ព័ត៌មានអន្តរជាតិ

រដ្ឋមន្ត្រីការបរទេស អាមេរិកស្វះស្វែងបង្កើនការគាំទ្រ ក្នុងចំណោមសម្ពន្ធមិត្ត

បរទេស ៖ រដ្ឋមន្ត្រីការបរទេស អាមេរិកលោក Mike Pompeo នៅថ្ងៃអង្គារនេះ បានធ្វើទស្សនកិច្ចទីក្រុងតូក្យូ ជួបសម្ពន្ធមិត្តដ៏ជិតស្និត នៅអាស៊ីមួយចំនួន របស់ទីក្រុងវ៉ាស៊ីនតោន គឺជប៉ុន អូស្ត្រាលី និងឥណ្ឌា ដើម្បីបង្កើនការគាំទ្រប្រឆាំងនឹងអ្វី ដែលសហរដ្ឋអាមេរិកនិយាយថា ជាឥទ្ធិពលក្នុងតំបន់ដ៏គ្រោះថ្នាក់កំពុង តែកើនឡើងរបស់ចិន ។

យោងតាមសេចក្តីរាយការណ៍មួយ ចេញផ្សាយដោយ ទីភ្នាក់ងារ សារព័ត៌មាន Us News នៅថ្ងៃទី០៦ ខែតុលា ឆ្នាំ២០២០ បានឲ្យដឹងថា ដំណើរទស្សនកិច្ចមួយថ្ងៃនេះ រួមបញ្ចូលទាំងកិច្ចប្រជុំមួយ របស់រដ្ឋមន្ត្រីការបរទេសក្រុមប្រជាជាតិ៤ គឺសហរដ្ឋអាមេរិក អូស្ត្រាលី ឥណ្ឌានិងជប៉ុន។

គួរបញ្ជាក់ថា ស្របពេលដែលទីក្រុងវ៉ាស៊ីនតោន កំពុងតែសម្លឹងកសាងការគាំទ្រ នៅក្នុងចំណោមសម្ពន្ធមិត្តនៅអាស៊ី ប្រឆាំងនឹងទីក្រុងប៉េកាំងនោះ អ្នកវិភាគបាននិយាយថា ប្រទេសជិតខាងចិននានា ចង់ជៀសវាងការប្រយុទ្ធដាក់គ្នាត្រង់ៗ ព្រោះតែចំណងមិត្តភាពសេដ្ឋកិច្ច៕
ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top