ព័ត៌មានអន្តរជាតិ

Update ៖ ប្រធានាធិបតីអ៊ុយក្រែន ចោទរុស្ស៊ីថា បានវាយប្រហារ មកលើតំបន់ក្បែររោង ចក្រនុយក្លេអ៊ែរ ដ៏ធំរបស់អឺរ៉ុប

MYKOLAIV៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី៣១ ខែសីហា ឆ្នាំ២០២២ថា កាលពីថ្ងៃអង្គារ លោក Volodymyr Zelenskyy ប្រធានាធិបតី អ៊ុយក្រែន បានចោទប្រកាន់រុស្ស៊ីថា បានវាយប្រហារតំបន់ក្បែរ រោងចក្រនុយក្លេអ៊ែរ ដ៏ធំបំផុតរបស់អឺរ៉ុប ដោយសារតែត្រូវ បានទៅទស្សនា ដោយអធិការអង្គការសហប្រជាជាតិ ខណៈដែលការប្រយុទ្ធគ្នាយ៉ាងខ្លាំងក្លា នៅភាគខាងត្បូងអ៊ុយក្រែន ។

ប្រធានទីភ្នាក់ងារ ថាមពលបរមាណូអន្តរជាតិ ហៅថា (IAEA) លោក Rafael Grossi បានមកដល់ទីក្រុង គៀវ កាលពីល្ងាច ថ្ងៃចន្ទ រួមជាមួយក្រុមខ្លាំង ចំនួន១៣នាក់ ហើយបានធ្វើដំណើរទៅកាន់រោងចក្រ Zaporizhzhia ដែលត្រូវបានកាន់កាប់ដោយទាហាន រុស្ស៊ីតាំងពីដើមខែមីនា ។

លោក Zelenskyy បានលើកឡើង នៅក្នុងសុន្ទរកថាប្រចាំថ្ងៃរបស់គាត់ទៅកាន់ប្រទេសជាតិថា “គួរឱ្យសោកស្ដាយ រុស្ស៊ីមិនបានបញ្ឈប់ការបង្កហេតុ របស់ខ្លួនយ៉ាងជាក់លាក់ក្នុងទិសដៅ ដែលបេសកកម្មត្រូវធ្វើដំណើរ ដើម្បីទៅដល់រោងចក្រនោះទេ”។

គាត់បានលើកឡើងថា “ខ្ញុំសង្ឃឹមថា ក្រុម IAEA នឹងអាចចាប់ផ្តើមការងាររបស់ខ្លួន” ដោយបន្ថែមថា ស្ថានភាពនៅក្នុងរោងចក្រនេះគឺ “គំរាមកំហែងយ៉ាងខ្លាំង” ។

“អ្នកកាន់កាប់មិន បានបោះបង់ចោល រោងចក្រនេះទេ ពួកគេកំពុងបន្តការទម្លាក់គ្រាប់បែក និងមិនដកអាវុធ និងគ្រាប់រំសេវ ចេញពីកន្លែងនោះទេ។ ពួកគេកំពុងបំភិតបំភ័យ បុគ្គលិក របស់យើង ។ ហានិភ័យនៃគ្រោះមហន្តរាយនុយក្លេអ៊ែរ ដោយសារតែសកម្មភាព របស់រុស្ស៊ីមិនថយ ចុះសូម្បីតែមួយម៉ោង” ៕

To Top