេញការងារទទួលបានលទ្ធផលល្អ និងជោគជ័យ គ្រប់ភារកិច្ចដែលកងពល បានប្រគល់ជូនទៀតផង ៕

3.9K

ព័ត៌មានអន្តរជាតិ

យោធា មីយ៉ាន់ម៉ា ដករដ្ឋមន្រ្តីនិងសមាជិកសភា២៤រូប ដាក់ជំនួស១១នាក់នៅក្នុងរដ្ឋបាលថ្មី

យ៉ាំងហ្គោនៈ យោធារបស់ប្រទេសមីយ៉ាន់ម៉ា បានប្រកាសពីការបោសសំអាត រដ្ឋាភិបាលដែលបានជ្រើសរើសតាម បែបប្រជាធិបតេយ្យរបស់ លោកស្រី អ៊ុងសានស៊ូជី ដោយបានដករដ្ឋមន្រ្តីនិងសមាជិកសភាចំនួន២៤រូប ខណៈដាក់ឈ្មោះជំនួស១១រូបនៅក្នុងរដ្ឋបាលថ្មី របស់ខ្លួន បន្ទាប់ពីធ្វើការ ដណ្តើមអំណាច ដោយរដ្ឋប្រហារ។ យោងតាមការចេញផ្សាយរបស់ Channel News Asia បានឲ្យដឹងថា ការប្រកាសនេះត្រូវបានធ្វើឡើងនៅលើកញ្ចក់ទូរទស្សន៍ Myawadday ដែលគ្រប់គ្រងដោយ យោធា...

969

អត្ថបទ

ណាហ្គាវើលដ៍ទទួលស្វាគមន៍ ឆ្នាំឆ្លូវនាំលាភសំណាង ជាមួយការ ផ្តល់ជូនដ៏អស្ចារ្យ

ភ្នំពេញ៖ថ្ងៃទី១ខែកុម្ភៈឆ្នាំ២០២១ ណាហ្គាវើលដ៍នឹងស្វាគមន៍ អតិថិជនទាំងអស់ ក្នុងឱកាសឆ្នាំថ្មីឆ្នាំឆ្លូវនាំលាភសំណាង ជាមួយនឹងការផ្តល់ជូន ដ៏សម្បូរបែបដូចជាម្ហូបចិន សុភមង្គលនំចិននាំលាភការ តុបតែងរចនាដ៏ស្រស់ស្អាត និងការសម្តែងសិល្បៈដ៏អស្ចារ្យ ពីឥឡូវនេះរហូតដល់ថ្ងៃទី២៨ខែកុម្ភៈ។ អតិថិជនទាំងអស់នឹងទទួលបាន តុក្កតារូបកូនគោដ៏ស្រស់ស្អាតឥតគិតថ្លៃ នៅពេលចំណាយ៨៨ដុល្លារឬច្រើនជាងនេះនៅក្នុងវិក្កយបត្រមួយ នៅភោជនីយដ្ឋានរបស់ណាហ្គាវើលដ៍ (រហូតអស់ពីស្តុក)។សម្រាប់សមាជិកណាហ្គាវើលដ៍រីវ៉ត នឹងទទួលបានតុក្កតាដ៏ស្រស់ស្អាត ដោយត្រូវសន្សំនិងប្តូរ២៨ពិន្ទុ ក្នុងថ្ងៃតែមួយឬដោយប្តូរ៩៨ពិន្ទុ។ ជម្រើសមួយទៀតអតិថិជន អាចជាវនៅហាងលក់វត្ថុអនុស្សាវរីយ៍ (ជាន់ទី១ណាហ្គាវើលដ៍ទី១) តម្លៃត្រឹមតែ១២ដុល្លារ...

