ព័ត៌មានជាតិ

Update៖ អង្គការ NATO ស្វែងរកមើលប្រទេសផ្សេងៗទៀត ក្នុងគោលបំណង ទប់ស្កាត់ការបង្កឲ្យមានភាពភ័យខ្លាចពីសំណាក់ក្រុងម៉ូស្គូ 

គៀវ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១ ខែធ្នូ ឆ្នំា២០២២ថា ប្រទេសរុស្ស៊ី បានឲ្យដឹងថា កងកម្លាំងរបស់ខ្លួននៅភាគខាងកើតអ៊ុយក្រែនបានឆ្ពោះទៅមុខសំដៅ ហើយក្រុង គៀវ បានឲ្យដឹងថា ទីក្រុងម៉ូស្គូ កំពុង “រៀបចំផែនការអ្វីមួយ” នៅភាគខាងត្បូង ហើយអង្គការ NATO បានស្វែងរកមើលប្រទេសផ្សេងទៀតក្នុងបំណងទប់ស្កាត់ការបង្កឲ្យមានភាពភ័យខ្លាច និងអស្ថិរភាពពីសំណាក់ទីក្រុងម៉ូស្គូ ។

អគ្គសេនាធិការអ៊ុយក្រែន បានថ្លែងនៅមុននេះថា កងទ័ពរបស់ខ្លួនបានវាយលុកការវាយប្រហាររបស់រុស្ស៊ីចំនួន៦ទីតាំងនៅក្នុងរយៈពេល២៤ម៉ោងនៅក្នុងតំបន់ Donbas ភាគខាងកើត ខណៈដែលកាំភ្លើងធំរបស់រុស្ស៊ី បានបាញ់ផ្លោងមិនឈប់ឈរឆ្លងកាត់ទន្លេ Dnipro រួមទាំងនៅទីក្រុង Kherson នៅភាគខាងត្បូង ។

លោក Kyrylo Tymoshenko អនុប្រធានរដ្ឋបាលប្រធានាធិបតីអ៊ុយក្រែនបានថ្លែងថា អគ្គិសនីត្រូវបានស្ដារឡើងវិញដល់អ្នកប្រើប្រាស់៦៥ភាគរយនៅក្នុងក្រុង Kherson ។ ជនជាតិរុស្ស៊ី បានវាយលុកទីក្រុងភាគខាងត្បូងចាប់តាំងពីពួកគេបានដកខ្លួនចេញកាលពីដើមខែនេះ ។

ផ្ទាំងពាណិជ្ជកម្ម

អាកាសធាតុនារដូវរងាបានបង្អាក់ការប្រយុទ្ធគ្នានៅលើដីគោក ហើយប្រធានាធិបតី លោក Volodymyr Zelenskiy បានប្រាប់ពលរដ្ឋឱ្យរំពឹងថា នឹងមានការវាយលុកពីសំណាក់រុស្ស៊ីដ៏ធំមួយនៅក្នុងសប្តាហ៍នេះលើហេដ្ឋារចនាសម្ព័ន្ធអគ្គិសនីដែលកំពុងរងទុក្ខវេទនារបស់អ៊ុយក្រែន ដែលក្រុងម៉ូស្គូបានបង្កើនការវាយលុកជារៀងរាល់សប្តាហ៍ចាប់តាំងពីដើមខែតុលា ។

លោក Antony Blinken រដ្ឋមន្ត្រីការបរទេសអាមេរិក បានថ្លែងបន្ទាប់ពីកិច្ចពិភាក្សារបស់អង្គការ NATO នៅទីក្រុង Bucharest ថា “ទាំងនេះគឺជាគោលដៅថ្មីរបស់ប្រធានាធិបតី វ្លាឌីមៀ ពូទីន ។ គាត់កំពុងវាយលុកពួកគេយ៉ាងខ្លាំង” ៕

To Top