បរទេស ៖ រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយ កាលពីថ្ងៃសុក្រថា ជម្លោះនៅមជ្ឈិមបូព៌ា អាចដោះស្រាយបាន ដោយការបញ្ឈប់អំពើហិង្សា និងបង្កើតលក្ខខណ្ឌ សម្រាប់ការបង្កើត រដ្ឋប៉ាឡេស្ទីនឯករាជ្យមួយ។ លោកបានបន្ថែមថា “នឹងមិនមានអ្នកឈ្នះទេ” នៅក្នុងសង្រ្គាម ដែលកំពុងបន្តនេះ។
យោងតាមសារព័ត៌មាន RT ចេញផ្សាយនៅថ្ងៃទី១ ខែវិច្ឆិកា ឆ្នាំ២០២៤ បានឱ្យដឹងថា នៅក្នុងបទសម្ភាសន៍ជាមួយកាសែត Hurriyet ប្រចាំថ្ងៃរបស់ប្រទេស តួកគី លោក Lavrov បាននិយាយថា យើងកំពុងឃើញការកើនឡើង នៃអំពើហិង្សា នៅមជ្ឈិមបូព៌ា ហើយថាចំនួនប្រទេស ដែលកំពុងកើនឡើង កំពុងត្រូវបានអូសទាញចូលទៅក្នុង “លំហូរនៃការ ប្រឈមមុខដាក់គ្នា” ។
អ៊ីស្រាអ៊ែល និងក្រុមហេសបូឡា ដែលមានមូលដ្ឋាននៅលីបង់ បានធ្វើការបាញ់ ប្រហារគ្នាកាលពីឆ្នាំមុន ខណៈដែលក្រុមចុង ក្រោយនេះបានគាំទ្របុព្វ ហេតុប៉ាឡេស្ទីន ក្នុងពន្លឺនៃប្រតិបត្តិការយោធា របស់ក្រុងហ្សេរុយសាឡឹម ខាងលិច ប្រឆាំងនឹងក្រុមហាម៉ាស។ អ៊ីស្រាអែលបានបង្កើនយុទ្ធនាការរបស់ខ្លួនប្រឆាំងនឹងក្រុមសកម្មប្រយុទ្ធស៊ីអ៊ីត ដោយបើកការវាយប្រហារលើគោលដៅរបស់ក្រុម ហេសបូឡា នៅភាគខាងត្បូងប្រទេសលីបង់។
ភាពតានតឹង រវាងទីក្រុងតេហេរ៉ង់ និងក្រុងហ្សេរុយសាឡឹមខាងលិច ក៏បានកើនឡើងផងដែរចាប់ តាំងពីអ៊ីស្រាអែល បានធ្វើការវាយប្រហារជា បន្តបន្ទាប់ប្រឆាំងនឹងគោលដៅ នៅក្នុងប្រទេសអ៊ីរ៉ង់ កាលពីសប្តាហ៍មុន ។ ការវាយប្រហារនេះគឺ ដើម្បីឆ្លើយតបទៅនឹងការបាញ់ស្រោចកាំជ្រួច ដែលអ៊ីរ៉ង់ បានបាញ់ទៅលើរដ្ឋជ្វីហ្វកាលពីខែតុលា ដែលជាការសងសឹក ចំពោះការសម្លាប់ពួកហេសបូឡា និងមេបញ្ជាការអ៊ីរ៉ង់ ៕
ប្រែសម្រួលៈ ណៃ តុលា
