បរទេស៖យោងតាមការចេញផ្សាយរបស់ RT រដ្ឋាភិបាលអាមេរិកមិនជឿថា អ៊ីស្រាអែលអាចសម្រេចបាននូវគោលដៅសំខាន់ណាមួយរបស់ខ្លួននៅក្នុងតំបន់ហ្គាហ្សា ដោយការបន្តប្រយុទ្ធជាមួយក្រុមហាម៉ាស់នោះទេ។
អត្ថបទដែលត្រូវបានដកស្រង់និងចេញផ្សាយដោយកាសែត The New York Times បានរាយការណ៍កាលពីថ្ងៃពុធដោយដកស្រង់ប្រភពខាងក្នុង។
រដ្ឋបាលរបស់ប្រធានាធិបតីអាមេរិក Joe Biden កំពុងព្យាយាមបញ្ចុះបញ្ចូលនាយករដ្ឋមន្ត្រីអ៊ីស្រាអែល Benjamin Netanyahu ឱ្យទទួលយកបទឈប់បាញ់ ដែលនឹងមានលក្ខខណ្ឌលើការវិលត្រឡប់នៃចំណាប់ខ្មាំងដែលត្រូវបានចាប់ខ្លួនដោយពួកសកម្មប្រយុទ្ធប៉ាឡេស្ទីនក្នុងអំឡុងពេលការលុកលុយចូលប្រទេសកាលពីខែតុលាឆ្នាំមុនផងដែរ។
មេដឹកនាំអ៊ីស្រាអែលកំពុងរងសម្ពាធពីសមាជិកស្តាំនិយមជ្រុលនៃគណៈរដ្ឋមន្ត្រីរបស់លោកដើម្បីគោះជញ្ជាំងកិច្ចព្រមព្រៀងដែលបានស្នើឡើង និងបន្តការប្រយុទ្ធ។
រដ្ឋជ្វីហ្វនេះក៏បានប្រកាសដែរថា ការលុបបំបាត់ក្រុមហាម៉ាស គឺជាគោលដៅចម្បងរបស់ខ្លួន នៅពេលដែលខ្លួនបានចាប់ផ្តើមប្រតិបត្តិការរបស់ខ្លួននៅតំបន់ហ្គាហ្សា ដើម្បីឆ្លើយតបទៅនឹងការវាយឆ្មក់នៅខែតុលាមកម្ល៉េះ៕
ប្រែសម្រួល៖ស៊ុនលី
