ម៉ួស្គូ៖ រុស្ស៊ីបានឲ្យដឹងថា យន្តហោះដ្រូនបានវាយប្រហារទីក្រុងមូស្គូ នៅថ្ងៃអង្គារនេះ ប៉ុន្តែត្រូវបានអព្យាក្រឹត រុស្ស៊ី បានឲ្យដឹងនៅក្នុងអ្វីដែលអ្នកនយោបាយមួយហៅថា ការវាយប្រហារដ៏អាក្រក់បំផុតលើរដ្ឋធានីរបស់ខ្លួន ចាប់តាំងពីសង្គ្រាមលោកលើកទី២ ខណៈដែលទីក្រុងគៀវ ក៏ត្រូវបានវាយប្រហារពីលើអាកាសជាលើកទី៣ ក្នុងរយៈពេល ២៤ ម៉ោង។
ចាប់តាំងពីរុស្ស៊ីបានលុកលុយប្រទេសជិតខាងរបស់ខ្លួនកាលពីខែកុម្ភៈ ឆ្នាំមុន សង្រ្គាមបានវាយលុកយ៉ាងទូលំទូលាយនៅក្នុង ប្រទេសអ៊ុយក្រែន ទោះបីជាទីក្រុងម៉ូស្គូ បានរាយការណ៍អំពីការវាយប្រហារមួយចំនួនលើទឹកដីរបស់ខ្លួន និងបានស្តីបន្ទោសពួកគេលើអ៊ុយក្រែន រួមទាំងការប៉ុនប៉ងធ្វើឃាត ដែលត្រូវបានចោទប្រកាន់ប្រឆាំងនឹងប្រធានាធិបតីលោក វ្ល៉ាឌីមៀ ពូទីន។
អភិបាលក្រុងមូស្គូលោក Sergei Sobyanin បានឲ្យដឹងថា មនុស្សពីរនាក់បានរងរបួស ប៉ុន្តែមិនធ្ងន់ធ្ងរទេ ខណៈដែលអ្នកស្រុកមួយចំនួននៅក្នុងប្លុកផ្ទះល្វែងពីរ ដែលរងការខូចខាតស្រាលត្រូវបានជម្លៀសចេញក្នុងរយៈពេលខ្លី។
ក្រសួងការពារជាតិរុស្ស៊ីបានឲ្យដឹងថា យន្តហោះដ្រូនចំនួន ៨ គ្រឿងដែលត្រូវបានបញ្ជូនដោយទីក្រុងគៀវ ត្រូវបានបាញ់ទម្លាក់ ឬបង្វែរទិសដៅ ទោះបីជា Baza ដែលជាប៉ុស្តិ៍ Telegram ដែលមានតំណភ្ជាប់ទៅនឹងសេវាសន្តិសុខបានឲ្យដឹងថា មានមនុស្សជាង ២៥នាក់បានចូលរួម។
អ្នកស្រុកនៅភាគនិរតីនៃទីក្រុងមូស្គូ បានឲ្យដឹងថា ពួកគេបានឮសំឡេងផ្ទុះខ្លាំងៗ អមដោយក្លិនប្រេងសាំងនៅម៉ោងប្រហែល ៥ព្រឹកដល់ម៉ោង ៦ ព្រឹក ម៉ោងក្នុងស្រុក។ អ្នកខ្លះបានថតរូបយន្តហោះដ្រូនត្រូវបានគេបាញ់ទម្លាក់ ហើយមានផ្សែងហុយឡើងលើផ្ទៃមេឃក្រុងម៉ូស្គូ។
អ្នកនយោបាយ Maxim Ivanov បានហៅវាថា ជាការវាយលុកដ៏ធ្ងន់ធ្ងរបំផុតលើទីក្រុងមូស្គូ ចាប់តាំងពីពួកណាស៊ីស ដោយលើកឡើងថា គ្មានពលរដ្ឋណាអាចគេចផុតពី “ការពិតថ្មី” បាននោះទេ៕ ប្រែសម្រួល ឈូក បូរ៉ា
