បាងកក៖ ប្រទេសថៃ នៅថ្ងៃសៅរ៍នេះ បានបញ្ជាក់ ពីករណីឆ្លងថ្មី នៃជំងឺកូវីដ-១៩ ចំនួន ១៨៩១ករណី និងអ្នកស្លាប់ចំនួន ២១នាក់ទៀត នេះបើយោងតាមមជ្ឈមណ្ឌល គ្រប់គ្រងស្ថានភាពជំងឺកូវីដ-១៩) CCSA ។
អ្នកនាំពាក្យ CCSA លោក Taweesin Visanuyothin បានប្រាប់សន្និសីទសារព័ត៌មានថា ក្នុងចំណោមករណីថ្មីចំនួន ១,៨៨៤ នាក់ គឺជាអ្នកឆ្លងជំងឺ ក្នុងសហគមន៍ និង ៧ ករណីទៀត ជាករណីនាំចូល។
យោងតាមលោក Taweesin បានឱ្យដឹងថា ការឆ្លងថ្មីចំនួន ៧៣៩ ករណីត្រូវបានរកឃើញ នៅក្នុងរដ្ឋធានីបាងកក បន្ទាប់មក ១៤២ ករណីនៅខេត្តសាមុត ប្រាកាន និង ១២៦ ករណីនៅខេត្ដឆុនបុរី ទាំងនៅក្បែរទីក្រុងបាងកក។
ករណីថ្មីនេះ បានធ្វើឱ្យចំនួនជាតិកើនឡើង ដល់ ៦៧,០៤៤ ករណី ដែលពាក់កណ្តាល នៃករណីត្រូវបានរាយការណ៍ នៅក្នុងខែមេសា។
ចំនួនអ្នកស្លាប់ ២១នាក់ ដែលជាចំនួនខ្ពស់បំផុត ក្នុងមួយថ្ងៃ បានធ្វើឱ្យចំនួនអ្នកស្លាប់ សរុបប្រទេសនេះ បានកើនឡើងដល់ ២២៤ នាក់នៅក្នុងប្រទេស៕ ដោយ៖ ឈូក បូរ៉ា
