ព័ត៌មានអន្តរជាតិ

មេដឹកនាំកំពូលអាមេរិក-អ៊ុយក្រែន កំពុងប្រឹងប្រែងផ្នែកការទូត ដើម្បីដោះស្រាយភាពតានតឹងជាមួយរុស្ស៊ី

គៀវ៖ ប្រធានាធិបតីអ៊ុយក្រែន លោក Volodymyr Zelensky និងប្រធានាធិបតីសហរដ្ឋអាមេរិកលោក ចូ បៃដិន បានជួបសន្ទនាគ្នាតាមទូរស័ព្ទ ដោយបានពិភាក្សាអំពីបញ្ហាសន្តិសុខក្នុងតំបន់ នេះបើយោងតាមគណនី Twitter ផ្លូវការរបស់លោក Zelensky ។

លោក Zelensky បានលើកឡើងថា លោកកោតសរសើរចំពោះការគាំទ្ររបស់សហរដ្ឋអាមេរិកសម្រាប់អ៊ុយក្រែន ដោយកត់សម្គាល់ថា ការសន្ទនាតាមទូរស័ព្ទជាមួយលោក បៃដិន បានបង្ហាញពី “លក្ខណៈពិសេស” នៃទំនាក់ទំនងរវាងទីក្រុងគៀវ និងទីក្រុងវ៉ាស៊ីនតោន។

ទីភ្នាក់ងារសារព័ត៌មាន Ukrinform ដែលគ្រប់គ្រងដោយរដ្ឋាភិបាលអ៊ុយក្រែន ដែលដកស្រង់សម្តីរបស់សេតវិមាន បានឲ្យដឹងក្នុងអំឡុងពេលហៅទូរស័ព្ទរបស់មេដឹកនាំទាំងពីរ ដោយក្នុងនោះទាំងលោក Zelensky និងលោក បៃដិន បានសម្តែងការគាំទ្រចំពោះកិច្ចខិតខំប្រឹងប្រែងការទូត ដើម្បីដោះស្រាយភាពតានតឹងជាមួយរុស្ស៊ី ដោយចាប់ផ្តើមពីរុស្ស៊ី-អាមេរិក ហើយកិច្ចសន្ទនា ស្ថិរភាព យុទ្ធសាស្ត្រ ទ្វេភាគី គ្រោង នឹងធ្វើ នៅ ខែមករា ឆ្នាំ ២០២២។

ផ្ទាំងពាណិជ្ជកម្ម

អន្តរកម្មតាមទូរស័ព្ទរវាងលោក Zelensky និងលោក បៃដិន ដែលជាលើកទីពីរ ដែលមេដឹកនាំទាំងពីរបានធ្វើឡើងក្នុងរយៈពេលតិចជាងមួយខែក៏បានប៉ះពាល់ដល់ការបន្ថយភាពតានតឹងនៅក្នុងតំបន់ដុនបាស ភាគខាងកើតរបស់ប្រទេសអ៊ុយក្រែន តាមរយៈកិច្ចព្រមព្រៀង Minsk និងទម្រង់ Normandy៕

ដោយ ឈូក បូរ៉ា

To Top