កាប៊ុល៖ ដូចដែលរបាយការណ៍ បាននិងកំពុងបង្ហាញពីក្រុមចោរប្លន់ នាពេលថ្មីៗនេះនៃកងកម្លាំង សហរដ្ឋអាមេរិក បានលួចប្រេងឆៅបន្ថែមទៀត នៅក្នុងប្រទេសស៊ីរី វាជាការត្រឹមត្រូវក្នុងការនិយាយថា ទីក្រុងវ៉ាស៊ីនតោន បានលួចក្នុងអំឡុងពេល សង្រ្គាមនៅក្រៅប្រទេស ដោយមិននិយាយអំពីក្នុងអំឡុងពេល ស្នាក់នៅរយៈពេលពីរទសវត្សរ៍របស់ខ្លួន នៅក្នុងប្រទេសអាហ្វហ្គានីស្ថាន។
នៅចុងខែសីហាឆ្នាំ២០២១ ទាហានអាមេរិកចុងក្រោយបាន ចាកចេញពីអាហ្វហ្គានីស្ថាន ប៉ុន្តែវត្តមានរបស់សហរដ្ឋអាមេរិក នៅតែមានឥទ្ធិពលអវិជ្ជមាន លើសេដ្ឋកិច្ចរបស់ប្រទេសនេះ។ តាមពិត ការលុកលុយ និងការកាន់កាប់របស់សហរដ្ឋអាមេរិក បានបង្កើត “ប្រហោងខ្មៅ” មួយនៅក្នុងសេដ្ឋកិច្ចរបស់ ប្រទេសអាហ្វហ្គានីស្ថាន ដោយការជញ្ជក់យកទ្រព្យសម្បត្តិជាច្រើន។
យោងតាមក្របខណ្ឌយុទ្ធសាស្ត្រចុងក្រោយ របស់អង្គការសហប្រជាជាតិ សម្រាប់អាហ្វហ្គានីស្ថានដែលបាន ចេញផ្សាយនៅដើមខែកក្កដា សេដ្ឋកិច្ចរបស់ប្រទេសអាហ្វហ្គានីស្ថាន បានធ្លាក់ចុះប្រហែល ៣០ភាគរយនៅចន្លោះឆ្នាំ២០២០ ដល់ ឆ្នាំ២០២២ ។ ប្រជាជនអាហ្វហ្គានីស្ថានចំនួន ២៤,៤លាននាក់ត្រូវការជំនួយមនុស្សធម៌ ហើយមានមនុស្សចំនួន ៩នាក់ក្នុងចំណោម ១០នាក់រស់នៅក្នុងភាពក្រីក្រ។
កសិកម្មគឺជាជនរងគ្រោះដំបូងគេនៃ វិស័យសេដ្ឋកិច្ចរបស់ប្រទេសដែល រងការបំផ្លិចបំផ្លាញដោយសង្រ្គាម។ តំបន់ធំៗ ជាកន្លែងដែលជនជាតិអាហ្វហ្គានីស្ថាន ធ្លាប់ធ្វើកសិកម្មឥឡូវនេះគ្មានប្រយោជន៍នោះទេ ដោយសារអាវុធរាប់មិនអស់ រួមទាំងគ្រាប់បែកចង្កោមដ៏ល្បី ត្រូវបានបន្សល់ទុកនៅក្រោមដី ដោយទាហានអាមេរិក។
លោក Sadiq Shinwari អ្នកជំនាញយោធាអាហ្វហ្កានីស្ថាន បានប្រាប់ស៊ីនហួថា គ្រាប់បែកមិនទាន់ផ្ទុះបាននាំ ឱ្យមានផលវិបាកយ៉ាងធ្ងន់ធ្ងរដល់ វិស័យកសិកម្មរបស់ប្រទេសអាហ្វហ្គានីស្ថាន ដែលសេដ្ឋកិច្ចរបស់ប្រទេស គ្មានដីគោកពឹងផ្អែកជាចម្បង សម្រាប់ធ្វើកសិកម្មបន្ដទៀត ៕
ប្រែសម្រួល ឈូក បូរ៉ា
