ព័ត៌មានអន្តរជាតិ

រុស្សី កំពុងដំណើរ ការសមយុទ្ធ យោធាធំបំផុតនៅប៉ាស៊ីហ្វិក ចាប់តាំងពីសម័យសង្គ្រាមត្រជាក់

បរទេស៖ កងកម្លាំងនាវាជើងទឹកនៃប្រទេសរុស្សីនៅសប្តាហ៍នេះ បានដំណើរការសមយុទ្ធយោធាដ៏ធំបំផុតមួយនៅក្នុងតំបន់ ប៉ាស៊ីហ្វិកមិនធ្លាប់មាន ឡើយគិតចាប់តាំងតែពីសម័យ បញ្ចប់សង្គ្រាមត្រជាក់។

ប្រភពដដែលបានឲ្យដឹងថាសមយុទ្ធយោធាជើងទឹកនេះ បានធ្វើឡើងនៅចន្លោះចំងាយប្រមាណជា៣០០ ទៅ៥០០ ម៉ាលពីភាគខាងលិចនៃ កោះហាវ៉ៃហើយវាបានកើតឡើងនៅមុនបន្តិចនៃកិច្ច ប្រជុំរវាងលោកប្រធានាធិបតីអាមេរិក Joe Biden និងលោកប្រធានាធិបតីរុស្សីលោក Vladimir Putin ។

ការធ្វើសមយុទ្ធយោធាលើកនេះ ត្រូវបានគេមើលឃើញថា មានការចូលរួមពីសំណាក់កងកម្លាំងបច្ចេកទេស និងសព្វាវុធទំនើបៗដូចជានាវាប្រយុទ្ធលើ យន្តហោះចម្បាំងប្រយុទ្ធប្រឆាំងនឹងនាវា មុជទឹកព្រមទាំងយន្តហោះទំលាក់ គ្រាប់បែកចំងាយឆ្ងាយផងដែរ។

កាលពីថ្ងៃអាទិត្យ ផងដែរមន្ត្រីនៃក្រសួងការពារជាតិអាមេរិកក៏បាននិយាយ ដែរថាខ្លួនបានបើកបញ្ជាឲ្យយន្តចម្បាំង F-22 ជាច្រើនគ្រឿងដើម្បីទៅប្រឈមមុខនឹងយន្តហោះទំលាក់គ្រាប់បែករបស់រុស្សីផងដែរប៉ុន្តែបានត្រឹមហោះ ហើរនៅលើដែន អាកាសរៀងខ្លួនប៉ុណ្ណោះ៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top