គៀវ៖ មន្ត្រីអ៊ុយក្រែនបានឲ្យដឹងថា ជម្លោះរវាងរុស្ស៊ី និងអ៊ុយក្រែន ដែលជាអ្នកនាំចេញគ្រឿងឧបភោគបរិភោគ សំខាន់ៗរបស់ពិភពលោក ដូចជាស្រូវសាលី នឹងប៉ះពាល់ ២៥ ភាគរយនៃទីផ្សារគ្រាប់ធញ្ញជាតិពិភពលោក។
លោក Taras Kachka អនុរដ្ឋមន្ត្រីក្រសួងអភិវឌ្ឍន៍សេដ្ឋកិច្ច ពាណិជ្ជកម្ម និងកសិកម្មនៃប្រទេសអ៊ុយក្រែន បានលើកឡើងថា ជម្លោះនេះនឹងនាំឱ្យ មានការកាត់បន្ថយការផ្គត់ផ្គង់គ្រាប់ធញ្ញជាតិ ការកើនឡើងតម្លៃម្ហូបអាហារ និងការទទួលបានអាហារកាន់តែអាក្រក់ ជាពិសេសស្រូវសាលី នៅក្នុងប្រទេសនាំចូល។
![](https://dap-news.com/wp-content/uploads/2022/04/1A05D4B8-FC42-497F-A838-449593B96FC8.jpeg)
លោក Kachka បន្ថែមថា កំពង់ផែសមុទ្រអ៊ុយក្រែន ដែលជាផ្លូវសំខាន់ សម្រាប់ការនាំចេញគ្រាប់ធញ្ញជាតិត្រូវបានបិទ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
យោងតាមទីភ្នាក់ងារសារព័ត៌មានរដ្ឋ Ukrinform បានឱ្យដឹងថា នៅឆ្នាំ២០២១ អ៊ុយក្រែនបានប្រមូលផលដំណាំធញ្ញជាតិ គ្រាប់ធញ្ញជាតិ និងគ្រាប់ប្រេងច្រើនជាងគេបំផុត សរុបជាង ១០៦ លានតោន។
នៅក្នុងឆមាសទីមួយនៃឆ្នាំទីផ្សារបច្ចុប្បន្ន ដែលមានរយៈពេលពីខែកក្កដា ឆ្នាំ២០២១ ដល់ខែមិថុនា ឆ្នាំ២០២២ អ៊ុយក្រែនបាននាំចេញប្រហែល ១០ ពាន់លានដុល្លារអាមេរិក៕
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)