ព័ត៌មានអន្តរជាតិ

លោក បៃដិន ចុះហត្ថលេខាលើច្បាប់ ផ្តល់មូលនិធិ រយៈពេលខ្លី ដើម្បីបញ្ចៀសការ បិទរដ្ឋាភិបាល

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក ចូ បៃដិន បានចុះហត្ថលេខាលើច្បាប់ ផ្តល់មូលនិធិ រយៈពេលខ្លី ដែលនឹងធ្វើឱ្យរដ្ឋាភិបាល សហព័ន្ធដំណើរការ រហូតដល់ថ្ងៃទី១៨ ខែកុម្ភៈ ឆ្នាំ២០២២ ជៀសវាងការបិទមួយផ្នែក ដែលកំពុងលេចចេញ របស់រដ្ឋាភិបាលសហព័ន្ធ។

លោក បៃដិន បានឲ្យដឹងនៅឯសេតវិមានថា “ការផ្តល់មូលនិធិដល់រដ្ឋាភិបាល មិនមែនជាសមិទ្ធផល ដ៏អស្ចារ្យនោះទេ។ វាជាអប្បបរមាទទេ នៃអ្វីដែលយើងត្រូវធ្វើ” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។

លោក បានលើកឡើង ថា “ប៉ុន្តែនៅក្នុងពេលវេលាទាំងនេះ កិច្ចសហប្រតិបត្តិការទ្វេភាគី គឺមានតម្លៃ ក្នុងការទទួលស្គាល់” ដោយជំរុញឱ្យសភា ប្រើប្រាស់ពេលវេលា ដែលច្បាប់នេះផ្តល់ជូន ដើម្បីធ្វើការឆ្ពោះទៅរកកិច្ចព្រមព្រៀង ទ្វេភាគីលើច្បាប់ផ្តល់មូលនិធិពេញមួយឆ្នាំ។

ផ្ទាំងពាណិជ្ជកម្ម

សភាទាំងពីរកាលពីថ្ងៃព្រហស្បតិ៍បានអនុម័តច្បាប់នេះ ដើម្បីរក្សារដ្ឋាភិបាល សហព័ន្ធឱ្យបើកចំហ រហូតដល់ពាក់កណ្តាលខែកុម្ភៈ មួយថ្ងៃមុនពេលការផ្តល់មូលនិធិ របស់រដ្ឋាភិបាលមុនត្រូវបាន កំណត់ឱ្យផុតកំណត់ ។

ក្នុងរយៈពេលប៉ុន្មានឆ្នាំចុងក្រោយនេះ សមាជិកសភាបាននឹងកំពុងតស៊ូឥតឈប់ឈ រដើម្បីឈានដល់ការព្រមព្រៀង លើការចំណាយរបស់រដ្ឋាភិបាល ហើយវាស្ទើរតែជាទម្លាប់មួយ ដើម្បីឆ្លងកាត់ប្រភេទ នៃវិធានការឈប់សម្រាកមួយចំនួន ក្នុងអំឡុងពេលរដូវវិស្សមកាល។ នៅក្នុងខែកញ្ញា សភាសហរដ្ឋអាមេរិក បានអនុម័តវិធានការ បញ្ឈប់ការផ្តល់មូលនិធិ ដល់រដ្ឋាភិបាលរហូតដល់ថ្ងៃទី០៣ ខែធ្នូ ។

លោក Maya MacGuineas ប្រធានគណៈកម្មាធិការសម្រាប់ថវិកា សហព័ន្ធ ដែលទទួលខុសត្រូវរឿងនេះ បានលើកឡើងថា “នេះគឺជាឆ្នាំទី២៥ ជាប់ៗគ្នា ដែលសភាមិនទាន់ បានអនុម័តច្បាប់ សមស្របតាមពេលវេលា ។ វាពិតជាមិនអាចទទួលយកបាន នោះទេ ដែលមេដឹកនាំរបស់យើង មិនអាចបំពេញមុខងារ ជាមូលដ្ឋានរបស់រដ្ឋាភិបាលនេះ”៕
ដោយ ឈូក បូរ៉ា

To Top
×