Covid-19

លោក បៃដិន ប្ដេជ្ញាថាពលរដ្ឋពេញវ័យអាមេរិក ៧០ភាគរយ នឹងទទួលបានវ៉ាក់សាំងដូសទី១ នៅត្រឹមថ្ងៃ៤ ខែកក្កដា

វ៉ាស៊ីនតោន៖ ប្រធានាធិបតីសហរដ្ឋអាមេរិកលោក ចូ បៃដិន នៅថ្ងៃអង្គារម្សិលមិញនេះ បានកំណត់គោលដៅនៃ ការទទួលបានប្រជាជនចំនួន ៧០ ភាគរយនៃចំនួនប្រជាជន ពេញវ័យរបស់ប្រទេសដើម្បី ទទួលបានវ៉ាក់សាំងបង្កាជំងឺកូវីដ-១៩ យ៉ាងតិចមួយដងនៅត្រឹមថ្ងៃទី៤ ខែកក្កដា។

សុន្ទរកថានៅសេតវិមានបានឲ្យដឹងថា លោកក៏ចង់ឲ្យមនុស្សពេញវ័យ ១៦០លាននាក់ចាក់វ៉ាក់សាំងការពារខ្លួន ដោយទិវាឯករាជ្យផងដែរ នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។

យោងតាមមជ្ឈមណ្ឌលការពារ និងបង្កាជំងឺអាមេរិក (CDC) បានឱ្យដឹងថា គិតត្រឹមថ្ងៃច័ន្ទកន្លងទៅនេះ ជនជាតិអាមេរិកជាង ១៤៥,៣ លាននាក់ ដែលមានអាយុលើសពី ១៨ ឆ្នាំ ឬស្មើនឹង ៥៦,៣ភាគរយ នៃចំនួនមនុស្សពេញវ័យសរុប បានទទួលវ៉ាក់សាំងការពារជំងឺកូវីដ-១៩ យ៉ាងហោចណាស់មួយដង។

ទិន្នន័យរបស់ CDC បានបង្ហាញថា ជនជាតិអាមេរិកប្រហែលជា ១០៤,៧ លាននាក់ដែលមានអាយុលើសពី ១៨ ឆ្នាំ ឬ ៤០,៦ ភាគរយនៃចំនួនមនុស្សពេញវ័យសរុប ត្រូវបានចាក់វ៉ាក់សាំងពេញលេញ។

គេប៉ាន់ប្រមាណថាចន្លោះពី ៧០ ទៅ ៨៥ ភាគរយនៃចំនួនប្រជាជនអាមេរិក ចាំបាច់ត្រូវតែមានភាពស៊ាំទៅនឹងជំងឺកូវីដ-១៩ ដើម្បីឈានទៅរកភាពស៊ាំរបស់រាងកាយ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top