បរទេស ៖ ទីភ្នាក់ងារចិនស៊ិនហួចេញផ្សាយ នៅថ្ងៃអង្គារនេះបានឲ្យដឹងថា លោក Mutlaq bin Majed Al-Qahtaniប្រេសិតពិសេស តំណាងឲ្យក្រសួងការបរទេស របស់ប្រទេសកាតា បានបើកកិច្ចពិភាក្សាគ្នា មួយជាមួយនឹង នឹងលោករដ្ឋមន្ត្រីការបរទេស នៃប្រទេសប៉ាគីស្ថាន Shah Mahmood Qureshi និងមេបញ្ជាការលោក Javed Bajwa ផងទៅលើបញ្ហាសំខាន់មួយ គឺដំណើរការសន្តិភាព នៅក្នុងប្រទេសអាហ្គានីស្ថាន។
នៅក្នុងសេចក្តីថ្លែងការណ៍រួមមួយ ដោយក្រសួងការបរទេស ប៉ាគីស្ថាន បានឲ្យដឹងថា លោក Qureshi បានបញ្ជាក់ជាថ្មី ក្នុងពេលជួបជាមួយប្រេសិត ពិសេសដែលថា
ប៉ាគីស្ថាននៅតែមានភាពជឿជាក់ យ៉ាងមុតមាំលើដំណោះស្រាយ ដែលបានចរចា ព្រោះគ្មានដំណោះស្រាយយោធាឡើយ ដែលគួរតែត្រូវធ្វើឡើងចំពោះជម្លោះនៅ
អាហ្វហ្គានីស្ថាន ។
ក្រសួងការបរទេសដោយសង្កត់ធ្ងន់ទៀតថា សន្តិភាពនិងស្ថិរភាពនៅអាហ្វហ្គានីស្ថាន គឺជាផលប្រយោជន៍ របស់ប៉ាគីស្ថាន ហើយលោក Qureshi បានគូសបញ្ជាក់ពីតម្រូវការ
ចាំបាច់ក្នុងការប្រុងប្រយ័ត្នខ្ពស់ ចំពោះតួនាទីរបស់ភាគីពាក់ព័ន្ធមួយចំនួន ដែលកំពុងព្យាយាមបំផ្លាញ ដំណើរការសន្តិភាពនេះ ។
គួរឲ្យដឹងដែរថា នៅក្នុងអំឡុងពេល នៃកិច្ចប្រជុំនេះបញ្ហា នៃការចាប់អារម្មណ៍ទៅវិញ ទៅមកស្ថានភាពសន្តិសុខ ក្នុងតំបន់កិច្ចសហប្រតិបត្តិការ ក្នុងវិស័យផ្សេងៗនិង ការសម្របសម្រួល នៃដំណើរការផ្សះផ្សានៅអាហ្វហ្គានីស្ថាន ក៏ត្រូវបានលើកមកពិភាក្សាលម្អិតផងដែរ៕
ប្រែសម្រួល៖ស៊ុនលី
