ព័ត៌មានអន្តរជាតិ

វេណេស៊ុយអេឡា រិះគន់ទណ្ឌកម្ម របស់អាមេរិក រារាំងដល់កិច្ច សហប្រតិបត្ដិការ បច្ចេកទេស ជាមួយ IAEA

ការ៉ាកាស ៖ រដ្ឋាភិបាលវ៉េណេស៊ុយអេឡា បានឲ្យដឹងថា ទណ្ឌកម្ម របស់សហរដ្ឋអាមេរិក ប្រឆាំងនឹងវ៉េណេស៊ុយអេឡា កំពុងរារាំងកម្មវិធីកិច្ច សហប្រតិបត្តិការបច្ចេកទេស របស់ខ្លួនជាមួយទីភ្នាក់ងារ ថាមពលអាតូមិក អន្តរជាតិ (IAEA) ។

លោកស្រី Tania Masea អនុរដ្ឋមន្រ្តី នៃប្រភពថ្មី និង ការប្រើប្រាស់ ថាមពលអគ្គិសនី ដោយសមហេតុផល បានសម្តែងការត្អូញត្អែរនេះ នៅក្នុងសន្និសីទទូទៅ របស់ IAEA លើកទី ៦៥ តាមរយៈសន្និសីទ ទូរសព្ទ។

លោកស្រីបានលើកឡើងថា ទណ្ឌកម្មអាមេរិក ដែលខុសច្បាប់បានដាក់លើប្រទេស អាមេរិកខាងត្បូងមួយនេះ បានដាក់កំហិត លើការទិញការដំឡើង និងការថែរក្សាឧបករណ៍ ឬការផ្គត់ផ្គង់នៅក្នុងកម្មវិធីកិច្ច សហប្រតិបត្តិការបច្ចេកទេស ជាមួយអង្គការអន្តរជាតិ ។

លោកស្រីបានបន្ថែមថា ជំនួយបច្ចេកទេស IAEA“ មានសារៈសំខាន់ក្នុងការរួមចំណែក ដល់ការអភិវឌ្ឍន៍ និងវិបុលភាព” ហើយមិនគួរស្ថិតនៅក្រោមការ រឹតត្បិតប្រភេទណាមួយឡើយ ។

ផ្ទាំងពាណិជ្ជកម្ម

លោកស្រីបានបន្ដថា“ គ្មានប្រទេសណាមួយគួរជ្រៀតជ្រែក ក្នុងដំណើរការធម្មតា នៃកម្មវិធីកិច្ចសហប្រតិបត្តិការ បច្ចេកទេសរបស់ប្រទេស ណាមួយឡើយ” ។

លោកស្រីបានបន្ថែមថា ប្រទេសវ៉េណេស៊ុយអេឡា បានចុះបញ្ជីពាក្យបណ្តឹង ជាមួយស្ថាប័ន អន្តរជាតិ ផ្សេងៗគ្នាអំពី“ ការដាក់ចេញនូវវិធានការ បង្ខិតបង្ខំដោយឯកតោភាគី ខុសច្បាប់ និងអសីលធម៌ ដោយប្រទេស មួយ ដែលឆ្លៀតយក អំណាចសេដ្ឋកិច្ចរបស់ខ្លួន ដើម្បីដាក់វិធានការលើប្រទេសដទៃ ទៀត ដែលរំលោភលើធម្មនុញ្ញ អង្គការសហប្រជាជាតិ” ៕

ដោយ ឈូក បូរ៉ា

To Top
×