ព័ត៌មានអន្តរជាតិ

ម្សិលមិញ ប្រទេសថៃ មានអ្នកជាពីជំងឺកូវីដ១៩ ចំនួន ១៥ ៧៤២ នាក់

បរទេស ៖ ក្រសួងសុខាភិបាលថៃ បានប្រកាសនៅព្រឹក ថ្ងៃអាទិត្យនេះថា ប្រទេសថៃ បានរកឃើញករណីថ្មី នៃជំងឺកូវីដ ១៩ ចំនួន ១៤ ០២៩ ករណី និងមានអ្នកស្លាប់ចំនួន ១៨១ នាក់បន្ថែមទៀត ក្នុងរយៈពេល ២៤ ម៉ោងមុននេះ ។

យោងតាមសារព័ត៌មាន Bangkok Post ចេញផ្សាយនៅថ្ងៃទី១២ ខែកញ្ញា ឆ្នាំ២០២១ បានឱ្យដឹងថា ក្នុងចំណោមករណីឆ្លងវីរុស ដែលបានរកឃើញថ្មីទាំងនោះ គឺមានករណីចំនួន ១៣ ៧៥៣ រកឃើញនៅក្នុងចំណោម ប្រជាជនទូទៅ និង ២៧៦ ករណី ក្នុងចំណោមអ្នកទោស ក្នុងពន្ធនាគារ ។

កាលពីថ្ងៃសៅរ៍ ថៃ ក៏មានអ្នកជំងឺកូវីដ ១៩ ចំនួន ១៥ ៧៤២ នាក់ ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីជាសះស្បើយពីជំងឺកូរ៉ូណា។

ចាប់តាំងពីជំងឺរាតត្បាតបានចាប់ផ្តើមកាលពីដើមឆ្នាំមុន មានករណីឆ្លងជំងឺកូវីដ ១៩ ចំនួន ១ ៣៨២ ១៧៣ ករណី ដោយមានអ្នកជាសះស្បើយសរុបចំនួន ១ ២៣២ ០៧៣ នាក់។

ចំនួនអ្នកស្លាប់មានចំនួន ១៤ ២៥៩ នាក់ ក្នុងកំឡុងពេលរលកទី ៣ និង ១៤ ៣៥៣ នាក់ចាប់តាំងពីការផ្ទុះឡើងនៃជំងឺរាតត្បាត៕
ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top