Covid-19

ថៃ រកឃើញអ្នកឆ្លងវីរុសកូវីដ១៩ រហូតដល់ ១១ ៧៨៤នាក់ និងស្លាប់ ៨១នាក់ នៅព្រឹកថ្ងៃច័ន្ទ

បរទេស៖ ក្រសួងសុខាភិបាលរបស់ប្រទេសថៃ បានរាយការណ៍នៅថ្ងៃច័ន្ទថា ប្រទេសនេះមានកំណត់ត្រាឆ្លងថ្មីវីរុសកូវីដ១៩ ចំនួន ១១ ៧៨៤ នាក់ និងអ្នកស្លាប់ចំនួន ៨១ នាក់ក្នុងរយៈពេល ២៤ ម៉ោងកន្លងមកនេះ។ ករណីឆ្លងថ្មីដែលត្រូវបានរកឃើញនោះ គឺ ១១.៦៨៤ នាក់ រកឃើញក្នុងចំណោមប្រជាជនទូទៅ និង ១០០ នាក់ក្នុងចំណោមអ្នកទោសពន្ធនាគារ។

យោងតាមសារព័ត៌មាន Bangkok Post ចេញផ្សាយនៅថ្ងៃទី១៩ ខែកក្កដា ឆ្នាំ២០២១ បានឱ្យដឹងថា ចាប់តាំងពីថ្ងៃទី ១ ខែមេសានៅពេលរលកទី ៣ នៃជំងឺ Covid-19 បានចាប់ផ្តើម គឺមានអ្នកជម្ងឺ Covid-19 ចំនួន ៣៨៦ ៣០៧ នាក់ ក្នុងនោះ មានអ្នកជំងឺ ២៦២ ២២៥ នាក់ បានជាសះស្បើយវិញ។

ចាប់តាំងពីជំងឺរាតត្បាត បានចាប់ផ្តើមនៅដើមឆ្នាំមុន មានករណីជំងឺ Cov-១៩ ចំនួន ៤១៥ ១៧០ ករណី ត្រូវបានរកឃើញ ហើយក្នុងនោះ ២៨៩.៦៥១ នាក់ បានជាសះស្បើយ។ ក្នុងរលកទីបី ចំនួនអ្នកស្លាប់មានដល់ ៣.៣២៨ នាក់ ហើយចាប់តាំងពីដើមឆ្នាំ រាតត្បាតកាលពីដើមឆ្នាំមុន មានមនុស្ស ៣.៤២២ នាក់ បានស្លាប់ដោយសារតែជំងឺនេះ ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top