ម៉ូស្គូ៖ ក្រសួងការបរទេសរុស្ស៊ីបានឲ្យដឹងថា កិច្ចប្រជុំកំពូលវិសាមញ្ញនៃអង្គការសន្ធិសញ្ញាអាត្លង់ទិកខាងជើង (NATO) ដែលបានធ្វើឡើងកាលពីថ្ងៃព្រហស្បតិ៍ បានបញ្ជាក់ពីបំណងប្រាថ្នារបស់សម្ព័ន្ធមិត្តក្នុងការទប់ស្កាត់រុស្ស៊ី និងអូសបន្លាយជម្លោះយោធានៅក្នុងប្រទេសអ៊ុយក្រែន។
អ្នកនាំពាក្យក្រសួងលោកស្រី Maria Zakharova បានឲ្យដឹងនៅក្នុងសេចក្តីថ្លែងការណ៍មួយថា “ការសម្រេចចិត្ត ដែលបានប្រកាសនៅក្នុងកិច្ចប្រជុំកំពូល ដើម្បីបន្តផ្តល់ការគាំទ្រផ្នែកនយោបាយ និងជាក់ស្តែងដល់របបទីក្រុងគៀវ បញ្ជាក់ពីចំណាប់អារម្មណ៍របស់សម្ព័ន្ធភាពក្នុងការបន្តអរិភាព” ។
លោកស្រីបានបន្ដថា សមាជិកណាតូបានបង្ហាញពីភាពស្មោះត្រង់របស់ពួកគេ ចំពោះទីក្រុងវ៉ាស៊ីនតោន ដោយប្តេជ្ញាធ្វើតាមបញ្ជារបស់ខ្លួនដែលមានគោលបំណងទប់ទល់នឹងប្រទេសរុស្ស៊ីនៅទីបំផុត ដោយលោកស្រីបានបន្ថែមថា ទីក្រុងវ៉ាស៊ីនតោនបាន “ដាក់វិន័យ” ម្តងទៀតចំពោះសម្ព័ន្ធមិត្តរបស់ខ្លួន ដោយដាក់សម្ពាធលើប្រទេសដែលមានអធិបតេយ្យភាព និងការលុបបំបាត់ស្វ័យភាពជាយុទ្ធសាស្ត្ររបស់អឺរ៉ុប។
លោកស្រី Zakharova បានបន្ថែមថា “ពួកគេបានមើលដោយស្ងៀមស្ងាត់ចំពោះសហរដ្ឋអាមេរិក ដែលបំផ្លាញសន្ធិសញ្ញាប្រឆាំងមីស៊ីលបាលីស្ទិក នៅពេលដែលក្រុងវ៉ាស៊ីនតោនដកខ្លួនចេញពីសន្ធិសញ្ញាកងកម្លាំងនុយក្លេអ៊ែរកម្រិតមធ្យម អនុញ្ញាតឱ្យជនជាតិអាមេរិកដកខ្លួនចេញពីសន្ធិសញ្ញា ស្តីពីលំហអាកាសបើកចំហ” លោកស្រី Zakharova បានលើកឡើងដោយសង្កត់ធ្ងន់ថា សមាជិកណាតូមាន កំពុងបំផ្លាញប្រព័ន្ធសន្តិសុខអឺរ៉ុបបន្តិចម្តងៗ។
អង្គការណាតូកំពុងប្រើប្រាស់ “វគ្គសិក្សាប្រឆាំងរុស្ស៊ី” របស់ខ្លួនជាលេស ដើម្បីបង្កើនការទិញអាវុធ ដែលត្រូវបានផ្គត់ផ្គង់ដោយសហរដ្ឋអាមេរិក៕ប្រែសម្រួល ឈូក បូរ៉ា
