កម្មកររោងចក្រជីអេធី ចំនួន៥២៧នាក់ រកឃើញផ្ទុកជំងឺកូវីដ១៩ ចំនួន៨នាក់

ភ្នំពេញ ៖ អនុគណៈកម្មការស្រាវជ្រាវជំងឺកូវីដ១៩ បានប្រកាសថា កាលទីពីថ្ងៃ៣១ ខែសីហា ឆ្នាំ២០២១ ក្រុមគ្រូពេទ្យសម្តេចតេជោ ប្រឆាំងកូវីដ១៩ បានយកសំណាកកម្មករ និងកម្មការនីនៃរោងចក្រជីអេធី (GAT) ស្ថិតនៅផ្លូវលេខ៣៧១ ខណ្ឌដង្កោ រាជធានីភ្នំពេញ ដោយលទ្ធផលតេស្តរហ័សលើកទី១ រកឃើញវិជ្ជមានកូវីដ ៨នាក់ ក្នុងចំណោមអ្នកធ្វើតេស្ត ៥២៧នាក់។

ក្នុងនោះ អ្នកវិជ្ជមានកូវីដទាំង៨នាក់ កំពុងស្ថិតក្នុងការរងចាំលទ្ធផលវិភាគ រកមេរោគកូវីដ១៩ បំប្លែងថ្មី Delta បន្តទៀត៕