ព័ត៌មានអន្តរជាតិ

រុស្សីនឹងបង្កើត អង្គភាពយោធាថ្មី ២០ទៀត នៅភាគខាងលិចទុកទល់មុខណាតូ

បរទេស៖ យោងតាមការចេញផ្សាយ របស់កាសែតបរទេសនៅថ្ងៃអង្គារនេះ បានឲ្យដឹងថា កងកម្លាំងយោធានៃប្រទេសរុស្សី ត្រូវបានគេដឹងថា គ្រោងនឹងបង្កើតអង្គភាពយោធាថ្មីប្រមាណជា ២០ថ្មីបន្ថែមទៀត នៅភាគខាងលិចនៃប្រទេសក្នុងឆ្នាំនេះ។

ប្រភពដដែលបានឲ្យដឹងទៀតថា អង្គភាពទាំងនោះនឹងប្រើប្រាស់ ក្នុងគោលបំណងធំប្រឈមមុខ ទៅនឹងការកើនឡើងនៃការគម្រាមកំហែង របស់អង្គការណាតូ។ សេចក្តីប្រកាសដែលត្រូវបាន ធ្វើឡើងដោយលោករដ្ឋមន្ត្រីការពារជាតិរុស្សី Sergei Shoigu ក៏បានលើកឡើងអំពីសំពាធ ដែលត្រូវបានធ្វើឡើងតាមរយៈ ការបង្កើនចំនួនជើងហោះហើរ ដោយយន្តហោះទំលាក់គ្រាប់បែក របស់អាមេរិកនៅក្បែរព្រំដែនរបស់រុស្សី និងក៏ដូចជា នាវាចម្បាំងរបស់ណាតូផងដែរ។

លោកបន្តថា សកម្មភាពបែបនេះគឺជា របៀបដែលអាមេរិក និងណាតូបានបំផ្លាញចោល នូវសន្តិសុខអន្តរជាតិហើយវា បានបង្ខំឲ្យយើងក្នុងការធ្វើការ ប្រតិកម្មដើម្បីឆ្លើយតប និងប្រឈមមុខទៅនឹងបញ្ហានេះ។

ជាចុងក្រោយលោកបានបន្ថែមដែរថា អង្គភាពយោធាថ្មីទាំង២០ នៅក្នុងតំបន់ភាគខាងលិច នៃប្រទេសនោះក៏នឹងត្រូវ ដាក់បំពាក់មកជាមួយនឹងអាវុធ
យុទ្ធភ័ណ្ឌប្រភេទថ្មីដល់ទៅជាង ២០០០ប្រភេទផងដែរ ៕

ប្រែសម្រួល៖ ស៊ុន លី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top