បរទេស៖មន្ត្រីជាន់ខ្ពស់ នៃទីភ្នាក់ងារស៊ើបអង្កេតអាមេរិក FBI និងមន្រ្តីក្រសួងសន្តិសុខផ្ទៃប្រទេស តាមសេចក្តីរាយការណ៍ នឹងធ្វើដំណើរទៅកាន់ប្រទេសហៃទី ក្រោយមានករណីធ្វើឃាត ប្រធានាធិបតីនៃប្រទេសនេះ កាលពីដើមសប្ដាហ៍នេះ។
លេខាធិការផ្នែកព័ត៌មានរបស់សេតវិមាន លោក Jen Psaki បាននិយាយប្រាប់ អ្នកសារព័ត៌មានយ៉ាងដូច្នេះថា “សហរដ្ឋអាមេរិកនៅតែចូលរួម និងកំពុងតែប្រឹក្សាគ្នាយ៉ាងយកចិត្តទុកដាក់ ជាមួយដៃគូហៃទីនិងអន្តរជាតិរបស់យើង ដើម្បីគាំទ្រដល់ប្រជាជនហៃទី ក្រោយមានការធ្វើឃាតលោកប្រធានាធិបតី”។
លោកបន្តទៀតថា “យើងនឹងបញ្ជូនមន្ត្រីជាន់ខ្ពស់ នៃទីភ្នាក់ងារស៊ើបអង្កេត FBI និងមន្ត្រីក្រសួងសន្តិសុខផ្ទៃប្រទេស ទៅកាន់ទីក្រុង Port-au-Prince ឲ្យបានលឿនបំផុតតាមដែលអាចទៅរួច ដើម្បីធ្វើការវាយតម្លៃពីស្ថានភាព និងវិធីដែលយើងអាចជួយបាន”។
តាមសេចក្តីរាយការណ៍លេខាធិការព័ត៌មាន សេតវិមានរូបនេះ ក៏បាននិយាយផងដែរថា ការពង្រឹងសមត្ថភាពអនុវត្តច្បាប់ នៃប្រទេសហៃទី គឺជាអាទិភាពដ៏សំខាន់ នៅមុនពេលមានការធ្វើឃាត់លោកប្រធានាធិបតី Jovenel Moise វ័យ៥៣ឆ្នាំនោះ៕ ប្រែសម្រួល៖ ប៉ាង កុង
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