1.8K

ព័ត៌មានជាតិ

សែលកាត ជួយគាំទ្រសហគមន៍ ខេត្តសៀមរាប ជាមួយនឹងពិព័រណ៍ ចុងសប្តាហ៍នេះ

ភ្នំពេញ ថ្ងៃទី២៨ ខែមករា ឆ្នាំ២០២១ ការជួយគាំទ្រ របស់ក្រុមហ៊ុន សែលកាត ចំពោះកម្មវិធី “ពិព័រណ៌ផលិតផលសៀមរាប” នាចុងសប្តាហ៍នេះ បានបង្ហាញនូវការខិតខំប្រឹងប្រែងរបស់ខ្លួន ក្នុងការជួយជម្រុញនូវសិល្បៈ និងសហគមន៍ ពាណិជ្ជកម្មនៃតំបន់អង្គរវត្ត ដែលរងឥទ្ធិពលយ៉ាងខ្លាំង ពីការធ្លាក់ចុះ នៃវិស័យទេសចរណ៍។ ពិព័រណ៍ដែលត្រូវបាន សម្របសម្រួលដោយ សភាពាណិជ្ជកម្មបារាំង និងឧស្សាហកម្មកម្ពុជា និងក្រុមហ៊ុន Beyond Retail Business (B.R.B) គឺមានរយៈពេល ២ ថ្ងៃដែលបង្ហាញពីផលិតផល ទំនិញ និងសេវាកម្មដែលមានគុណភាព មកពីខេត្តសៀមរាប។ ព្រឹត្តិការណ៍នេះក៏ធ្វើឡើង ដើម្បីណែនាំអាជីវកម្មនៅសៀមរាប អំពីសក្តានុពល នៃការផ្លាស់ប្តូរទីតាំង ទៅទីក្រុងភ្នំពេញ និងដើម្បីតម្រឹមវិធីសាស្រ្ត របស់ពួកគេឡើងវិញ ដើម្បីផ្តោតលើទីផ្សារក្នុងស្រុក យ៉ាងហោចណាស់ សម្រាប់បណ្តោះអាសន្ន។ ពិព័រណ៍នេះបង្ហាញ ជូនអាជីវកម្មជាង ១៩ នៅខេត្តសៀមរាប រួមទាំងសិប្បកម្មក្នុងស្រុក ការតុបតែង និងម្ហូបអាហារ ដែលសុទ្ធសឹងតែជាប្រភព និងផលិតក្នុងស្រុក ១០០% ខណៈបង្ហាញពីសិល្បៈ ហត្ថកម្មខ្មែរពិសេស និងអភិរក្សវប្បធម៌ និងបេតិកភណ្ឌខ្មែរ។ ការជួយគាំទ្ររបស់ សែលកាត ចំពោះព្រឹត្តិការណ៍ នាពេលខាងមុខនេះ គឺជាផ្នែកមួយ នៃការខិតខំរបស់ខ្លួន ដើម្បីលើកកម្ពស់ការយល់ដឹង សម្រាប់ទេពកោសល្យរបស់ប្រទេសកម្ពុជា និងស្របគ្នានឹងគម្រោងដទៃទៀត ដែលមានគោលបំណងជំរុញ និងជំរុញការស្តារ វិស័យទេសចរណ៍ នៅកម្ពុជា។ ក្នុងនាមជាក្រុមហ៊ុនអាជីវកម្ម ដែលកាន់កាប់ ដោយជនជាតិខ្មែរ១០០% ក្រុមហ៊ុនសែលកាត មើលឃើញសារៈសំខាន់ នៃគំនិតផ្តួចផ្តើមមិនត្រឹមតែ នៅក្នុងកិច្ចខិតខំប្រឹងប្រែង របស់ខ្លួន ដើម្បីទ្រទ្រង់អាជីវកម្ម និងថែរក្សាប្រពៃណី និងសិល្បៈខ្មែរតែមួយគត់ប៉ុណ្ណោះទេ ប៉ុន្តែថែមទាំងរួមចំណែក ដល់ការងើបឡើង នៃសេដ្ឋកិច្ចជាតិផងដែរ។ លោកអៀន វ៉ាតសុន នាយកប្រតិបត្តិក្រុមហ៊ុន សែលកាត មានប្រសាសន៍ថា“ ឆ្នាំ ២០២០ បាននាំមកនូវបញ្ហាប្រឈម ដែលមិនធ្លាប់មានពីមុន មកចំពោះសេដ្ឋកិច្ច មិនត្រឹមតែនៅក្នុងប្រទេសកម្ពុជា ប៉ុណ្ណោះទេប៉ុន្តែនៅទូទាំងពិភពលោក” ។ ក្នុងរយៈពេលមិនដល់មួយឆ្នាំផង យើងបានឃើញនូវការធ្វើសមាហរណកម្មដ៏ធំធេង នៃស្ទើរគ្រប់វិស័យអាជីវកម្មជាច្រើន ដើម្បីអភិវឌ្ឍមធ្យោបាយថ្មី នៃការធ្វើជំនួញ និងជម្រុញកិច្ចខិតខំប្រឹងប្រែង។ ក្នុងនាមជាផ្នែកមួយនៃផ្នែករបស់ICT របស់រ៉ូយ៉ាល់គ្រុបកម្ពុជា យើងមើលឃើញថា នេះគឺជាឱកាសមួយ ដើម្បីគាំទ្រដល់អាជីវកម្មទាំងឡាយ ក្នុងគ្រាដ៏លំបាកនេះ។ លោក អៀន បានមានប្រសាសន៍បន្តថា ការគាំទ្រពិព័រណ៍របស់ក្រុមហ៊ុនសែលកាត និងរ៉ូយ៉ាល់គ្រុប គឺស្របទៅនឹងតួនាទីរបស់ក្រុមហ៊ុន ក្នុងការជំរុញឌីជីថល និងកសាងអក្ខរកម្មឌីជីថល និងសមត្ថភាពនៅទូទាំងប្រទេស។ “ពិព័រណ៌ផលិតផលសៀមរាប” នឹងធ្វើឡើងនៅថ្ងៃសៅរ៍ និងថ្ងៃអាទិត្យ (៣០ និង ៣១ ខែមករាឆ្នាំ ២០២១) នៅមាត់ទន្លេ Quayside...

