ព័ត៌មានអន្តរជាតិ

សហរដ្ឋអាមេរិក នឹងបញ្ជូនយន្តហោះ ដើម្បីជួយរុករកនាវាមុជទឹក របស់ឥណ្ឌូនេស៊ី កំពុងបាត់ខ្លួន

វ៉ាស៊ីនតោន៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី២៣ ខែមេសា ឆ្នាំ២០២១ថា លោក John Kirby អ្នកនាំពាក្យមន្ទីរបញ្ចកោណ បានឲ្យដឹងកាលពីថ្ងៃព្រហស្បតិ៍ថា យោធាសហរដ្ឋអាមេរិក នឹងបញ្ជូនក្រុមអាកាស ដើម្បីជួយឥណ្ឌូនេស៊ី ក្នុងការស្វែងរកនាវាមុជទឹកដែល បាត់ខ្លួនជាមួយនាវិកចំនួន ៥៣នាក់នៅក្នុងនាវានោះ ។

លោក Kirby បានថ្លែងថា ក្រសួងការពារជាតិអាមេរិក មានការសោកស្តាយយ៉ាងខ្លាំង ចំពោះព័ត៌មាននៃនាវាមុជទឹក KRI Nanggala ៤០២ ដែលបានបាត់ខ្លួនកាលពីថ្ងៃពុធ ក្នុងពេលធ្វើសមយុទ្ធនៅឯឆ្នេរកោះបាលី ។

នៅក្នុងសេចក្តីថ្លែងការណ៍មួយ លោក Kirby បានលើកឡើងថា “គំនិតរបស់យើង គឺតែមួយជាមួយនឹងនាវិកឥណ្ឌូនេស៊ី និងក្រុមគ្រួសាររបស់ពួកគេ” ។

តាមការអញ្ជើញរបស់រដ្ឋាភិបាលឥណ្ឌូនេស៊ី យើងកំពុងបញ្ជូនឧបករណ៍ដឹកតាមអាកាស ដើម្បីជួយក្នុងការស្វែងរកនាវាមុជទឹក ដែលបាត់ខ្លួននោះ ៕

ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top