បរទេស ៖ យោងតាមការចេញ ផ្សាយរបស់ RT យុវជនម្នាក់ ដែលបានបញ្ចៀស និងនាំមនុស្សជាង១០០នាក់ ទៅកាន់ទីសុវត្ថិភាព ក្នុងអំឡុងពេលការ វាយប្រហារភេរវករ កាលពីថ្ងៃសុក្រនៅឯសាលប្រគុំតន្ត្រី នៅទីក្រុងមូស្គូត្រូវបាន គេសរសើរថាជាវីរបុរស។
យុវជនIslam Khalilov អាយុ ១៥ឆ្នាំ ដែលធ្វើការក្រៅម៉ោងនៅក្នុង បន្ទប់សំលៀកបំពាក់មួយនៅ Crocus City បានរៀបរាប់ពីព្រឹត្តិការណ៍នៃសោកនាដកម្ម ល្ងាចនេះទៅកាន់ភ្នាក់ងារវីដេអូ Ruptly ។
កន្លែងប្រគុំតន្ត្រី ដែលស្ថិតនៅខាងក្រៅទីក្រុងមូស្គូ ត្រូវបានប្រមូលផ្តុំនៅមុនការសម្តែង ដោយក្រុមតន្រ្តីរ៉ុករុស្ស៊ី Picnic នៅពេលដែលក្រុមភេរវករ ប្រដាប់ដោយកាំភ្លើងវែង បានបង្ខំពួកគេចូលទៅក្នុងអគារ ។ ពួកគេបានបាញ់រះដោយមិនរើសមុខ ទៅលើហ្វូងមនុស្ស ហើយបន្ទាប់មកបានដុតសាលប្រគុំតន្ត្រីផង ។
គួរឲ្យដឹងដែរថា យោងតាមការប៉ាន់ស្មានចុងក្រោយ នេះគេជឿជាក់ថា ការវាយប្រហារបានឆក់យក ជីវិតមនុស្សយ៉ាងហោចណាស់ ១៣៧នាក់ និងប្រហែល ១៨០នាក់រងរបួស ៕
ប្រែសម្រួល៖ស៊ុនលី