2.7K

ព័ត៌មានអន្តរជាតិ

ម៉ាឡេស៊ី ផ្តន្ទាទោសបុរសម្នាក់ ជាប់គុក ១០៥០ឆ្នាំ ដោយសាររំលោភ កូនស្រីចុងខ្លួនឯង ១០៥ដង

បរទេស៖ តុលាការប្រទេសម៉ាឡេស៊ី កាលពីថ្ងៃពុធ (២៧ មករា) បានកាត់ទោសបុរសម្នាក់ ឱ្យជាប់ពន្ធនាគាររហូតដល់ ១ ០៥០ ឆ្នាំ ពីបទរំលោភកូនស្រីចុង របស់ខ្លួនឯងចំនួន ១០៥ ដង ក្នុងរយៈពេលពីរឆ្នាំ ។ បុរសដែលមិនត្រូវបានគេប្រាប់ឈ្មោះ ក៏នឹងត្រូវពិន័យបន្ថែម ដោយវាយចំនួន ២៤ ផ្តៅផងដែរ។ យោងតាមសារព័ត៌មាន...

2.2K

បច្ចេកវិទ្យា

Toyota វ៉ាដាច់ Volkswagen ឈរលេខ ១ លើពិភពលោក

ភ្នំពេញ៖ ក្រុមហ៊ុន Toyota ម៉ូទ័ររបស់ជប៉ុនបាន វ៉ាដាច់ ក្រុមហ៊ុន Volkswagen របស់អាល្លឺម៉ង់ ក្នុងការលក់រថយន្តកាលពីឆ្នាំមុន (ឆ្នាំ២០២០) ដោយទទួលបានឋានៈជា ក្រុមហ៊ុនផលិតរថយន្ត លក់ដាច់បំផុតនៅលើពិភពលោក ជាលើកដំបូង ក្នុងរយៈពេល៥ឆ្នាំ ដោយសារតម្រូវការធ្លាក់ចុះរាតត្បាត បានធ្វើឱ្យគូប្រជែងអាល្លឺម៉ង់ របស់ខ្លួនពិបាក។ ក្រុមហ៊ុន Toyota បានឲ្យដឹងនៅថ្ងៃព្រហស្បតិ៍ទី២៨ខែមករា ដោយយោងតាមការចេញផ្សាយរបស់...

1.5K

ព័ត៌មានអន្តរជាតិ

មកស្គាល់មហាសេដ្ឋីទាំង១០នាក់លើពិភពលោក (គឹតត្រឹមថ្ងៃទី ២៨ ខែមករា ឆ្នាំ២០២១នេះ)

របាយការណ៍នៅឆ្នាំ២០២០បានឲ្យដឹងថា មានមហាសេដ្ឋីចំនួន២,០៩៥នាក់នៅលើផែនដីដែលមានទ្រព្យសម្បត្តិសរុបប្រមាណជាង៨ទ្រីលានដុល្លារ។ ខាងក្រោមនេះគឺជាមហាសេដ្ឋីទាំង១០រូបដែលបច្ចុប្បន្នត្រូវបានគេចាត់ទុកថាជាអ្នកមានបំផុតនៅពេលគេធ្វើបច្ចុប្បន្នភាព បើយោងតាម Investopedia។ លោក Ellon Mask អាយុ៖ 49ឆ្នាំ ទីលំនៅ៖ Austin, Texas តួនាទី៖ សហស្ថាបនិក និង CEO ក្រុមហ៊ុន Tesla Net worth៖...

1.7K

ព័ត៌មានជាតិ

ឯកឧត្តម កែវ រតនៈ គោរពជូនពរ សម្តេចតេជោ និងសម្តេចកិត្តិព្រឹទ្ធបណ្ឌិត ក្នុងឱកាសខួបអាពាហ៍ពិពាហ៍ ៤៥ឆ្នាំ

ឯកឧត្តម កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកអគ្គិសនីកម្ពុជា ព្រមទាំងនិយោជិកទាំងអស់ សូមគោរពជូនពរ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ក្នុងឱកាសខួប ៤៥ឆ្នាំ (១៩៦៧-២០២១) នៃចំណងអាពាហ៍ពិពាហ៍...

1.1K

ព័ត៌មានជាតិ

អភិបាលរាជធានីភ្នំពេញ គោរពជូនពរ សម្តេចតេជោ និងសម្តេចកិត្តិព្រឹទ្ធបណ្ឌិត ក្នុងឱកាសខួបអាពាហ៍ពិពាហ៍ ៤៥ឆ្នាំ

ឯកឧត្តម ឃួង ស្រេង អភិបាលនៃគណៈអភិបាល រាជធានីភ្នំពេញ និងលោកជំទាវ, ឯកឧត្តម ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ និងលោកជំទាវ សូមគោរពជូនពរ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន...