រ៉ងហ្គូន៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៤ ខែធ្នូ ឆ្នាំ២០២០ថា ក្រសួងសុខាភិបាល និងកីឡា បានប្រកាសឲ្យដឹងថា ចំនួនអ្នកឆ្លងជំងឺកូវីដ១៩ នៅក្នុងប្រទេសមីយ៉ាន់ម៉ា បានកើនឡើងដល់ ១០៩.៥១២នាក់ គិតត្រឹមថ្ងៃចន្ទនេះ ។
សរុបមានអ្នកឆ្លងជំងឺថ្មីចំនួន ១.១៧០នាក់ ដែលបានបញ្ជាក់ថា មានករណីជំងឺកូវីដ១៩ ត្រូវបានរាយការណ៍នៅក្នុងប្រទេស ។
សេចក្តីប្រកាសបានឲ្យដឹងថា ចំនួនអ្នកស្លាប់បានកើនឡើងដល់ ២.២៩២នាក់ ជាមួយនឹងអ្នកស្លាប់បន្ថែមទៀតចំនួន ២៤នាក់ គិតត្រឹមថ្ងៃចន្ទនេះ នៅក្នុងប្រទេស ។
ក្រសួងបានបង្ហាញតួលេខថា សរុបមានអ្នកជំងឺចំនួន ៨៨.១៣១នាក់ បានចាកចេញពីមន្ទីរពេទ្យនានា និងពលរដ្ឋចំនួន ១,៤៥លាននាក់ បានទទួលការធ្វើតេស្តរកមេរោគ ៕
ប្រែសម្រួលដោយ៖ ម៉ៅ បុប្ផាមករា
