ព័ត៌មានអន្តរជាតិ

លោក បៃដិន ប្រាប់ទៅលោក ស៊ី ជីនពីង ថាត្រូវតែជៀសវាង ជម្លោះរវាងអាមេរិក-ចិន

តូក្យូ៖ ប្រធានាធិបតីអាមេរិក លោក ចូ បៃដិន បានប្រាប់សមភាគីចិន លោក ស៊ី ជីនពីង ថា ប្រទេសដែលមាន សេដ្ឋកិច្ចធំជាងគេទាំង២ របស់ពិភពលោក ចាំបាច់ត្រូវធានាថា ការប្រកួតប្រជែង កាន់តែខ្លាំងរបស់ពួកគេ នឹងមិននាំឱ្យមានជម្លោះ ខណៈដែលលោក ស៊ី បានអំពាវនាវឱ្យមានការ គោរពគ្នាទៅវិញទៅមក និងការរួមរស់ដោយសន្តិភាព។

កិច្ចប្រជុំនិម្មិតដែលជាជំនួបកំពូល ទ្វេភាគីលើកដំបូងរវាងមេដឹកនាំ ចាប់តាំងពីលោក បៃដិន ចូលកាន់តំណែងក្នុងខែមករា កំពុងត្រូវបានឃ្លាំមើលយ៉ាងដិតដល់ ដើម្បីមើលថាតើវាអាចនាំ ទៅរកការបន្ថយភាពតានតឹង ចំពេលមានជម្លោះលើបញ្ហា ជាច្រើនចាប់ពីពាណិជ្ជកម្ម រហូតដល់សិទ្ធិមនុស្ស និងតៃវ៉ាន់។

លោក បៃដិន បានឲ្យដឹងនៅដើមដំបូងនៃកិច្ចពិភាក្សាថា “វាហាក់បីដូចជាខ្ញុំ ទំនួលខុសត្រូវរបស់យើងក្នុងនាម ជាមេដឹកនាំនៃប្រទេសចិន និងសហរដ្ឋអាមេរិក គឺដើម្បីធានាថា ការប្រកួតប្រជែង រវាងប្រទេសរបស់យើង មិនក្លាយជាជម្លោះ ទោះបីជាចេតនា ឬអចេតនាក៏ដោយ” ។

លោក ស៊ី បានលើកឡើងថា ប្រទេសចិន នឹងចាត់វិធានការវិជ្ជមាន ដើម្បីជំរុញទំនាក់ទំនងទ្វេភាគី ហើយថាប្រទេសទាំងពីរ គួរតែបង្កើតទំនាក់ទំនងល្អ និងស្ថិរភាព នេះបើយោងតាមទីភ្នាក់ងារ សារព័ត៌មានរដ្ឋចិនស៊ីនហួ។

ដោយលោក ស៊ី ជីនពីង មិនបានចាកចេញពីប្រទេសចិន ទាល់តែសោះ ក្នុងអំឡុងពេលជំងឺរាតត្បាតឆ្លងរាលដាល កិច្ចប្រជុំតាមអ៊ីនធឺណិតនាំមេដឹកនាំទាំងពីរ “ជិតស្និទ្ធនឹងមុខដូចដែល បច្ចេកវិទ្យាអនុញ្ញាតឱ្យ មើលគ្នាទៅវិញទៅមក” និងផ្តល់ឱកាសមួយ ដើម្បី “ចំណាយពេលវេលាយ៉ាងច្រើន ដើម្បីបន្ត នេះបើតាមលោក Jake Sullivan ទីប្រឹក្សាសន្តិសុខជាតិរបស់លោក បៃដិន។

ផ្ទាំងពាណិជ្ជកម្ម

មន្ត្រីរដ្ឋបាលជាន់ខ្ពស់លោក បៃដិន បានឲ្យដឹងក្នុងអំឡុងសន្និសីទខ្លីមួយ នៅមុនកិច្ចប្រជុំកំពូលថា កិច្ចប្រជុំនេះត្រូវបានគេរំពឹងថា នឹងដំណើរការជាច្រើនម៉ោង ហើយមេដឹកនាំនឹងពិភាក្សាអំពី វិធីក្នុងការគ្រប់គ្រងទំនាក់ទំនង ដូចជាដោយរក្សាបណ្តាញ ទំនាក់ទំនងបើកចំហ និងសាងសង់ “ផ្លូវការពារសមធម៌” ដើម្បីជៀសវាង ការណាមួយការយល់ច្រឡំ និងការគណនាខុស។

ប្រទេសទាំងពីរបាន ប៉ះទង្គិចគ្នាជុំវិញបញ្ហាជាច្រើន រួមទាំងការរំលោភ សិទ្ធិមនុស្សរបស់ទីក្រុងប៉េកាំង ប្រឆាំងនឹងជនជាតិភាគតិចអ៊ុយហ្គ័រ នៅក្នុងតំបន់ស៊ីនជាំង ភាគខាងលិចឆ្ងាយរបស់ខ្លួន ការបង្ក្រាបលទ្ធិប្រជាធិបតេយ្យហុងកុង និងស្ថានភាពនៅសមុទ្រខាងកើត និងខាងត្បូង ដែលប្រទេសចិនមានការ អះអាងកាន់តែខ្លាំងឡើង។

លោក បៃដិន បានលើកឡើងថា “សហរដ្ឋអាមេរិក តែងតែក្រោកឈរឡើង ដើម្បីផលប្រយោជន៍ និងតម្លៃរបស់យើង និងសម្ព័ន្ធមិត្ត និងដៃគូរបស់យើង” ហើយបានកត់សម្គាល់ថា ការពិភាក្សាជាមួយលោក ស៊ី នឹងរួមបញ្ចូល “ការព្រួយបារម្ភពីសិទ្ធិមនុស្សដល់សេដ្ឋកិច្ច ដើម្បីធានាឱ្យមានសេរីភាព និងបើកចំហរបស់ឥណ្ឌូ- ប៉ាស៊ីហ្វិក” ៕

ដោយ ឈូក បូរ៉ា

To Top
×