ព័ត៌មានអន្តរជាតិ

អាមេរិក​ និងតៃវ៉ាន់ នឹងសហការគ្នា លើវិស័យហេដ្ឋារចនាសម្ព័ន្ធ ក្នុងដំណើរទប់ទល់នឹងចិន

បរទេស ៖ មន្ត្រីនានាបាននិយាយនៅថ្ងៃពុធនេះថា សហរដ្ឋអាមេរិកនិងកោះតៃវ៉ាន់ នឹងធ្វើការងាររួមគ្នាលើគម្រោងហេដ្ឋារចនាសម្ព័ន្ធ នៅក្នុងតំបន់ឥណ្ឌូប៉ាស៊ីហ្វិក និងអាមេរិកឡាទីន ក្នុងដំណើរទប់ទល់ជាស្តែង ចំពោះផែនការវិនិយោគក្នុងតំបន់ដ៏ធំរបស់ចិន។

ស្ថានទូតអាមេរិកប្រចាំនៅទីក្រុងតៃប៉ិបាននិយាយថា ផែនការថ្មីនេះ នឹងគាំទ្រដល់ហេដ្ឋារចនាសម្ព័ន្ធដ៏មានគុណភាព នៅក្នុងទីផ្សារកំពុងលេចធ្លោរនានា ស្របពេលដែលរដ្ឋមន្ត្រីការបរទេសតៃវ៉ាន់ លោក Joseph Wu បាននិយាយថា វាបានធ្វើឲ្យយុទ្ធសាស្ត្រឥណ្ឌូប៉ាស៊ីហ្វិករបស់សហរដ្ឋអាមេរិក មានភាពត្រូវគ្នា ជាមួយគោលនយោបាយឆ្ពោះ ទៅទិសខាងត្បូងថ្មីរបស់តៃវ៉ាន់។

គួរបញ្ជាក់ថា ទីក្រុងវ៉ាស៊ីនតោន មានមន្ទិលសង្ស័យជាខ្លាំង ចំពោះគោលគំនិតក្រវ៉ាត់ផ្លូវរបស់ទីក្រុងប៉េកាំង ដែលកសាងផ្លូវថ្នល់ ផ្លូវដែក និងសំណង់ផ្សេងៗទៀត ដើម្បីភ្ជាប់ប្រទេសចិនទៅអឺរ៉ុប អាស៊ី និងទីផ្សេងៗទៀត ដោយមើលឃើញវាថាជាផែនការ ដាក់បញ្ចូលប្រទេសនានាទៅក្នុងគន្លងរបស់ចិន តាមរយៈកិច្ចការការទូតបំណុល៕
ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top