ព័ត៌មានអន្តរជាតិ

កាណាដា ប្រកាសដាក់ប្រទេស ក្នុងភាពអាសន្ន ខណៈការតវ៉ាឈានចូលដល់ថ្ងៃទី៩

អូតាវ៉ា ៖ អភិបាលក្រុងអូតាវ៉ា លោក Jim Watson បានប្រកាសដាក់រដ្ឋក្នុងភាពអាសន្ន ដើម្បីដោះស្រាយ ការតវ៉ារយៈពេល ៩ថ្ងៃ ដែលបានរំខានដល់ស្នូល នៃរដ្ឋធានីរបស់ប្រទេសកាណាដា នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។

សេចក្តីប្រកាសនេះ “ឆ្លុះបញ្ចាំងពីគ្រោះថ្នាក់ និងការគំរាមកំហែងយ៉ាងធ្ងន់ធ្ងរដល់សុវត្ថិភាព និងសន្តិសុខរបស់អ្នកស្រុក ដែលបង្កឡើងដោយបាតុកម្ម ដែលកំពុងបន្ត ហើយបង្ហាញពីតម្រូវការ សម្រាប់ការគាំទ្រពីយុត្តាធិការ និងកម្រិតរដ្ឋាភិបាលផ្សេងទៀត”។

លោក Peter Sloly ដែលជាប្រធានសេវាប៉ូលីសប្រចាំទូក្រុងអូតាវ៉ា បានប្រាប់កិច្ចប្រជុំពិសេសនៃក្រុមប្រឹក្សាប៉ូលីសឲ្យដឹងថា កម្លាំងរបស់លោកមិនមាន “ធនធានគ្រប់គ្រាន់ ដើម្បីដោះស្រាយស្ថានភាពនេះ ឱ្យបានគ្រប់គ្រាន់ និងប្រកបដោយប្រសិទ្ធភាពនោះទេ ខណៈដែលមានតម្រូវការផ្តល់ប៉ូលីស ឱ្យបានគ្រប់គ្រាន់ និងមានប្រសិទ្ធភាពនៅក្នុងទីក្រុងនេះ” ។

លោក Watson បានលើកឡើងថា បាតុកររាប់ពាន់នាក់ “កំពុងហៅការបាញ់ប្រហារ” ហើយបានធ្វើឱ្យស្ថានភាព – ដែលជាកន្លែង ដែលរថយន្តដឹកទំនិញបានស្ទះផ្លូវលំនៅដ្ឋាន និងបានចុចស៊ីផ្លេរបស់ពួកគេនៅពេលយប់ និងមិនអាចគ្រប់គ្រងបាននោះទេ។

អភិបាលក្រុងបានប្រាប់ស្ថានីយវិទ្យុអូតាវ៉ា ឲ្យដឹងថា “ពួកគេមានមនុស្សច្រើនជាង យើងមានមន្ត្រីប៉ូលីស ហើយខ្ញុំបានប្រាប់ប្រធានថា យើងត្រូវមានភាពរហ័សរហួន និងសកម្មជាងមុន នៅពេលនិយាយអំពីសកម្មភាពទាំងនេះ”៕
ដោយ ឈូក បូរ៉ា

To Top