ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានសុំការយោគយល់ពីប្រជាពលរដ្ឋ ដោយមូលហេតុថា អ្នកមកចាក់វ៉ាក់សាំងការពារជំងឺកូវីដ-១៩ មានតាមលំដាប់អាទិភាព ដូច្នេះ ត្រូវរង់ចាំតាមលំដាប់លំដោយជាមុនសិន ព្រោះថា គ្រូពេទ្យមានតិច រីឯអ្នកចាក់មានច្រើន។
![](https://dap-news.com/wp-content/uploads/2021/05/94-1-1024x768.jpg)
សម្ដេចតេជោ ហ៊ុន សែន លើកឡើងបែបនេះ ក្រោយពីមានហ្វេសប៊ុកឈ្មោះ Bro Jimmy ចូលខំមិនហ្វេសប៊ុក សម្ដេចថា «ពុក គ្រួសារខ្ញុំចង់ចាក់ណាស់ តែចុះឈ្មោះហើយ អត់ទាន់បានចាក់ទេ»។
![](https://dap-news.com/wp-content/uploads/2021/05/95-1-1024x682.jpg)
ជាការឆ្លើយ សម្ដេចតេជោ មានប្រសាសន៍ថា «សូមចាំបន្តិច ដោយយើងចាក់មានមុនមានក្រោយតាមលំដាប់អាទិភាព ព្រោះគ្រូពេទ្យមានតិច ឯអ្នកត្រូវចាក់មានច្រើន។ សុំការយោគយល់»។
![](https://dap-news.com/wp-content/uploads/2021/05/96-1-1024x768.jpg)
សូមរំលឹកថា គិតត្រឹមថ្ងៃទី០២ ខែឧសភា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសចំនួន ១,៧៧៥,០៦១នាក់៕
![](https://dap-news.com/wp-content/uploads/2021/05/93-1024x682.jpg)
![](https://dap-news.com/wp-content/uploads/2020/08/1-1.png)