ព័ត៌មានជាតិ

ប្រមុខ រាជរដ្ឋាភិបាល ប្រកាសសាងសង់ផ្លូវ ចំនួន៣ខ្សែតភ្ជាប់ ទៅកាន់ខេត្តកំពត

ភ្នំពេញ ៖ សម្ដេចតេជោ ហ៊ុនសែន នាយករដ្ឋមន្រ្តីកម្ពុជា បានប្រកាសនឹងសាងសង់ផ្លូវ ចំនួន៣ខ្សែ តភ្ជាប់ទៅកាន់ខេត្តកំពត ។
ក្នុងពិធីសម្ពោធមជ្ឈមណ្ឌលកម្សាន្ត ខ្នាតយក្សដំបូងនៅកម្ពុជា «ព្រីនស៍ ម៉ាណ័រ» នៅថ្ងៃទី៧ ខែតុលា ឆ្នាំ២០២០ សម្ដេចបានថ្លែងថា “ព្រោះចរចាត្រូវថ្លៃហើយ ទី១ផ្លូវ៤១ តភ្ជាប់ផ្លូវជាតិលេខ៤ ចុះទៅកំពត ទី២ គឺផ្លូវជាតិលេខ៣១ នៅកំពត ទី៣ផ្លូវជាតិ៣៣ នៅកំពតទៀត អាហ្នឹងយើងបានឯកភាព ចរចាជាគម្រោង ហើយបានប្រថាប់ត្រា និងចុះហត្ថលេខា ឲ្យអូន ព័ន្ធមុន្នីរ័ត្ន និងស៊ុន ចាន់ថុល ចុះហត្ថលេខា ។ ចុះហត្ថលេខាហើយ គឺធ្វើហ្មងផ្លូវហ្នឹង”។

សម្ដេចបញ្ជាក់ថា គ្រប់ការដ្ឋានទាំងអស់ គឺអត់មានថយក្រោយនោះទេ គឺត្រូវតែបន្តទៅមុខជានិច្ច។

ក្នុងឱកាសនោះសម្ដេចនាយករដ្ឋមន្រ្តី បន្ថែមថា ដោយសារតែមានហេដ្ឋារចនាសម្ព័ន្ធល្អ ទើបប្រជាពលរដ្ឋ មានការធ្វើដំណើរងាយស្រួល និងដើរកម្សាន្តប្រកបដោយភាពសប្បាយរីករាយ ៕ ដោយ៖ធី លីថូ

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top