គៀវ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៧ ខែឧសភា ឆ្នាំ២០២២ថា កងទ័ពបានកាន់កាប់ នៅក្នុងបន្ទាយដ៏រឹងមាំចុងក្រោយ របស់អ៊ុយក្រែន នៅក្នុងកំពង់ផែ Mariupol ដែលឡោមព័ទ្ធដោយបានចាប់ផ្តើម ជម្លៀសកាលពីថ្ងៃច័ន្ទ ដែលហាក់បីដូចជាបាន ប្រគល់ការគ្រប់គ្រងទីក្រុង ដែលធ្លាប់រុងរឿង ទៅឱ្យប្រទេសរុស្ស៊ី បន្ទាប់ពីការទម្លាក់គ្រាប់បែកជាច្រើនខែ ។
អនុរដ្ឋមន្ត្រីការពារជាតិអ៊ុយក្រែន បានឲ្យដឹងថា ទាហានចំនួន៥៣នាក់ ដែលរងរបួសពីរោងចក្រដែក Azovstal ត្រូវបានបញ្ជូនទៅមន្ទីរពេទ្យ ក្នុងទីក្រុង Novoazovsk ដែលគ្រប់គ្រងដោយរុស្ស៊ី ចម្ងាយប្រហែល៣២គីឡូម៉ែត្រ ពីភាគខាងកើត ។
អនុរដ្ឋមន្ត្រីការពារជាតិ Hanna Malyar បានលើកឡើងថា មនុស្សចំនួន២១១នាក់ផ្សេងទៀត ត្រូវបានគេនាំទៅកាន់ទីក្រុង Olenivka ក្នុងតំបន់ដែលគ្រប់គ្រង ដោយពួកបំបែកខ្លួន ដែលគាំទ្រដោយរុស្ស៊ី ។ លោកស្រីបានបន្ថែមថា អ្នកជម្លៀសទាំងអស់ នឹងត្រូវទទួលរងការផ្លាស់ប្តូរអ្នកទោស ដ៏មានសក្តានុពលជាមួយរុស្ស៊ី ។
ទីភ្នាក់ងារព័ត៌មាន Reuters បានឃើញរថយន្តក្រុង ចំនួន៥គ្រឿង ដែលដឹកកងទ័ពពី Azovstal មកដល់ Novoazovsk កាលពីល្ងាចថ្ងៃចន្ទ ។ ទាហានដែលជម្លៀសចេញមួយចំនួន បានរងរបួស និងដឹកចេញពីរថយន្តក្រុង តាមរទេះរុញ ។ ទាហានប្រហែល៦០០នាក់ត្រូវបានគេជឿថា បានស្ថិតនៅក្នុងរោងចក្រដែកនោះ ។
លោក Volodymyr Zelenskyy ប្រធានាធិបតីអ៊ុយក្រែន បានលើកឡើងនៅក្នុងសុន្ទរកថា កាលពីយប់មិញថា “យើងសង្ឃឹមថា យើងនឹងអាចជួយសង្គ្រោះ ជីវិតវីរបុរសរបស់យើងបាន” ។ “មានអ្នករបួសធ្ងន់ធ្ងរ ក្នុងចំណោមពួកគេ ។ ពួកគេកំពុងទទួលការថែទាំ ។ អ៊ុយក្រែនត្រូវការវីរបុរសអ៊ុយក្រែននៅរស់”។
យោធាអ៊ុយក្រែន បានឲ្យដឹងថា ខ្លួនបាន “បញ្ជាឱ្យមេបញ្ជាការ នៃអង្គភាពដែលឈរជើងនៅ Azovstal ដើម្បីជួយសង្គ្រោះជីវិតបុគ្គលិក” ហើយថែមទាំងឲ្យដឹងទៀតថា ទាហាននៅទីនោះបានបំពេញ បេសកកម្មប្រយុទ្ធរបស់ពួកគេ ។
យោធាដដែលបានបញ្ជាក់ទៀតថា កិច្ចខិតខំប្រឹងប្រែងដើម្បីជួយសង្គ្រោះទាហាន ដែលនៅតែស្ថិតនៅខាងក្នុងកំពុងដំណើរការ ។ មិនបានបញ្ជាក់ថា ចំនួនទាហាននៅសល់ប៉ុន្មានទៀតនោះទេ ៕ ប្រែសម្រួលដោយ៖ ម៉ៅ បុប្ផាមករា
