Covid-19

នៅថ្ងៃពុធនេះថៃ បញ្ជាក់អំពីអ្នកស្លាប់ដោយសារជំងឺកូវីដ១៩ចំនួន ៣៨នាក់ទៀត

បរទេស៖ អាជ្ញាធរសុខាភិបាលប្រទេសថៃ បានរាយការណ៍អំពីអ្នកស្លាប់ដោយសារជំងឺកូវីដ-19 ថ្មីចំនួន ៣៨ នាក់បន្ថែមទៀត នៅថ្ងៃពុធ និងរកបានឃើញអ្នកឆ្លងថ្មីចំនួន ៣៤៤០នាក់ ដែលនាំឱ្យចំនួនអ្នកស្លាប់ដោសារជំងឺនេះកើនដល់ ១១០៧ នាក់ និងចំនួនករណីឆ្លងចាប់តាំងពីការរាតត្បាតរាលដាល បានកើនឡើងដល់ ១៦៥ ៤៦២ នាក់។

យោងតាមសារព័ត៌មាន Bangkok Post ចេញផ្សាយនៅថ្ងៃពុធ ទី២ ខែមិថុនា ឆ្នាំ២០២១ បានឱ្យដឹងថា មជ្ឈមណ្ឌលសម្រាប់គ្រប់គ្រងស្ថានភាពជំងឺកូវីដ-19 បាននិយាយថា អ្នកឆ្លងថ្មីចំនួន ២៣៥៣នាក់ គឺត្រូវបានរកឃើញនៅ ក្នុងចំណោមប្រជាជនទូទៅ និង ១ ០៨៧ នាក់ រកឃើញនៅក្នុងពន្ធនាគារ។

យ៉ាងណាក៏ដោយ នៅក្នុងប្រទេសថៃ ក្នុងរយៈពេល ២៤ ម៉ោងចុងក្រោយនេះ ក៏មានអ្នកជំងឺចំនួន ២ ៨៤៣ នាក់ បានជាសះស្បើយ ហើយត្រូវបានរំសាយចេញពីមន្ទីរពេទ្យផងដែរ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top