ម៉ូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានឲ្យដឹងថា សហគមន៍អន្តរជាតិ គួរតែចូលរួមកិច្ចខិតខំប្រឹងប្រែង ដើម្បីស្វែងរកដំណោះស្រាយនយោបាយ ចំពោះជម្លោះប៉ាឡេស្ទីន និងអ៊ីស្រាអែល នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោក ពូទីន បានឲ្យដឹងនៅ ឯកិច្ចប្រជុំកំពូល និម្មិតវិសាមញ្ញ BRICS ស្តីពីបញ្ហាប៉ាឡេស្ទីន និងអ៊ីស្រាអែលថា “យើងអំពាវនាវឱ្យសហគមន៍អន្តរជាតិ ចូលរួមកិច្ចខិតខំប្រឹងប្រែង ដើម្បីធ្វើឱ្យស្ថានការណ៍កាន់តែតានតឹង ធ្វើការឆ្ពោះទៅរកបទឈប់បាញ់ និងការស្វែងរកដំណោះស្រាយនយោបាយ ចំពោះជម្លោះប៉ាឡេស្ទីន-អ៊ីស្រាអែល”។
លោកបានសង្កត់ធ្ងន់ថា សមាជិក BRICS និងបណ្តាប្រទេសក្នុងតំបន់អាចដើរ តួនាទីសំខាន់ក្នុងការសម្រេច បាននូវគោលដៅទាំងនេះ នេះបើយោងតាមវិមានក្រឹមឡាំង។
លោក ពូទីន បានលើកឡើងថា “វាសំខាន់ណាស់ ដែលបណ្តាប្រទេស BRICS ទាំងអស់មានជំហរស្រដៀងគ្នាទាក់ ទងនឹងតម្រូវការ ដើម្បីរួមគ្នាសម្រេចបាន នូវដំណោះស្រាយរយៈពេលវែង និងប្រកបដោយនិរន្តរភាពនៃ ជម្លោះប៉ាឡេស្ទីន-អ៊ីស្រាអែល ដែលមានរយៈពេលយូរ”។
លោកបានបន្ដថា “ការផ្អាកផ្នែកមនុស្សធម៌ ឬប្រសើរជាងនេះ ជាការពិតបទឈប់បាញ់ពេញលេញ គឺចាំបាច់ ដើម្បីបន្តកិច្ចខិតខំប្រឹងប្រែង ដើម្បីដោះលែងចំណាប់ខ្មាំង និងជម្លៀសជនស៊ីវិល និងពលរដ្ឋបរទេស ចេញពីតំបន់ហ្គាហ្សាស្ទ្រីប” ។
នៅក្នុងសុន្ទរកថារបស់លោក ពូទីន បានកត់សម្គាល់កិច្ចខិតខំប្រឹងប្រែង ដើម្បីជួយធ្វើឱ្យស្ថានភាពធម្មតា ដែលត្រូវបានទទួលយកដោយប្រទេស នៅមជ្ឈិមបូព៌ា ជាពិសេសលទ្ធផល ដែលសម្រេចបានក្នុងក្រប ខ័ណ្ឌនៃកិច្ចប្រជុំកំពូលសន្តិភាពនាពេលថ្មីៗនេះនៅក្នុងប្រទេសអេហ្ស៊ីប និងកិច្ចប្រជុំកំពូលអារ៉ាប់-អ៊ីស្លាម រួមគ្នានៅអារ៉ាប៊ីសាអូឌីត។
គ្រោះមហន្តរាយមនុស្សធម៌បច្ចុប្បន្ន “ជាផលវិបាកផ្ទាល់” នៃបំណងប្រាថ្នា របស់សហរដ្ឋអាមេរិក ក្នុងការផ្តាច់មុខកិច្ច ខិតខំប្រឹងប្រែង សម្របសម្រួល និងរារាំងការងាររបស់ក្រុមអ្នកសម្របសម្រួលអន្តរជាតិនៃមជ្ឈិមបូព៌ា នេះបើយោងតាមមេដឹកនាំរុស្ស៊ី ៕
ប្រែសម្រួល ឈូក បូរ៉ា
