ព័ត៌មានអន្តរជាតិ

តួលេខឆ្លងជំងឺកូវីដ-១៩ នៅអាមេរិក ត្រឹមបំណាច់ឆ្នាំ២០២០ ទំនងជាអាចមាន រហូតដល់ជាង ១០០លានករណី

វ៉ាស៊ីនតោន៖ ចំនួនពិតប្រាកដ នៃករណីឆ្លងជំងឺកូវីដ-១៩ របស់អាមេរិក នៅចុងឆ្នាំ២០២០ ទំនងជាអាចមានច្រើនជាង ១០០ លានករណី នេះបើយោងតាមការស្រាវជ្រាវថ្មីមួយ របស់អ្នកស្រាវជ្រាវ នៅសាកលវិទ្យាល័យកូឡុំបៀ។

នាយកវិទ្យាស្ថានសុខភាពលោក ហ្វ្រង់ស័រ ខូលីនស៍ នៅក្នុងការបង្ហោះប្លក់ អំពីការសិក្សាដែលបោះពុម្ពផ្សាយ ដោយទស្សនាវដ្តីវិទ្យាសាស្ត្រធម្មជាតិបានឲ្យដឹងថា “ នៅចុងឆ្នាំមុនអ្នកប្រហែល ជានឹកឃើញដល់ របាយការណ៍រាយការណ៍ថា ចំនួនករណីឆ្លងជំងឺកូវីដ-១៩ នៅសហរដ្ឋអាមេរិក បានកើនឡើងដល់ ២០ លាននាក់ ប៉ុន្ដែកាពិត គឺមិនដូចនោះទេ។

នៅក្នុងការស្រាវជ្រាវ អ្នកស្រាវជ្រាវនៅសាកលវិទ្យាល័យ កូឡុំបៀ បានប៉ាន់ប្រមាណភាគរយ នៃមនុស្ស ដែលបានឆ្លងមេរោគកូវីដ-១៩ នៅក្នុងសហគមន៍ទូទាំងប្រទេស រហូតដល់ខែធ្នូ ឆ្នាំ ២០២០ ។

ពួកគេបានចាប់ផ្តើម ជាមួយនឹងទិន្នន័យជាតិ ដែលមានស្រាប់ ស្តីពីចំនួនករណីឆ្លងវីរុសកូរ៉ូណា ដែលបានរកឃើញ និងមិនបានរកឃើញ នៅក្នុងតំបន់ចំនួន ៣,១៤២ របស់សហរដ្ឋអាមេរិក និងតំបន់ទីក្រុងធំៗ ។

បន្ទាប់មកពួកគេបានប្រមូលទិន្នន័យ ពីមជ្ឈមណ្ឌលត្រួតពិនិត្យ និងបង្ការជំងឺ (CDC) លើចំនួនមនុស្ស ដែលបានធ្វើតេស្តវិជ្ជមាន ចំពោះអង្គបដិបក្ខប្រឆាំងនឹងវីរុស SARS-CoV-2 ។ ទិន្នន័យសទាំងនេះមានប្រយោជន៍ សម្រាប់ការរកមើល ការឆ្លងមេរោគកន្លងមក រួមទាំងទិន្នន័យ ដែលមិនបានការពារ។

ពីទិន្នន័យទាំងនេះអ្នកស្រាវជ្រាវ បានគណនាថាមានតែប្រហែល ១១ ភាគរយ នៃករណីជំងឺកូវីដ-១៩ ទាំងអស់ត្រូវបានបញ្ជាក់ ដោយលទ្ធផលតេស្តវិជ្ជមាន នៅខែមីនា ឆ្នាំ២០២០ ។ អត្រាឬចំនួននៃការឆ្លង ដែលត្រូវបានគេដឹង និងមិនស្គាល់បានកើនឡើង ជាមធ្យមប្រហែល ២៥ ភាគរយ​ ។

លោក ខូលីន បានលើកឡើងថា“ ករណីជាច្រើនមិនបានរកឃើញ​ ដោយសារតែការធ្វើតេស្ត មានកំណត់នៅដើមឆ្នាំ និងការឆ្លងមួយចំនួនធំ ដែលបង្កើតរោគសញ្ញាស្រាល ឬគ្មានរោគសញ្ញា” ។

លោក ខូលីនស៍ បានបន្ដថា ចំនួនដែលត្រូវបានកែសម្រួល ដែលមានចំនួនជិតមួយភាគបី នៃប្រជាជនអាមេរិកចំនួន ៣២៨ លាននាក់បង្ហាញថា“ តើវីរុសកូរ៉ូណាប្រភេទថ្មីនេះ រីករាលដាលយ៉ាងដូចម្តេច នៅទូទាំងប្រទេសកាលពីឆ្នាំមុន”៕ ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top