ការ៉ាកាស ៖ ប្រធានាធិបតី វេណេស៊ុយអេឡាលោក នីកូឡា ម៉ាឌូរ៉ូ បានព្រមានប្រឆាំង នឹងការគំរាមកំហែងថ្មី ពីសហរដ្ឋអាមេរិក នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោក ម៉ាឌូរ៉ូ បានសរសេរនៅលើគេហទំព័រ X ដែលជាអតីត Twitter ឲ្យដឹងថា “ចក្រភពអាមេរិកបានជ្រើសរើសថ្ងៃ Good Friday ដើម្បីគំរាមប្រទេសវ៉េណេស៊ុយអេឡាម្តងទៀត”។
លោកបានលើកឡើងថា “ពួកគេគំរាមជំរុញឲ្យមានទណ្ឌកម្ម ការបិទផ្លូវ ការឈ្លានពានសេដ្ឋកិច្ចប្រឆាំងនឹងប្រទេសរបស់យើងដោយភាពក្រអឺតក្រទម ដោយជឿថាខ្លួនជាម្ចាស់ នៃពិភពលោក ជឿថាខ្លួនជាម្ចាស់ប្រជាជនរបស់យើង”។
រដ្ឋាភិបាលសហរដ្ឋអាមេរិក បានចេញសេចក្តីថ្លែងការណ៍មួយកាលពីថ្ងៃពុធ ដោយបង្ហាញពីការព្រួយបារម្ភ អំពីដំណើរការបោះឆ្នោត នៅក្នុងប្រទេសអាមេរិកខាងត្បូង ដែលជាជំហរមួយ ដែលត្រូវបានរិះគន់ដោយទីក្រុងការ៉ាកាស ខណៈដែលសហរដ្ឋអាមេរិកព្យាយាម “បន្ទាបតម្លៃ និងធ្វើឱ្យមានភាពស្របច្បាប់” នូវលទ្ធផលនៃការបោះឆ្នោតប្រធានាធិបតី នាពេលខាងមុខរបស់ប្រទេស វេណេស៊ុយអេឡា។
កាលពីថ្ងៃទី២១ ខែមីនា គណៈកម្មាធិការកិច្ចការបរទេស របស់សភាអាមេរិក បានអនុម័តច្បាប់ ស្តីពីការផ្តល់ជំនួយសង្គ្រោះបន្ទាន់ ជំនួយប្រជាធិបតេយ្យ និងការអភិវឌ្ឍន៍ (VERDAD) របស់វេណេហ្ស៊ុយអេឡា ដែលមានបំណងពង្រីកវិធានការ បង្ខិតបង្ខំជាឯកតោភាគី ប្រឆាំងនឹងប្រទេស អាមេរិកខាងត្បូងមួយនេះ ៕
ប្រែសម្រួល ឈូក បូរ៉ា
