បរទេស៖ រដ្ឋមន្ត្រីការបរទេសស្តីទីរបស់ប្រទេសស្លូវ៉ាគី លោក Rastislav Kacer បានវាយបកទៅលើនាយករដ្ឋមន្ត្រីហុងគ្រី លោក Viktor Orban ដោយប្រើពាក្យប្រមាថក្នុងការពិពណ៌នាអំពីការស្ទាក់ស្ទើររបស់លោកក្នុងការចូលរួមក្នុងជម្លោះអ៊ុយក្រែន។ ការលើកឡើងនេះ ក៏បានធ្វើឲ្យមន្ត្រីហុងគ្រីមួយចំនួនបានណែនាំខ្លះៗឲ្យរដ្ឋមន្ត្រីគឺលោក Rastislav Kacer ទៅរកការព្យាបាលសុខភាពផ្លូវចិត្ត។
យោងតាមសារព័ត៌មាន RT ចេញផ្សាយនៅថ្ងៃទី២២ ខែកុម្ភៈ ឆ្នាំ២០២៣ បានឱ្យដឹងថាកាលពីថ្ងៃអង្គារ លោក Kacer បានផ្សាយការបង្ហោះដ៏វែងមួយនៅលើ Facebook ដោយរិះគន់សុន្ទរកថាថ្មីៗរបស់លោក Orban នាយករដ្ឋមន្រ្តីហុងគ្រី និងបានអះអាងថា លោកគឺជាអ្នកនយោបាយលោកខាងលិចតែមួយគត់ដែលបារម្ភថា “ការផ្គត់ផ្គង់អាវុធ និងការគាំទ្រអ៊ុយក្រែនធ្វើឲ្យសង្គ្រាមអូសបន្លាយ”។
កាលពីសប្តាហ៍មុន ក្នុងអំឡុងពេលសុន្ទរកថារដ្ឋប្រចាំឆ្នាំ នាយករដ្ឋមន្ត្រីហុងគ្រីបានអះអាងថា តាមរយៈការបញ្ជូនជំនួយយោធាទៅអ៊ុយក្រែន បណ្តាប្រទេសនៅអឺរ៉ុបកំពុង “រសាត់ចូលទៅក្នុងសង្រ្គាម” ជាមួយរុស្ស៊ី ហើយ។
លោករដ្ឋមន្ត្រីបRastislav Kacer បាននិយាយថា វាគ្រាន់តែជាជម្លោះយោធារវាងរដ្ឋស្លាវីពីរប៉ុណ្ណោះ” ដោយពណ៌នាការកត់សម្គាល់របស់លោក Orban ថាជា “គួរឱ្យអាណិត” និង “គួរឱ្យជិនឆ្អន់”៕
ដោយសង្កត់ធ្ងន់ថា ប្រទេសស្លូវ៉ាគីគឺជា “ផ្នែកនៃពិភពលោកអភិវឌ្ឍន៍” និងលោកខាងលិច, លោក Kacer បានអះអាងថា លោក “មិនចង់ឱ្យយើង “ធ្វើវាដូចលោក Orban” ហើយពិតជាមិននៅខាងប្រធានាធិបតីរុស្ស៊ីលោក Vladimir Putin នោះទេ៕
ប្រែសម្រួលៈ ណៃ តុលា
