វ៉ាស៊ីនតោន៖ វេជ្ជបណ្ឌិតរបស់លោកបានឲ្យដឹងថា ប្រធានាធិបតីសហរដ្ឋអាមេរិកលោក ចូ បៃដិន មានសុខភាពល្អ បន្ទាប់ពីការពិនិត្យរាងកាយ ប្រចាំឆ្នាំរបស់បុរសអាយុ ៨១ឆ្នាំនៅមន្ទីរពេទ្យយោធា ដែលធ្វើឡើងនៅពេលដែល អ្នកបោះឆ្នោតជាច្រើន មានការព្រួយបារម្ភអំពីកាយសម្បទា របស់លោកក្នុងការបម្រើអាណត្តិទីពីរ នៅក្នុងសេតវិមាន។
វេជ្ជបណ្ឌិតរបស់ បៃដិន គឺលោក Kevin O’Connor បានសរសេរក្នុងកំណត់ហេតុចំនួន ៦ទំព័រថា “ប្រធានាធិបតីមានអារម្មណ៍ល្អ ហើយរូបរាងកាយក៏ល្អនៅឆ្នាំនេះ និងបានរកឃើញថា មិនមានការព្រួយបារម្ភថ្មីនោះទេ លោកនៅតែមានភាពសមស្របនឹងកាតព្វកិច្ច និងអនុវត្តទាំងស្រុងនូវការទទួលខុសត្រូវ ទាំងអស់របស់លោក”។
ឯកសារដែលបានផ្ញើទៅ កាន់សេតវិមានបន្ទាប់ពីលោក បៃដិន បានចំណាយពេលជាង ២ម៉ោងកន្លះ នៅមជ្ឈមណ្ឌលវេជ្ជសាស្ត្រយោធាជាតិ Walter Reed នៅជិតទីក្រុងវ៉ាស៊ីនតោន សម្រាប់ការត្រួតពិនិត្យក៏បានកំណត់ថា លោកជាបុរសអាយុ ៨១ឆ្នាំដែលមានសុខភាពល្អ សកម្ម និងរឹងមាំ។
លោក បៃដិន ដែលជាប្រធានាធិបតី ដែលមានវ័យចំណាស់បំផុត ក្នុងប្រវត្តិសាស្ត្រសហរដ្ឋអាមេរិក បាននិយាយលេងសើចនៅពេលក្រោយ នៅក្នុងព្រឹត្តិការណ៍មួយ ស្តីពីការប្រយុទ្ធប្រឆាំងនឹងឧក្រិដ្ឋកម្ម ទាក់ទងនឹងសុខភាពរបស់គាត់។
លោក បៃដិន នឹងមានអាយុ ៨៦ឆ្នាំនៅពេលបញ្ចប់អាណត្តិទី៤ ឆ្នាំទីពីរ ប្រសិនបើលោកឈ្នះការ បោះឆ្នោតប្រធានាធិបតីឆ្នាំ២០២៤។ ប្រធានាធិបតីប្រជាធិបតេយ្យ បាននិយាយម្តងហើយម្តងទៀតថា លោកមានរូបរាងល្អខណៈដែលលោករៀបចំ សម្រាប់ការប្រកួតប្រជែងឡើងវិញ ជាមួយអ្នកស្នងតំណែងមុនរបស់លោក ដូណាល់ ត្រាំ ក្នុងខែវិច្ឆិកា ៕
ប្រែសម្រួល ឈូក បូរ៉ា
