ស្វាយរៀង ៖ រថយន្តយីឌុបធុនយក្ស ចំនួន០៥គ្រឿង ឃ្លុំជិតសង្ស័យជាទំនិញគេចពន្ធ ខុសច្បាប់ មកសង្ងំលាក់ខ្លួន នៅជិតមាត់ច្រករបៀង ក្រសាំងជ្រំ ភូមិក្រសាំងជ្រំ ឃុំគ្រួស ស្រុកស្វាយជ្រំ ត្រៀមលួចឆ្លងដែនទៅប្រទេសយួន នៅពេលយប់ ដោយសមត្ថកិច្ចមានការ ត្រូវរ៉ូវគ្នាជាមួយឈ្មួញ។
ករណីនេះបានកើតឡើង នៅវេលាម៉ោង០៣និង០០នាទីទៀបភ្លឺថ្ងៃទី២៤ឧសភា ឆ្នាំ២០២២ នៅចំណុចច្រករបៀងក្រសាំងជ្រំ ភូមិក្រសាំងជ្រំឃុំគ្រួសស្រុកស្វាយជ្រំ។
បើតាម មន្ត្រីនគបាលឃុំគ្រួសម្នាក់ សុំមិនបញ្ចេញឈ្មោះបានឲ្យដឹងថា រយៈពេលកន្លះខែមកនេះ មានរថយន្តយីឌុបធំៗ ប្រភេទវ៉េអង ចាប់ពី០៥ទៅ១០គ្រឿង ឃ្លុំជិត និងរថយន្តកុងតឺន័រ សណ្តោងរ៉ឺម៉ក ជាច្រើនគ្រឿងដឹកទំនិញ ចុះពីផ្លូវជាតិលេខ១ តាមមុខក្លោងទ្វារវត្តស្វាយជ្រំ ឆ្ពោះទៅព្រំដែន ប៉ុស្ត៍ច្រករបៀងក្រសាំងជ្រំ រាល់ថ្ងៃសង្ស័យ ជាទំនិញគេចពន្ធខុសច្បាប់។
ប្រភពបន្តទៀតថា ប៉ុស្ត៍ច្រករបៀងក្រសាំងជ្រំ ប៉ុន្មានខែចុងក្រោយនេះ គឺមានឈ្មួញមករកស៊ីនាំទំនិញ ចេញចូលទៅប្រទេសវៀតណាមច្រើន ពេលថ្ងៃឈ្មួញ នាំផ្លែឈើ ពីប្រទេសវៀតណាម ចូលតាមច្រករបៀងក្រសាំងជ្រំ មានផ្លែស្រការ នាគ ធូរេន និងខ្នុរ ដឹកតាមរថយន្តសាំយ៉ុង យកទៅរាជធានីភ្នំពេញ ។ ហើយពេលយប់ឈ្មួញ លួចនាំទំនិញគេចពន្ធ ទៅប្រទេសវៀតណាមវិញ គឺមាន ស្ករស បារី អេតចាយ និងទំនិញគេចពន្ធផ្សេងទៀតឃ្លុំជិត មិនអាចរកការបំភ្លឺ ពីសមត្ថកិច្ចបានទេ នៅព្រឹកថ្ងៃទី២៤ឧសភា២០២២នេះ ។
ទាក់ទិនករណីនេះដែរ សមត្ថកិច្ចម្នាក់បានបង្ហើបឲ្យដឹងថា ស្ករ ស និងបារី« ស៊ែត ZE និងបារីHERO» គឺជារបស់ប្រពន្ធលោកមេបញ្ជាការកងរាជ អាវុធហត្ថស្រុកស្វាយជ្រំ ដោយស្តុកនៅ ក្នុងឃ្លាំងស្ថិតនៅភូមិក្រសាំងជ្រំហើយផ្ទេរដឹកតាមត្រាក់ទ័រ ក្នុង១យប់ៗ រាប់សិបតោន។ទាក់ទិនករណីនេះដែរ លោកមេបញ្ជាការកងរាជ្រអាវុធហត្ថរូបនោះបានបំភ្លឺតាមទូរសព្ទ័ថា ទំនិញ ស្ករ ស ប្រពន្ធគាត់បានបង់ពន្ធគយ អស់ហើយ និងបង់ថ្លៃផ្លូវរួចហើយដែរ។
ចំណែកមហាជនបានលើកឡើងថា ចំពោះការនាំផ្លែឈើ ពីប្រទេសវៀតណាមចូលមកគឺ ពុំដែលឃើញមានមន្ត្រីជំនាញ ចុះមកពិនិត្យគុណភាពទេ ហានីភ័យខ្លាំងណាស់ធ្វើឲ្យប៉ះពាល់ដល់សុខភាពអ្នកបរិភោគ។ ហើយចំពោះទំនិញគេចពន្ធគឺធ្វើឲ្យបាត់បង់ប្រាក់ចំណូលរបស់រដ្ឋ សូមលោកអភិបាលខេត្តមេត្តា ជួយអន្តរាគមន៍ផងទាន៕
