បរទេស៖ ឧបនាយករដ្ឋមន្ត្រីថៃ គឺលោក Prawit Wongsuwan បានក្លាយជានាយករដ្ឋមន្ត្រីចាំផ្ទះ បន្ទាប់ពីឧត្តមសេនីយ ប្រាយុទ្ធ ចាន់អូចា ត្រូវបានព្យួរពីតួនាទីដោយ តុលាការធម្មនុញ្ញនៅថ្ងៃពុធនេះ។
យោងតាមសារព័ត៌មាន The Nation របស់ថៃ ចេញផ្សាយនៅថ្ងៃទី២៤ ខែសីហា ឆ្នាំ២០២២ បានឱ្យដឹងថា ក្នុងនាមជាឧបនាយករដ្ឋមន្ត្រីទីមួយ លោក Prawit ក្លាយជានាយករដ្ឋមន្ត្រីចាំផ្ទះ ដោយស្វ័យប្រវត្តិ បន្ទាប់ពីលោក ប្រាយុទ្ធ ត្រូវបានព្យួរពីតំណែង។ នាយករដ្ឋមន្ត្រីទី២ គឺលោក Wissanu Krea-ngam។
សូមជម្រាបថា នៅមុននេះ តុលាការបានបោះឆ្នោត 5:4 ដើម្បីទទួលយកសម្រាប់ ការពិភាក្សាលើញត្តិរបស់គណបក្សប្រឆាំង ថាតើអាណត្តិរបស់លោក ប្រាយុទ្ធ ចាន់អូចា គួរតែផុតកំណត់នៅថ្ងៃពុធ។ តុលាការក៏បានទទួលយកសំណើ នៅក្នុងញត្តិដើម្បីព្យួរលោក ប្រាយុទ្ធ ពីកាតព្វកិច្ចដោយរង់ចាំការសម្រេចមួយ។
កាលពីថ្ងៃអង្គារ លោក Wissanu បាននិយាយថា លោក Prawit នឹងក្លាយជានាយករដ្ឋមន្ត្រីចាំផ្ទះ ហើយលោក ប្រាយុទ្ធ នឹងបន្តធ្វើការជារដ្ឋមន្ត្រីការពារជាតិ ប្រសិនបើតុលាការព្យួរ គាត់ពីតួនាទីនាយករដ្ឋមន្ត្រី ៕
ប្រែសម្រួលៈ ណៃ តុលា
