បរទេស៖ ទូរទស្សន៍ BBC ចេញផ្សាយនៅថ្ងៃចន្ទនេះ បានឲ្យដឹងថា ប្រទេសហូឡង់បានក្លាយទៅជា ប្រទេសចុងក្រោយគេមួយដែលបានសម្រេចចិត្ត ក្នុងការផ្អាកជាបណ្តោះអាសន្នក្នុង
ការប្រើប្រាស់វ៉ាក់សាំង AstraZeneca ដោយសារការព្រួយបារម្ភអំពី ផលប៉ះពាល់ជាអវិជ្ជមានរបស់វ៉ាក់សាំងនៃ Oxfordមួយនេះ។
អង្គការសុខភាពពិភពលោក WHO និងភ្នាក់ងារឱសថរបស់អ៊ឺរ៉ុបឬ EMA ធ្លាប់បានបញ្ជាក់ច្បាស់ហើយថា ខ្លួនគឺមិនអាចរកឃើញភស្តុតាង ណាមួយដែលអាចនិយាយថា AstraZeneca
នឹងអាចធ្វើឲ្យមានផលប៉ះពាល់ ដល់សុខភាពរបស់អ្នកជំងឺ ឬបញ្ហាកំណកឈាមនោះទេ។
![](https://dap-news.com/wp-content/uploads/2021/03/photo_2021-03-16_12-32-24.jpg)
គួរឲ្យដឹងដែរថា ចាប់តាំងតែពីមានព័ត៌មាន អំពីបញ្ហានៃមនុស្សមួយចំនួន ក្រោយការចាក់វ៉ាក់សាំងនេះ ហើយនោះប្រទេសចំនួន៨មកហើយ ដែលបានប្រកាសក្នុងការ ផ្អាកប្រើប្រាស់វ៉ាក់សាំង
AstraZeneca ដែលក្នុងនោះក៏មានប្រទេសថៃផងដែរ។
មកដល់ពេលនេះវ៉ាក់សាំង AstraZeneca ត្រូវបានចាក់ជូនពលរដ្ឋ ដែលរស់នៅក្នុងទ្វីបអ៊ឺរ៉ុប និងអង់គ្លេសចំនួន ១៧លាននាក់មកហើយ ប៉ុន្តែជាដំណឹងអាក្រក់ ខណៈដែលមនុស្សប្រមាណជា
៤០នាក់ ត្រូវបានរាយការណ៍ថា បានទទួលរងនូវបញ្ហាកំណកឈាម កាលពីសប្តាហ៍មុន ៕
ប្រែសម្រួល៖ ស៊ុន លី
![](https://dap-news.com/wp-content/uploads/2020/08/1-1.png)