ព័ត៌មានជាតិ

អគ្គស្នងការ នគរបាលជាតិ ណែនាំឲ្យ នគរបាលជាប់ព្រំដែន អនុវត្តតាមគោលការណ៍ រាជរដ្ឋាភិបាល

ភ្នំពេញ ៖ លោកឧត្តមសេនីយ៍ឯក ឆាយ គឹមខឿន អគ្គស្នងការរង និងជា អ្នកនាំពាក្យ អគ្គស្នងការដ្ឋា ននគរបាលជាតិ បានថ្លែងថា នាពេលកន្លងមក អគ្គស្នងការដ្ឋាននគរបាលជាតិ សម្របសម្រួ ល និងចរចាជាមួយ កម្លាំងនគរបាលនៅជាប់ព្រំដែន អនុវត្តតាមកិច្ចព្រមព្រៀង និងតាមគោ លការណ៍របស់រាជរដ្ឋាភិបាល។

ក្រោយបញ្ចប់កិច្ចប្រជុំ បូកសរុបសភាពការណ៍ និងលទ្ធផលកិច្ចប្រតិបត្តិការ ប្រចាំខែឧសភា និងដាក់ចេញទិសដៅអនុវត្តការងារ ប្រចាំខែមិថុនា ឆ្នាំ២០២០ នៅថ្ងៃទី៤ ខែមិថុនា ឆ្នាំ២០២០ ឧត្តមសេនីយ៍ឯក ឆាយ គឹមខឿន អគ្គស្នងការរង និងជា អ្នកនាំពាក្យ អគ្គស្នងការដ្ឋាននគរ បាលជាតិ មានប្រសាសន៍ ប្រាប់ក្រុមអ្នកសារព័ត៌មាន ថា «យើងក៏ខិតខំសម្របសម្រួល ចរចា ជាមួយកម្លាំង នៅជាប់ព្រំដែន ដើម្បីឲ្យអនុវត្តទៅតាមអ្វី ដែលយើងព្រមព្រៀងគ្នា និងអ្វីដែល មានកំណត់ហេតុប្រតិបត្តិការ តាមគោលការណ៍ របស់រាជរដ្ឋាភិបាល ប្រទេសទាំងពីរ»។

យោងតាមរបាយការណ៍ បូកសរុបភាពការណ៍ និងលទ្ធផលកិច្ចប្រតិបត្តិការ ប្រចាំខែឧសភា និងទិសដៅអនុវត្តការងារ ប្រចាំខែមិថុនា ឆ្នាំ២០២០ បានបញ្ជាក់ថា ក្នុងខែឧសភា ឆ្នាំ២០២០ សភាពការណ៍សន្តិសុខ នៅតាមតំបន់ព្រំដែនមាន លក្ខណៈស្ងប់ស្ងាត់ និងពុំមានហេតុការណ៍ ប្រឈមមុខ ដោយប្រដាប់អាវុធឡើយ។ ប៉ុន្តែសភាពការណ៍ ដែលត្រូវបានកត់សម្គាល់នោះ គឺ ភាគីវៀតណាម និងថៃ បានបោះតង់ សង់រោងតាមបណ្តោយព្រំដែន ចំនួន២៥៧កន្លែង (ថៃ១ កន្លែងត្រូវបានរុះ) ក្រោមហេតុផល បង្កើតប៉ុស្តិ៍សង្កេតការណ៍បង្ការ ជំងឺកូវីដ-១៩៕ ដោយ ៖ អេង ប៊ូឆេង

To Top
×