កំពង់ស្ពឺ៖ ដោយអនុវត្តតាមគំរូដឹកនាំប្រកបដោយគុណធម៏របស់ លោក នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ព្រមទាំងមានការណែនាំដោយផ្ទាល់ពីសំណាក់ លោកបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ
នៅថ្ងៃទី៩ ខែវិច្ឆិកា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ចាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំក្រុមការងារកងរាជអាវុធហត្ថ បន្តចុះសួសុខទុក្ខនិងនាំយកនូវថវិកាព្រមទាំងគ្រឿងឧបភោគបរិភោគឧបត្ថម្ភជូនដល់បងប្អូនប្រជាពលរដ្ឋមានជីវភាពខ្វះខាតចំនួន០៧គ្រួសារ ក្នុងមូលដ្ឋានឃុំអមលាំង ស្រុកថ្ពង ខេត្តកំពង់ស្ពឺ។ប្រជាពលរដ្ឋទាំង០៧គ្រួសាររួមាន៖គ្រួសារទី១ឈ្មោះ ឯក ហេន ភេទស្រី អាយុ ៧៣ឆ្នាំ រស់នៅភូមិថ្មគប់ គ្រួសារទី២ឈ្មោះ ចាន ឆែម ភេទប្រុស អាយុ ៨២ឆ្នាំ រស់នៅភូមិថ្មគប់,គ្រួសារទី៣ឈ្មោះ យីម សាយ ភេទស្រី អាយុ ៥៩ឆ្នាំ រស់នៅភូមិថ្មគប់ គ្រួសារទី៤ឈ្មោះ ជួង ផន ភេទប្រុស អាយុ ៥៣ឆ្នាំ រស់នៅភូមិថ្មគប់,គ្រួសារទី៥ឈ្មោះ នុត អាត ភេទប្រុស អាយុ ៣៤ឆ្នាំ រស់នៅភូមិព្រៃជ្រៅ គ្រួសារទី៦ឈ្មោះ អួន ចិត ភេទប្រុស អាយុ ៣២ឆ្នាំ រស់នៅភូមិព្រៃជ្រៅ និងគ្រួសារទី៧ឈ្មោះ អួន ពែក ភេទស្រី អាយុ ៥៤ឆ្នាំ រស់នៅភូមិព្រៃជ្រៅ។
ក្នុងឱកាសចុះសួរសុខទុក្ខនោះដែរ លោកឧត្តមសេនីយ៍ត្រី ម៉េង ស្រ៊ុន បាននាំយកនូវថវិកាចំនួន ៣៥០,០០០៛ ព្រមទាំងសម្ភារៈគ្រឿងឧបភោគ បរិភោគរួមមាន៖អង្ករ ២៨បេ(ស្នើនឹង ១៤០គីឡូ),មី ៧កេស,ទឹកបរិសុទ្ធ ៧កេស,ទឹកភេសជ្ជៈ ៧កេស,ទឹកត្រី ៧យួរ និងទឹកស៊ីអ៊ីវ ៧យួរ ឧបត្ថម្ភជូនដល់បងប្អូនប្រជាពលរដ្ឋទាំង០៧គ្រួសារផងដែរ។
ជាទឹកចិត្តសប្បុរសធម៌ដែលកើតពីក្តីអាណិតអាសូរចេញពីបេះពិតរបស់ លោកឧត្តមសេនីយ៍ត្រី ម៉េង ស្រ៊ុន គឺជាអំពើល្អមួយចំពោះក្រុមគ្រួសារគាត់ដោយបង្ហាញពីសកម្មភាពមនុស្សធម៌ដ៏មានតម្លៃ និងជាការបង្ហាញពីទឹកចិត្តអាណិតស្រឡាញ់ គិតគូរនៅក្នុងសង្គម។ការជួយជ្រោមជ្រែងដល់គាត់នាពេលនេះ មិនត្រឹមតែជួយសម្រាលការលំបាកក្នុងជីវភាពរស់នៅរបស់ក្រុមគ្រួសារគាត់ប៉ុណ្ណោះទេ និងបានឆ្លុះបញ្ចាំងពីវប្បធម៌នៃការចែករំលែកនិងសាមគ្គីភាពយ៉ាងស្រស់ស្អាតផងដែរ៕
